Chapter I -From City To Village
සාමාන්‍ය පෙළ විභාගය නිම වී සති තුනක් පමණ ගෙවී ගොස් අවසන්ය.
දෙසැම්බරයේ හමන සීතල සුළං රැලි සමග නැලවෙන ගස්වැල්වල හඬට අමතරව කුරුල්ලන්ගේ හඬ ද පරිසරයේ ඇති නිහැඬියාව බිඳීමට සමත්වී ඇත. වෙලාව මධ්‍යහ්න 12ට පමණ කිට්ටුව ඇතැයි මා නිගමනය කළේ නිවසට ආසන්නයේ තිබූ ඔරලෝසු කනුවේ සීනුව නාද වෙන හඬ ඇසීමෙන් අනතුරුවය.
Oops! This image does not follow our content guidelines. To continue publishing, please remove it or upload a different image.
අද දිනය කවදාද යන්න නිසිලෙස පැවසීමට තරම් මතකයක් මා සතුව නැතත් එය දෙසැම්බර් අවසාන දින කීපයෙන් එකක් බව මා දැන සිටියේ අම්මාගේ හා තාත්තාගේ විවාහ සංවත්සරය ජනවාරි මුල් සතියට යෙදී තිබූ නිසාවෙනි.
පෙර සිටම සිතාගෙන සිටි අයුරින් සාමාන්‍ය පෙළ විභාගය නිමවූ පසු ජංගම දුරකථනය හා පරිඝණකය සමග බොහෝ වේලාවක් ගත කිරීමට මම හුරුවී සිටි අතර අලසකමක් දැණුනු විට නිදාගැනීමටද අමතක නොකළෙමි.
තාත්තා ව්‍යාපාර කටයුතු නිසා කාර්‍යබහුලවී සිටිය බැවින් මා බලාපොරොත්තු වූ පරිදි විනෝද චාරිකාව නම් යාමට නොහැකි විය.
නිවාඩු කාලය නිවසටම වී ගෙවා දැමීමට හැකිවේවි යන සිතුවිල්ල නිසාවෙන් මා කනගාටුවෙන් පසුවූ අතර එය මගහරවා ගැනීමට පිලියමක් ලෙස පරිඝණක ක්‍රීඩාවල නිරතවීම හා විවිධ රටවල් වල නිශ්පාදිත චිත්‍රපට හා ටෙලිනාට්‍ය නැරඹීමටද මා පුරුදුව සිටියෙමි.
Oops! This image does not follow our content guidelines. To continue publishing, please remove it or upload a different image.
අද දිනයේ උදේ වරුව චිත්‍රපට දෙකක් නැරඹීම සඳහා වෙන් කළ අතර සවස් වරුවේ කොරියානු ටෙලිනාට්‍යයක් නැරඹීමට සිතාගත්තද එයටද මැලි වූ මම ඇඳෙන් වාඩි වී පොතක් කියවීමට සැරසුනෙමි.
පොත කියවීම කෙසේ වෙතත් පැය කාලකටත් අඩු වේලාවකදී නින්දට වැටුනු මම නැවත අවදි වූයේ එක දිගට නාද වූ විදුලි සීනුවේ හඬ ඇසීමෙනි.
"පුතේ... පොඩ්ඩක් ගිහිං බලන්න බෙල් එක ගහන්නෙ කවුද කියලා..."
වහාම අම්මාගෙ විධානය අනුගමනය කළ මම උඩතට්ටුවේ සිට පහළට බැස්සේ සීනුව නාද කළ අය කවුරුන්ද යන වග දැනගැනීමට ඇති කුතුහලය නිසාවෙනි.
Oops! This image does not follow our content guidelines. To continue publishing, please remove it or upload a different image.
පැමිනි අමුත්තා මාගේ හෝ තාත්තාගේ හෝ යහළුවකු වීමට ඇති සම්භාවිතාව ඉතා අඩුය. මන්ද යත් මා ළඟින් ආශ්‍රය කළ මිතුරන් ගණන ඉතා සීමිත වූ අතර පෙර දැනුම් දීමකින් තොරව මා හමුවීමට ඔවුන් නිවසට පැමිණියේ නැත. තාත්තාට නම් ව්‍යාපාර කටයුතු වලදී හමුවන මිතුරන් ප්‍රමාණය බහුල වූවද එසේ තම මිතුරකු අපගේ නිවසට පැමිනෙන විට තාත්තා කල් ඇතුව අම්මාට හෝ මට ඒ පිලිබඳව දැනුම් දීම සිරිතකි.
