الحُب مثل النوم

بارت ١

بسم الله الرحمن الرحيم ، روايتي الثانيه ، ان شاء الله تنال اعجابكم ، الروايه من تأليفي انا وصديقاتي ورايكم يهمنا ❤️
انستا : rrwwisf

قبل سنين طويله وكان الزمن هذا زمان البدو وبيوت الشعر وكانت نوره بعمر الزواج بزمنهم

كان صقر جالس عند النار وبيده عصى وقاعد يحرك النار ويهوجس بنوره وكان يحبها ويبيها على سنة الله ورسوله ، تنهد وهمس : بتكونين من نصيبي يانوره
اصبح الصبح صحت نوره وصارت تسوي اشغال البيت هي وامها ، كان صقر وناصر جالسين ويسولفون عم ومعاهم كم رجال
ناصر : ابي اقولكم شي يالربع
الكل اصغى له ولبى له
ناصر ابتسم وهمس : بخطب نوره بنت ماجد
صقر التفت له بصدمه ونطق : نوره بنت ماجد ماغيرها ؟
ناصر التفت لصقر : اي شفيك ؟
صقر هز راسه ؛ لا لا مافيني شي

ناصر سكت واستغرب من صقر وردت فعله ، صقر قام من مكانهم وراح

امسى الليل وطلعت القمرا وكان صقر وناصر سوا لحالهم
ناصر : شب شب النار ياصقر
صقر ابتسم : بشبه بس امش معي فيه ناقهٍ لي ماشفتها طول اليوم شكلها ضاعت
ناصر : لااا يله يله قم خلنا ندورها
صقر : ايوالله صادق يله

بعدوا عن الديره وناصر مصدق السالفه وان ناقة صقر ضاعت
ناصر بتعب : هذي وين راحت
صقر : مدري مدري وانا اخوك بس امش امش غدينا نلقاها

بعد عدة دقايق وكانت الدنيا ظلام ولا فيه الا ضي القمر
صقر التفت لناصر وهمس : بتاخذ نوره ؟
ناصر التفت لصقر وابتسم : اي ان شاء الله باخذها
صقر مد يده لرقبة ناصر وصرخ بوجهه : ماراح تاخذهاااا !!!
ناصر حاول يبعد صقر عنه لكن ماقدر ، صقر شد على يدينه على رقبة ناصر بقوه
ناصر حس انه مابينجى وهمس : هذا بيعلم عليك
صقر التفت حواليه ونطق : منهو ؟
ناصر رفع يده للسماء ، صقر رفع راسه وطالع لناصر بعدم فهم ونطق: منهو ؟
ناصر لازالت يده مرفوه وهو مبتسم : القمر
صقر طالع فوق للسماء والتفت لناصر وضحك بسخريه : هذا ؟ ههههاااااي هذا ؟؟؟؟؟؟ صادق انت ولا تضحك ؟
ناصر : وانا الصادق
صقر ضحك وشد على يدينه اللي كانت على رقبة ناصر ، فارق ناصر الحياه وبعد ما تأكد صقر بأنه ماهو عايش وانه خلاص فارق الحياه رجع للديره ولا من حس ولا من درى وكان بغاية الوناسه ، اصبح الصبح وفقدو ناصر ودوروه ولا لقوه وسألو صقر عنه وكل اهل الديره وكان الاجابه لا ، بعد مده مارجع ناصر والكل توقعو انه مات بسبب شي وماكان بالديره ولاكانو يدرون ان قتيل ناصر بينهم عايش

صقر تقدم لـ نوره وكانت نوره تحبه ووافقو اهلها وجاء اليوم الموعود ليلة عرس صقر ونوره

كانت ليلة قمرا وكان صقر عريس هالليله وعروسته نوره ، تنحنح صقر ودخل على نوره وكان فيه شق بالخيمه من فوق، طاحت عينه بعين القمر وضحك ضحك هستيري ، نوره عقدت حواجبها بأستغراب ونطقت : ليه اول مادخلت ضحكت ؟
صقر مشى وجلس جمبها وهو لازال يضحك