الحُب مثل النوم

بارت ٥

بيكون موعدنا هنا كل يوم خميس ويومياً بالانستا ❤️
انستا : rrwwisf
ملاحظه : الروايه من تأليفي انا وصديقاتي

عذاري : يالفشله
مشاعل : ومن الثانوي وحنا مع بعض ورفضت انه يخطبني لين بعد ما اتخرج وناشبني بأول سنه بالجامعه الا اخطبك وخطبني
عذاري : الله يحفظكم عقبالي يارب
مشاعل : قد حبيتي مشعل ؟
عذاري صدت وجهها ونطقت : مابقى حب له بقلبي
مشاعل : كلها من ابوه ولا لو ما ابوه كان الحين انتي على ذمته وسعيده بس لعلها خيره
عذاري : تدرين انها صدق خيره ؟ جواهر تقول انه عصبي حتى حرمة عمي الهنوف يطول صوتها عليها
مشاعل : يالله الحمدلله بس اللي صار اللي صار وتفركش كل شي

ملاحظه : فيه هنوفين ، الهنوف حرمة مشاري ، والهنوف الثانيه اخت سعد

- الرياض -
عبدالرحمن كان طالع من بيت ابوه مشاري وصادف بنت جيرانهم ونطق : ياهلا
نهى : اهلين كيف عمتي الهنوف
عبدالرحمن : بخير الحمدلله واللي قدامك ما تسألين عنه
نهى ضحكت بخفه ونطقت : كيفك ولا تزعل
عبدالرحمن : يالبى
مشعل نزل وصادفهم ،
مشعل عقد حواجبه ونطق : هلا نهى امي صايحه اذا تبغين تشوفينها
نهى : لا بس سلمو لي عليها انا عندي شغله بخلصها وبرجع
عبدالرحمن : شغل الساعه ١٠ بالليل؟
نهى غمزت : اي عادي
راحت وركبت سيارتها ومشت ، مشعل ضرب كتف عبدالرحمن اللي يطالع لها ونطق : عيونك شوي وبتطلع
عبدالرحمن : لاتلومني
مشعل بسخريه : مابك فود
دخل داخل وراح لغرفته وقفلها بالمفتاح ، انسدح على سريره وهو يطالع السقف ، غمض عيونه من تذكرها ، قام وفتح درج الكومودينو وطلع كتاب ، فتحه وخذا الصوره ورجع الكتاب وقفل الدولاب وانسدح وهو يطالع فيها ونطق : مافيه ورا البغض غير كرهي لتس
رمى صورتها ودق عليه ،
مصعب : يامرحبا
مشعل : وينك ؟
مصعب : الديوانيه
مشعل قام ونطق : متى الوعد ؟
مصعب : اليوم جت هي واهلها لحايل بس بقى الخطوه الثانيه
مشعل : المشكله انها حذره شلون نستدرجها !
مصعب تنهد ونطق : وش تبي فيها يارجال خلها انا كل يوم على اعصابي اخاف زوجتي تدري
مشعل بحده : ابيها تعيش على الدنيا وهي ميته سامع ولا لا ! الان توعدها وتخليها تثق فيك ولا هي اول ولا اخر مره واعدها اكثر من مره لجل توثق فيك لين الاقي لي حيله واجمعها هي واهلها حول الضلعان لحالهم بدون مايحسون
مصعب تنهد ونطق : طيب
قفل منه وهو يطالع بصورتها المرميه طرف السرير مسك صورتها وهو يطالع ، كانو جمب بعض وهي ماسكه يده ، تأملها بـ بغض ونطق : بذبحتس وانتي حيه قبل تطلع روحتس
فتح الدولاب وحط صورتها بالكتاب ورجعه بمكانه وطلع ، وهو نازل من الدرج نطقت امه : زين جيت يمه تعال
جلس جمبها ونطق : هلا يمه وش بغيتي
الهنوف وهي ماسكه جوالها : شوف يمه شوف الجمال والحلا والزين شوف ما شاء الله تهبل يايمه
مشعل ابتسم من شافها ونطق : توكلي على الله
الهنوف بصدمه : صادق انت ! خلاص يعني !
مشعل : اي ابد خلاص متى ماكلمتيهم بلغيني لجل نجيهم ونشوف البنت
الهنوف ابتسمت وضمت مشعل ونطقت : الله يبلغني فيك ياولدي