နေ့စဉ်ပြောင်းလဲနေထိုင်ဖို့အတွက်ကြိုတင်စီစဉ်ထားလေတယ်။ဆောင်းတွင်းဖြစ်တာမို့ တောကြီးတစ်ခုလုံးကအဖြူရောင်လွှမ်းခြုံနေပြီး ဝူကျန်းကတောင်ခြေမှ တင်ဆင့်ဖြေးဖြေးချင်းတက်လာသည်။လက်နှစ်ဖက်ကိုပူးကာပွတ်သပ်နေပြီး အခုလေးတင်သူမြန်မြန်ပြေးလာခဲ့တာကိုနောင်တရနေပြီ။နားရွက်တွေဆို ချမ်းလွန်းလို့ခဲတော့မယ်။ဒါပေမယ့်လည်း အခုချက်ချင်းကြီးပြန်ဖို့လည်းမဖြစ်နိုင်ဘူး။ရွာသားတွေရဲ့ ပါးစပ်ပေါက်ဆိုးဆိုးတွေနဲ့ဆက်ဆံရမှာကိုသူနည်းနည်းကြောက်နေတယ်။
ဝူကျန်း၏လက်ရှိခန္ဓာကိုယ်က အသက်၁၆နှစ်သာရှိသေးပြီး အရပ် 1.7မီတာရှိကာ သူ့ခန္ဓာကိုယ်သေးသေးလေးက ချမ်းလွန်းလို့ အဖြူရောင် လိဗနာသစ်ပင်သဖွယ် ဖြောင့်တန်းနေတယ်။အသားအရေက သူ့အမေလို နူးညံ့တယ်။စားဝတ်နေရေးချို့တဲ့တဲ့ဒီခေတ်ကြီးမှာ ရွာကလူတွေလောက်မပိန်ရတဲ့အကြောင်းရင်းက မိသားစုထဲမှာ သူကတစ်ဦးတည်းသောကလေးဖြစ်ပြီး ကောင်းကောင်းမွန်မွန်စားသောက်ရတာကြောင့်ဖြစ်တယ်။
ဝူကျန်းက တောင်ပေါ်ကိုဖြည်းဖြည်းချင်းတက်ကာ လမ်းမှာတွေ့ရတဲ့အကိုင်းအခက်တွေကို လိုက်ကောက်လိုက်တယ်။နှင်းတွေကျလာတာဖြစ်လို့ ကောက်စရာလည်းမရှိတော့သလို တောင်ပေါ်မှာလူလည်းသိပ်မရှိတော့ဘူး။အချိန်အတော်ကြာလမ်းလျောက်ပြီးနောက် ဝူကျန်းကပင်ပန်းလာကာ ပင်စည်ဖြောင့်ဖြောင့်ကြီးရှိတဲ့အပင်တစ်ပင်ကိုတွေ့လိုက်ရတယ်။ထိုနေရာသို့လျှောက်လာပြီးနောက် ခဏနားဖို့အဆင်သင့်ဖြစ်နေပြီ။သူကောက်လာတဲ့အကိုင်းအခက်တွေကိုမြေကြီးပေါ်ပစ်ချပြီးထိုအပေါ်ကိုထိုင်ချဖို့ပြင်ခါနီးမှာ အလုံးသေးသေးလေးတစ်ခုကိုတွေ့လိုက်ရတယ်။
သစ်ကိုင်းကိုယူပြီးထိကြည့်လိုက်တော့ ထိုဟာလေးကနူးညံ့ပြီး ပိစိလေးတုံ့ပြန်တယ်။အနီးကပ်ကြည့်လိုက်တော့ မီးခိုးရောင်ယုန်လေးတစ်ကောင်ဖြစ်နေတယ်။ထိုအကောင်လေးကခဲနေတာဖြစ်မယ်။ဝူကျန်းက လက်ဆန့်ပြီး ယုန်နားရွက်ကိုကိုင်ကာ ချိန်ဆလိုက်တယ်။ကောင်းရောပဲ…အလေးချိန်က ၃ကတ်တီလောက်ရှိတယ်။
YOU ARE READING
၇၀ခုနှစ်များဆီသို့ ရေခဲသေတ္တာနှင့်အတူ(Mm Translation)
RomanceI didn't own anything. I'm just a translator. All credit to owner. Chapter _ 85 ( Main+Extra) Start date _ 14.Feb.2024(Valentine day) End date_????
