သူ့မြေးက ယုန်ကို ကိုင်နေတာတွေ့တော့ ပင်မခန်းထဲကအဖိုးဝူကစိတ်သက်သာရာရသွားတယ်။မနက်ကသူ့မြေးကထိုမိန်းကလေးနဲ့ပျက်ပြီလို့အေးဆေးပြောနေတော့ သူစိုးရိမ်နေခဲ့သေးတယ်။ဘယ်လိုပဲဖြစ်ဖြစ် အဲ့ကလေးမလီရွှယ်နဲ့မြေးနဲ့က ငယ်ငယ်လေးကတည်းကသဘောကျခဲ့ကျပြီး မနှစ်ကစေ့စပ်ထားကြတာဖြစ်တယ်။အရင်ကတော့ ၁၈နှစ်ပြည့်ရင် သူတို့နှစ်ယောက်ကိုလက်ထပ်ဖို့စီစဉ်ခဲ့တယ်။လီမိသားစုကလောဘကြီးမယ်လို့ဘယ်သူကထင်မှာလဲ?ဒီမိန်းကလေး လီရွှယ်မှာ ဒီလိုလောဘကြီးတဲ့မိဘတွေရှိနေတာသနားစရာကောင်းလိုက်တာ…အနာဂတ်ကျရင် အဲ့ကလေးမဘယ်လိုနေပါ့မလဲ?…အိုင်း!
"အဖိုး…နေ့လည်စာဘာစားထားလဲ?အဖွားပြန်လာမယ်လို့ပြောတုန်းက ဒေါ်လေးကတစ်ယောက်ယောက်ကိုလာခေါ်ဖို့မေးထားသေးလား?"
အဖိုးဝူကသူ့မြေးမေးနေတာတွေကိုကြားတော့စဉ်းစားနေတာခဏရပ်လိုက်ပြီး
"မနေ့က သူ မင်းအစ်ကိုဟုန်ချီကို လာခေါ်ခိုင်းထားတယ်။နေ့လည်စာက နို့ပဲသောက်ရသေးတယ်"
"ဟုတ်ပြီဗျား…နေ့လည်စာကို*ပြောင်းဆန်ပန်ကိတ်စားကြရင်ကော?"
(*ပြောင်းဆန်=ပြောင်းဖူးစေ့များကိုအခြောက်ခံ၍ကြိတ်ထားသောအမှုန့်)
ဝူကျန်းက သူဒီလယ်ထဲကပြောင်းဆန်ပန်ကိတ်ကိုမစားရတာကြာပြီလို့တွေးရင်းအဖိုးဝူကိုမေးလိုက်တယ်။သူ့မြေးရဲ့တောက်ပနေတဲ့မျက်လုံးတွေကိုမြင်လိုက်ရတော့ အဖိုးဝူကပြုံးပြီး
"ဒါဆို…ပြောင်းဆန်ပန်ကိတ်ဖုတ်ကြတာပေါ့…ညကျရင်လည်းယုန်သားစွပ်ပြုတ်နဲ့စားလို့ရတာပေါ့…"
ဝူကျန်းကမီးဖိုချောင်ထဲသွားကာ ဗီရိုကိုဖွင့်လိုက်တယ်။ဗီရိုထဲတွင် ပြောင်းဆန်၅ကတ်တီလောက်ရှိသည့်အဝတ်အိတ်သေးတစ်ခုရှိနေတယ်။အိတ်ထဲကိုလက်နှိုက်ပြီးပြောင်းဆန်တစ်ချို့ကိုပွတ်ကြည့်လိုက်တော့ ပြောင်းဆန်တွေကသိပ်မကောင်းတော့ဘဲ နည်းနည်းစိုထိုင်းထိုင်းဖြစ်နေတယ်။ထိုအကြောင်းတွေးပြီးနောက် ထိုဘေးနားကအဝတ်အိတ်အသေးတစ်ခုကိုပါဖွင့်ကြည့်လိုက်တယ်။ ဂျုံမှုန့်ဖြူ ၂ကတ်တီလောက်ရှိနေတယ်။ခေါက်ဆွဲဖြူကကောင်းတယ်ဆိုပေမယ့်လည်း ယနေ့ခေတ်ဖွံ့ဖြိုးတိုးတက်နေတဲ့ထုတ်လှုပ်မှုလုပ်ငန်းတွေကြောင့် ခေါက်ဆွဲဖြူတွေက ခေါက်ဆွဲဝါဖြစ်လာပြီး ခေါက်ဆွဲခြောက်ရဲ့အရသာက လွန်ခဲ့တဲ့၁၀နှစ်ကျော်ကခေါက်ဆွဲဖြူနဲ့ယှဉ်ရင်အတော်လေးကိုကွာတယ်။ဒါပေမယ့်လည်း အခုကမျိုးဆက်နှစ်ဆက်တောင်ကွာနေပြီဆိုတော့ ဘယ်သူကမှတတ်နိုင်ကြမှာမဟုတ်ဘူး။
YOU ARE READING
၇၀ခုနှစ်များဆီသို့ ရေခဲသေတ္တာနှင့်အတူ(Mm Translation)
RomanceI didn't own anything. I'm just a translator. All credit to owner. Chapter _ 85 ( Main+Extra) Start date _ 14.Feb.2024(Valentine day) End date_????
