الحُب مثل النوم

بارت ٣

بيكون موعدنا هنا كل يوم خميس ويومياً بالانستا ❤️
انستا : rrwwisf
ملاحظه : الروايه من تأليفي انا وصديقاتي

بتال قال لها كل شي صار له ونطق: وانا مابي يصير لي كذا ابداً وانا ابي وحده تحبني مهما صار بتضل على حبي ابي تساعديني مابيك تنبذيني ولا ابيك تكونين خايفه مني .. الحمدلله انا الحين احسن بكثير وتعالجت وبفضل من الله سبحانه وتعالى صرت مثل قبل شوفيني واحسن بعد
سكت وهو ينتظر منها ، عقد حواجبه وهو يطالع فيها ونطق : قولي شي شفيك ساكته !
نيهان : ما ادري وش اقول
بتال : طيب طيب انا اترف وش جوك
طلع من يده علبه حمره صغيره ، فتحها وطالع بعيونها ونطق : هل تقبلين الزواج مني ؟
نيهان طالعت بالخاتم اللي بالعلبه وطالعت له ، نزلت راسها بأحرج وهزته على الخفيف بمعنى اي ،
بتال : مافهمت
نيهان : اي .. اقبل الزواج منك
بتال بأعلى صوته : الفرج الفرج يارب لك الحمد
نيهان عقدت حواجبها لانها تكلم بلغه هي ماتفتحها بحكم انها اجنبيه ،
بتال استوعب ونطق : اقول الحمدلله
ابتسمت ونزلت راسها ، طلع الخاتم من العلبه ومسك يدها ، سحبت يدها منه ،
عقد حواجبها بأستغراب ونطق : ليه ؟
نيهان : انت ما تلمس يدين وحده ماتقرب لك
بتال ضحك : طيب بس بلبسك الخاتم
مدت يدها له ، لبسها الخاتم وابتسم ونطق : دورك
مدت يدها وخذت الخاتم ولبسته ،
ابتسم ونطق : وبكذا مابقى شي غير اننا نقول لاهلنا .. يلا هاتي رقم ابوك لجل اتواصل معه واخطبك رسمي
اعطته رقم ابوها وسكتت ولا قالت شي بعدها ،
بتال : يله افطري
افطروا وخلصو ، قام يتمشى ، رفعت فستانها ونطقت بصوت عالي عشانه كان شوي بعيد : بتال
بتال ابتسم والتفت : ياعيون بتال سمي وامري
نيهان بدلع : خلنا نتسابق
فتح عيونه بصدمه وراح لها : ليه كم عمرك انتي ؟؟؟
نيهان : سنتين بس تكفى بخاطري نتسابق انا وانت
بتال : يالله اني لاتفجعني بنصيبي
نيهان : انا لازم اتعلم لغتك عشان اعرف وش تقول
بتال : اقول انا احبك
نيهان : وانا بعد يلا خلنا نتسابق
تقدمت وحددت خط البدايه برجلها ، صار يطالع فيها ويتأملها ، وقفت جمبه ونطقت : واحد .. اثنين .. ثلاثه
ركضو وهو سبقها ، وقف من سمح صرختها ، التفت ولقاها طايحه على الارض وماسكه ركبتها ، رفع ثوبه وركض لها ،
بتال : شفيييك
نيهان بدموع : رجلييي
بتال : من وين
نيهان أشرت على ركبتها ، مد يده بتردد ورفع فستانها ونطق : لا لا بسيطه بس تقدرين تمشين ؟
نيهان : لا
بتال : طيب عادي تصيرين هنا ؟ بروح اجيب سيارتي واجيك
نيهان مسكت يده ونطقت : تكفى لاتتركني حنا لحالي
بتال : طيب انا شلون بوديك !
نيهان : شيلني
بتال : لا شلون !!!
نيهان: اجل لاتروح خلك هنا لين اموت احسن بعد واصير الفتاة الضائعه والميته بعد
بتال تنهد وشالها ، حطت راسها على كتفه ، بلع ريقه ونطق : كلها منك ولا كان ماطحتي
نيهان وهي مغمضه عيونها : ممكن تسكت ؟
بتال بحده : لا مو ممكن ولا وش حركات الاطفال هذي !
نيهان رفعت راسها وناظرت لوجهه : ليه ماتدري كم عمري ؟
بتال عقد حواجبه ونطق : لا
نيهان : ٢٠
بتال وقف وطالع فيها بصدمه : كيف ٢٠ !!!!!
نيهان : ليه كم عمرك انت ؟
بتال سكت ومشى ،
نيهان : مو عدل انك ماتعلمني عمرك
بتال كان خايف من رفضها له ونطق بتوتر : ٣٦
نيهان فتحت عيونها بصدمه من عمره وصارت تحسب : بيني وبينك ١٦ سنه !!!
بتال بقل حيل : ارفضيني كيفك ماراح اقول شي بس حطي ببالك انك كنتي الامل الوحيد اللي مابتخليني ارجع لحالتي الماضيه
نيهان حطت راسها على كفته ، رفعت يدها وهي تتحسس قلبه ونطقت بأبتسامه : عادي بتكون قصة حبنا غريبه وانك انت كبير بالسن وتتزوجني
بتال بحده : ماني شايب !
قرب يوصل لسيارته ونزلها ، شال شماغه وهو يقلب بشعره : شوفي ياكذابه مافيه شيب ماني شايب !!!
نيهان ضحكت بصوت عالي : شفييييك ما اقصد كذااا
بتال : لو اني تاركك هناك احسن لي مير شسوي قلبي حنيّن
نيهان ضحكت على شكله وكيف معصب من كلامها ،
قام من مكانه متجه للسياره ، طالعت له بخوف ونطقت : بتتركني ؟
بتال : مجنون انا يوم اتركك؟ بجيب معقم ولصق جروح وشاش واجيك
نيهان : الحمدلله اشوى
بتال رجع وهو جايب معه المعقم ولصق الجروح والشاش ، جلس ورفع فستانها وهو غاض بصره ، عقم الجرح وحط عليه عشاش ونطق : الجرح شوي كبير ماينفع له بصق حروج خلي الشاش عليك وغيريه مابين كل فتره وفتره لين يتشافى حرجك
نيهان : تمام
بتال : نروح ؟
نيهان : ايوه اذا انت حاب
بتال : تمام نروح
سندها ووداها للسياره ، راح وشال اغراضه وحطهم بالشنطه ، ركب السياره وحرك للفندق ،