الحُب مثل النوم

النهايه | The End

انستا : rrwwisf
ملاحظه : الروايه من تأليفي انا وصديقاتي

نزال صد وجهه ونطق : تعرف يابو فالح ا..
قاطعه عياد : نعرف نعرف
التفت عياد من نطق فالح : واوعدك ياعمي بأني بستر عليها وولدها ولدي وماني مقصر بحقها ولا حق ولدها
نزال ابتسم من كلامه ونطق : ربيت رجال
مزنه : ماطول عليتس يام بدر حنا جايين نخطب مرام لولدي فالح
مرام فتحت عيونها بصدمه وهي تطالع بـ مزنه ،
نوير لاحظت عليها ونطقت وهي تبتسم بورطه : بس يا ام فالح ت..
مزنه مدت يدها لـ يد نوير ونطقت : مايحتاج تقولين حنا عارفين كل شي وولدي اصّر الا يبيها
مرام نزلت راسها وهي تفرك يدينها ، نوير ابتسمت ونطقت : نشاورها ونرد لكم
مزنه : الله يكتب اللي فيه الخير

- الجنوب -

دخلت مجلس ابوها ومعاها المبخره ، نزلت المبخره وفتحت الشبابيك ، كان برا يدخن ، رفع راسه وهو يشوفها من الشباك ، خذت المبخره وصارت تبخر مجلس ابوها وهي تغني :
عشت بأحلام الهوى ليـل وبنيت
كل أمالي تداركـها الفنا
في حياتي ما ذكرت إني شكيت
في هوانا ضحكـت الدنيا لنا
لا حياة ً عقب محبوبي رأيت
والممات أرحم ولا فرقا السنا
هو سنا شمسي وغيره ماهقيت
يفرح بوصلي ولو موته دنا

رمى الزقاره ووطى عليها وعيونه ماشالها عنها من جمالها ، ابتسم ابتسامه عريضه وهو يتأملها لكن صد من سمع سراج دخل ونطق : فريده وينك امي تبيك
فريده حطت يدها على قلبها : بسم الله الناس مايدخلون كذا شفيك
سراج : امي تبيك بسرعه روحي
فريده اعطته المبخره : طيب امسك
دخلت فريده المطبخ ونطقت : هلا يمه
شوق : اسمعي يابنتي هذي الحافظه وديها لجدتك انتبهي تطيح منك تراه غذاء جدك وجدتك
فريده : لاتوصين الحين بلبس عباتي وبروح لها
لبست عباتها وخذت الحافظه واتجهت لبيت جدها ، فز من شافها وصار يلحقها ، كانت على طرف الشارع وهو على الطرف الثاني ، مسح على شنبه وغنى :
عاد أنتي الله فرق زولك عن الآخرين
بكل مافيك فتنة تلفتين النظر

من شافك يقول ماباقي مع الناس زين
واليا عرضتي على مسلم ما طيره خضر

بالذات لـ أقبلتي بمشيتك تتبخترين
يسبق قدومك نسيم وريح ورد وعطر

والخطوة العايدية عندك بخطوتين
يادوب تمشين ماهو من غرور وكبر

لا والله ألا من النعمة وماتحتوين
بالمختصر فتنةٍ تذبح وموتٍ حمر

حاولت تمشي بسرعه خوفاً منه وتبي توصل لبيت جدها لجل مايصير فيها شي ، لاحظ وابتسم ورجع غنى :
كن غيرك ددسن وجيب وهمر
وكنك اللكزس على الخط السريع

طلعت جوالها لجل تخوفه ، صد ورجع لحيث ماكان ، تنفست براحه من اختفى ونطقت : وجع يوجعك
بعد دقايق وصلت لبيت جدها ، نزلت الحافظه بالاورض ، حطت يدها على الباب بتعب تحاول تلقط انفاسها ، التفتت يمين ويسار وتنفست براحه من تأكدت انه راح ، تنفست براحه وانحنت خذت الحافظه ودخلت ، الجد عبدالرحمن من طبوعه ما يقفل الباب ابداً ودايم بابه مفتوح للكل ،
نطقت وهي داخله : جده
طلعت الجده نوره وابتسمت من شافتها : هلا ببنتي
فريده : هلابك امي تقول هذا غذا جدك وجدتك
خذت نوره الحافظه وفتحتها ونطقت : تسلم يدينها