الحُب مثل النوم

بارت ٦

بيكون موعدنا هنا كل يوم خميس ويومياً بالانستا ❤️
انستا : rrwwisf
ملاحظه : الروايه من تأليفي انا وصديقاتي

فتح عيونه بصدمه ، وقفت وتقدمت له ونطقت بغنج : اهلاً اهلاً
سعد صد ومشى لكن توقف من مسكته من التي شيرت حقه ونطقت : تعال مشتاقه لك
سعد بحده : ياحرمه فكيني شرتس
مرام بغنج : سعوديييي ليه كذاااا ماتذكر ا..
قاطعها ونطق بعصبيه : الله ياخذ الذكرى مابيتس ولا ابي ذكراتس
مشاعل نزلت من صوته ، وقفت على الدرج وتجمدت من شافتها ماسكه التي شيرت حقه ، مرام ضحكت ونطقت : مشتاق لي عادي نازل عشان يشوفني
مشاعل نزلت وتوجهت لها ، سعد كان ساكت ، قربت لها وابتسمت ونطقت : صح مشتاق لتس وهو قالي اذا قربت لي سوي فيها اللي يحلاتس
مدت يدها وضربتها ونطقت : مره ثانيه اذا قربتي لزوجي ترا برفع عليتس قضية تخبيب سامعه ؟
مسكت خدها ورفعت نظرها ونطقت بسخريه : كيف بتثبتين لهم !
مشاعل رفعت جوالها وفتحت مقطع الصوت ، فتحت عيونها بصدمه من سمعت التسجيل ،

- قبل الحادثه بدقيقه -

سعد : بنزل انا وموضي لامي
مشاعل : يلا اجل انا بنزل بعد
سعد نزل وصار يغني بموضي ، مشاعل مشت وهي تلبس سوارتها ، طاحت الاسواره عند الدرج ، انحنت ومدت يدها لجل تاخذها ، تجمدت بمكانها وهي تسمع
مرام بغنج : اهلاً اهلاً
تركت الاسواره وفتحت جوالها وهي تقرب لجل يوضح الصوت ، مدت جوالها بشويش وهي تسجل الصوت ،

- الان -

مرام بحده : ماتقدرين !
مشاعل بدلع : سعد
سعد تنهد براحه ونطق : ياعيون سعد وقلبه وروحه
مشاعل قربت له وحطت يدها عليها وصارت تدلع عليه ، سعد ماقدر يسيطر على نفسه ، قرب لها حيل وصار مابينهم شي حتى الهوى ، مد يده لخدها ونطق بحنيه : امري تدللي ياعين ابوي
مشاعل رفعت راسها ونطقت بدلع : تلعها برا
سعد ابتسم لا ارادي ونطق : اطلعها واطلع جدانها بعد كم عندي مشاعل
طالعت له بدلع ورفعت اصبعها السبابه ونطقت : وحده
سعد مسك يدها وباسها ونطق بحده : مرام اطلعي برا
مرام : تطلعني عشانها !
سعد طالع بمشاعل ونطق : واطلع جداتس بعد
مشاعل ابتسمت ، مرام خذت شنطتها وطلعت ، سعد وهو يطالع بعيونها قرب لها لكن بعد بسرعه من سمع صوت امه ،
ام سعد : ياهلا ب..
سكتت من شافت ان مافيه الا سعد ومشاعل وبنتهم ونطقت : وينها !
سعد جلس ونطق : بالطقاق خليها تروح
ام سعد بحده : وش سويت !
سعد التفت لامه ونطق بحده : يمه تبي تخرب بيني وبين زوجتي تدرين انها جات ومسكتني وتتغنج علي !
ام سعد شهقت ،
سعد صد ونطق بنفس النبره : لو سمحتي هالاشكال هذي لاتدخل البيت وانا موجود او اذا السيده صامله تحي دقي علي وقوليلي قفل الغرفه على نفسك وعلى وراعينك وعلى زوجتك لاتنزل ترا هالزفت موجوده
ام سعد راحت لمشاعل ونطقت : يمه لايكون صدقتي كلامها !
مشاعل ابتسمت ونطقت : لا ابد يمه وانا زوجي واثقه منه وادري انه ماله دخل
ام سعد : الله يصلح الحال
مشاعل : بسوي حلا شرايكم ؟
سعد بصوت عالي : ياليت وتحلين علي بحلاتس كافي المرار اللي شفته قبل شوي
مشاعل ضحكت بخفه ونطقت : من عيوني
راحت للمطبخ ، جلست امه جمبه ونطقت : وش سويت
سعد ضحك بخفه من تذكر دلعها عليه ونطق : جات اللي ربتها وطلعت وكرامتها طايحه
ام سعد بصدمه : منهي !
رفع نظره وباين على عيونه الحب ونطق : مشاعل
ام سعد شهقت ونطقت : وش سوت
صد وهو يخفي ملامحه : تدلعت علي قدامها وطاح وجه مرام وطلعت
ام سعد بـ نقد : اول مره تسوي كذا وبنص الصاله ! لا لا انتم الاثنين المفروض ماينترك لحالكم
سعد ضحك بخفه ونطق : يايمه هي خلت فيني عقل صدق اني صكيت الاربعين بس يايمه اذا انا معاها كأني مراهق
ام سعد ابتسمت ونطقت : اهم شي انك مرتاح معاها بس مره ثانيه احرص لو احد يجي كذا ويشوفكم
سعد بأسلوب نفي : لا ابد يمه ماعليتس بس ملاهده لها
ام سعد ضحكت ونطقت : بدينا بهالحركات
ضحك بخفه ،