الحُب مثل النوم

بارت ٤

بيكون موعدنا هنا كل يوم خميس ويومياً بالانستا ❤️
انستا : rrwwisf
ملاحظه : الروايه من تأليفي انا وصديقاتي

مشاعل بأستغراب : شفيك؟
سعد بتوتر : هاه؟ ءلا ولا شي بس اقول لازم كل شي بالقانون لازم تحفظينه .. اسمعي انا الحين جاني اتصال شوي واتصل عليتس
مشاعل : طيب
قفل منها واتصل على بتال : صامل؟
بتال : سعد انا قلت لك وخلاص حتى ان رحلتي باتسر
سعد تجمد بمكانه ونطق : من جدك !!!
بتال بأصرار : اي وهذي الورقه قدامي وخلاص كل شي جاهز بقى اني اروح واواجهه
سعد : بتال !
بتال : لاتحاول خلاص كل شي جاهز ودفعت ولاني متخسر ودافع على الطل
قطع الخط بوجهه ،
سعد : طيب ا..
سكت من قفل بوجهه ، طالع لجواله ونطق : الله يعين قلب ابوك يابتال
تنهد وترك جواله وهو يفكر كيف يوقفه ،

- يوم جديد وبدايه جديده بحياة بطلنا -
طلع من غرفته ومعاه شنطته ، طلع بأهله اللي وافقين بيودعونه ، راح لهم وضم ابوه ونطق : متى ترجع ياولدي
بتال بعد عنه : مدري يايبه بس اخلص هالشغيله وارجعلكم
وايل : ليّا بغيت شي اتصل علي
بتال : ماتقصر
التفت لخواته ونطق : شفيكن تصحن كلها ايام ان شاء الله وارجع
مشاعل بكت وضمته ونطقت : تكفى لاتروح
بتال : وش بتس ياعروسه ماعليتس كلها كم يوم وارجع بعدين شغلتي هذي مهمه بعدين بعدي بسلم على خواتي واخوي
ضحكت وبعدت عنه ، سلم عليهم وراح ،
وايل : قلبي ناغزني مير الله يستر
مشاعل ضمت ابوها ونطقت : ماعليك يايبه بس اول مره يسافر برا المملكه وعادي هالاحساس
مسح على تراسها ونطق : ماهيب اول مره يسافر
كان بسيارته وهو يغني :
ياناس هذي مدينة قلبي وبره
وارضي وسمايه وبدري اللي يقديني

تنهد ونطق : جايتس ياكل ناسي جايتس
وصل للمطار وركب الطياره وراح لمدينتها ، بعد عدة ساعات نزل من المطار ،

- بيت مصطفى -
نيهان وهي نازله من الدرج : ماما بابا واحد من اصدقائي بيجون
مصطفى : البيت بيته بس من هو ؟
نيهان جلست ونطقت : واحد من برا جاي هنا وعيب اننا نخليه ينام برا وفيه احد يعرفه هنا
مصطفى : صادقه يابنتي قولي للخادمه تجهز غرفة الضيوف
قامت وجهزت هي والخادمه غرفة الضيوف ، بعد ساعات وصل بتال ودق عليها وردت : وصلت ؟
بتال : اي وصلت سويتي كل شي قلته لك ؟
نيهان : اي كل شي
بتال : ارسليلي اللوكشين
نيهان : تمام
قفلت منه وهي متشققه فرح وارسلت له الموقع ،

طبعاً بتقولون كيف امها وابوها رضو ينام عندهم ، تراهم اجانب عادي الوضع عندهم وبتال استغل هالشي لصالح علاقته معاها ،

بعد دقايق وصل وطق الباب ، ركضت وفتحت له ، شافها وابتسم ابتسامه عريضه ، كانت لابسه ابيض ومفيره شعرها وحاطه ميكب اب خفيف ومبرز ملامحها ،
تنهد ونطق : يامرحبا
ابتسمت وتكلمت عربي معه: اهلين ببتال
فتح عيونه بصدمه: اوله تتكلمين عربي !
ضحكت: اعجبك
بتال: طبعاً تعجبيني
نيهان : تعال ابوي وامي ينتظرونك
التفتت للخدمه ونطقت : حطي شنتطه بغرفة الضيوف
مسكت يده وراحت هي وهو للصاله ،
مصطفى مد يده ونطق : اهلين بصديق بنتي
بتال بقلبه : يملا الاخذه اللي تاخذ هالصوابر
مد يده يسلم عليه وابتسم ، لف لهند وكانت ماده يدها ونطق : اسف انا ما اسلم الا على محارمي
هند تفشلت ونطقت : ايوا من حقك .. تفضل تفضل
جلس جمب نيهان ،
نيهان : ابي اروح اجيب ولدي
راحت وجابت ولدها بتال وجلست جمبه ، حطه بحضنه وهو يلاعبه ، ابتسمت وهي تشوفه يلاعب ولدها ،
رفع راسه ونطق : اثريك يابتال ماخذ اوصاف امك كلها
ضحكت وطالعت فيه بحب ،
رفع راسه لابوها وامها ونطق : ما شاء الله مثل امه
مصطفى سلك له وقرب لهند ونطق : وش هاللغه اللي يتكلمونها ؟؟ ووش يقولها ؟
هند : صدق انك جاهل هذا عربي وهم يتكلمون عربي
مصطفى : ايه ايه
بعد ساعتين من الضحك والسوالف قامت هند وجهزت العشاء وقامو تعشو ، بعد ماخلصو راحلو للصاله وكملو سوالف ،
مصطفى وهو يقاوم النوم ولا قدر : انا بقوم انام عن اذنكم
هند وهي تتثاوب : اي حتى انا بعد وانت ياولدي لازم تنام انت جاي من سفر
بتال ابتسم : صح صادقه ياعمه
قامت وراحت ورا مصطفى لغرفتهم ، التفت لها ونطق : اشتقت لتس يابعد كل الناس
نيهان : مو كثري
بتال قرب وهمس : ليه ماقلتي ان ولدتس نسخ لصق منتس ؟
نيهان ضحكت بخفه ونطقت : مالاحظت .. بعدين قوم يلا لازم ترتاح تعال بوريك غرفتك
قام معاها وراحو لغرفة الضيوف ، فسخ جاكيته وجلس على السرير ونطق : تعالي ابيتس
نيهان بتردد : ليه ؟
بتال ابتسم ونطق : بكلمتس بموضوع بس جيبي شنتطي وتعالي
جابت شنتطه وجلست ، فتح شنتطه وطلع الورقه واعطاها ونطق : هذا وش ؟
نيهان فتحت عيونها بصدمه ونطقت : انا ما حللت DNA !
بتال : ادري بس ابيتس تقولين ان هالولد ولدي انا مو ولد راكان واني انا جيت لجل تطلقين من راكان واتزوجتس
نيهان : طيب شلون انت ما..
قاطعها ونطق : ادري ادري
قرب منها وهمس بأذنها : مزور
ناظرت له بصدمه ونطقت : كيف!!!!
بتال : انتي اسمعيني بس انا كل هذا مسويه عشانتس انتي بس اعزمي راكان على الغدا هو واهله بكره وخليني انا جمبتس وانا اللي اقول وانتي طلعي هالورقه
نيهان : بس بيدرون انه مزور !
بتال : ماعليتس محد بيدري !
نيهان بتردد : واثق؟
ابتسم ونطق : واثق
نزلت الورقه ونطقت : ابي انام تصبح على خير
بتال : اصبري خوذي الورقه معتس
نيهان كانت متردده انها تاخذه لكن بعد اصرار بتال خذتها،
ابتسم ونطق: وانتي من اهل الخير
طلعت وسكرت الباب وراها ، قام وسكر شنتطه ونزلها، انسدح ونام، فتح عيونه وهو يسمع ضحك عالي وكانت منزعج منه ، التفت وهو يشوف ناس اول مره يشوفهم وكان منزعج منهم جدا ، كلن بيقوم لكن ماقدر ، طالع بيدينه وشاف انه مقيّد بسلاس ، طالع فيه رجال مايدري من هو وهو يضحك بصوت عالي، ماكان يدري ان هالرجال راكان ، فز من نومه وهو يطلع يدينه ونطق : بسم الله الرحمن الرحيم طلع حلم بسم الله
طالع بيدينه وهو يفركهم ، التفت من طق الباب ونطقت : بتال الفطور جاهز
ابتسم من سمع صوتها ونطق : جايك
تنهد ونطق : اليوم تصحيني من ورا الباب وبكره تصحيني وانتي قبالي
قام وراح للحمام " يكرم القارئ " وتوضى وطلع وصلى ، بدّل ملابسه وطلع لهم ،
بتال : صباح الخير
الكل صباح النور
جلس جمب نيهان ، صبت له شاهي ومدت له الكوب ونطقت : ادري فيكم ماتروقون الا على الشاهي
ابتسم ونطق : صدقتي
قعدو يفطرون ،
نيهان : ابي اعزم عمي علي وعياله على العشاء شرايكم ؟
بتال غص وكح ، نيهان التفتت وعرفت انه خايف من هالنُقطه ،
مصطفى شك فيه لكن تجاهل ونطق : فكره حلوه اجل بعزمهم
بتال طالع فيه ونطق : تسلمين ياعمه
هند : عافيه
قام وراح لغرفته وقفل على نفسه وهو يدور ويردد : بتال لاتوتر عادي الامور سهالات انت بس واجهه وقل هذا ولدي بس عادي مافيها شي
جلس وهو يحك راسه ومتوهق ، خيّم الليل وجاء علي وحرمته وعياله ، طلع بتال وهو واثق من نفسه قدامهم لكن بالحقيقه لو احد قاله " بو " انحاش ،
بتال : مساء الخير
الكل مساء النور
شاف نيهان وجمبها راكان ، اشتعلت الغيره بقلبه ،
قامت نيهان من مكانها وراحت جمب بتال اللي كان واقف ، حطت يده من وراه ويدها الثانيه على كتفه ، راكان عقد حواجبه من حركتها ،
نطقت بكل وثوق : اعرفكم .. بتال وايل .. صديق لي من قرابة سنه ومن اعز اصدقائي بعد
راكان قام من مكانه وقرب له ، بتال بلع ريقه ، مد يده ونطق : راكان علي .. زوج صديقتك نيهان
بتال بقلبه : ياملا الماحي انت وهالخشم
ابتسم ونطق : اهلاً
بعد راكان عنه وجلس ، بتال سلم على عايلة راكان ، نيهان بعدت عن راكان وجلست على الكنب اللي مابه احد ونطقت : بتال تعال هنا
ابتسم وجلس جمب نيهان ، راكان عض على اسنانه قهر من حركاتها معه ونطق بقلبه : ولا كأنها صداقه
طبعاً هو ناسي اسم الشخص اللي اعترفت له نيهان انها تحبه وماكان يدري انه هو نفسه اللي قدامه واللي سلم عليه ، بعد ساعات راحو تعشوا وطلعو بحديقة البيت الخلفيه ، كانو موجودين بتال ونيهان لحالهم وكان بحضنها بتال الصغير ،
نيهان : مستعد؟
بتال تنهد : نقول اي
كان الظرف معاها وكان مسكر وكأنه جديد ، الكل جلس بالحديقه ، الخدامه جابت الشاهي ووزعلت عليهم ،
نيهان خذت نفس ونطقت : انا جمعتكم هنا عشان موضوع مهم لاحد يقاطعني والموضوع هذا بيننا ما ابي احد يدري فيه غيرنا
التفتت لبتال وكملت : لان هالموضوع هذا حساساً جداً
راكان عدل جلسته ونطق بأستغراب : وش هالموضوع ؟
نيهان خذت نفس ونطقت : هذا الولد اللي بين يديني ماهو ولدك ياراكان
راكان فتح عيونه بصدمه وقام من مكانه ، الكل انصدم من كلامها ،
راكان : وش وش تقولين انتي !!!! انا ابوه !!!
نيهان مسكت الظرف ومدته له ونطقت بوثوق : افتحه
بتال توتر وفك ازاراه ، راكان فتح الظرف وهو يطالع بصدمه من شاف ان ابوه هو بتال مو هو ، خذا وقت لجل يستوعب ونطق بعصبيه : شلون !!
نيهان : انا قبل اتزوج منك بمده كنت حامل من بتال
مصطفى بعصبيه : ليه ما قلتي لنا !
نيهان : ما اعطيتني فرصه لرفضي لراكان !
بتال وقف وناظر لراكان بوثوق ، ابتسم ونطق : طلقها وخل ولدها يرجع لابوه الحقيقي
راكان : خذ الولد لحاله امه لي انا
بتال ضحك بسخريه ونطق : لايكثر بكره توصلها ورقة طلاقها
راكان بأستغرب : كيف حملت منك وهي راجعه من السعوديه لها فتره وبعد هالفتره انا تزوجتها ؟
نيهان توترت ،
ضحك بتال ونطق : يوم عرفت انها خلاص بتتزوجك قررت انتقم منك بهذا الشي قبل عرسكم بيوم وبس والله الولد ولدي
مصطفى قام من مكانه ونطق بصوت عالي : مالك حق !!!!
بتال نطق بصوت اعلى منه : وانت مالك حق تجبر بنتك على واحد ماتبغاه !
علي ببرود : ولد عمها والبنت بنت اغنياء ماتتزوج اي واحد
بتال ابتسم ونطق : انا بحسابي ملايين الدولارات ولا عمري رفعت خشمي او قلت انا ماني متزوج فلانه وعلانه لانهم مو من عائله غنيه والحمدلله ابوي غني وكل واحد من اخواني وخواتي اغنياء وبأعلى المناصب ماعمري سمعت احد قال كذا
علي التفت لحرمته بصدمه ونطق : كذاب
بتال ضحك بصوت عالي وطلع جوالها ووراه جواله وفعلاً بحسابه ارقام خياليه ونطق بسخريه : انا مو بس اشتغل بمكان واحد انا عندي متاجر وعندي اسهم الواحد يشتغل على نفسه ماهو بس جالس لان عايلته غنيه
سوا نفسه بيجلس ورفع اصبعه السبابه قبل لا يجلس ، قام ونطق : ماتكبرنا وشرينا اغلى البيوت حنا عشنا مثل عيشة اجدادنا البدو قديماً وبس والله
ناظر لـ راكان ونطق : تأكدت صح ؟ هات الورقه
سحب منه الورقه وجلس وقرب من نيهان وحط يده وراها ونطق : ورقة طلاقها تجيها
التفت لها وابتسم ونطق : او تخلعينه ولا يا ام ولدي
ابتسمت بـ شر ونطقت : صح اخلعه بدال ما نطيح عند رجوله ونقوله طلقني
بتال ضحك بصوت عالي وهو يصفط الورقه وحطها بجيبه ، مد اصعبه يلاعب ولد نيهان ، طلع من الحديقه بعصبيه وابوه وامه وراه ،
مصطفى بتردد : عادي اشوف الورقه ؟
بتال طلعها طلعها من جيبه ورماها على مصطفى ، مسكها وفتحها وكانت جمبه هند وشوي تاكل الورقه من كثر ماهي قريبه ،
نيهان التفتت لبتال ونطقت بالعربي : خايفه
ابتسم ونطق : يخسي الخوف وانا موجود
مطق وهو مكسور : ليه تسوي كذا وتهدم حياة بنتي ؟
بتال ابتسم بخفه ونطق : مو انا اللي هدمتها انت اللي هدمت حياة بنتك وانا حبيت اني اعلمك درس انت واللي معك
هند : بس مو ك..
سكتت من رفع يده ونطق : اذا ماتبون الفضايح خلو كل شي كما كان لاتقولون لاحد ولاتغيرون اسمه لي خلوه بس ابي طلع واحد لجل ما افضحكم
مصطفى فز من مكانه ونطق : قول قول بننفذه
بتال التفت لنيهان ونطق : تطلقونها من راكان
مصطفى : طيب طيب الان بروح له وبقوله
قام وكانت الورقه معه ، بتال وقف ومد يده ونطق : هات الورقه
مصطفى اعطاه الورقه وراح ، جلس وحط يده ورا نيهان ونطق : اي ياعمه هند سولفي لنا
هند ابتسمت وتوهقت ماتدري وش تقول بعد هالحادثه ، بتال سكت وطلع جواله