آسيرة الروح

1

يوم الاحد في السادس من يناير
الساعه 5:45

يا الله صوت المنبه مزعج جدا اففف لازم اروح الدوام ؟ واترك سريري الدافي و المريح بس الشي الحلو اني بشوفها اهخخخ اشتقت لها بشكل

طبعا قمت و تجهزت وغيرت ملابسي و ركبت سيارتي ورحت للمدرسه

وصلت للمدرسه وكنت بتفكير عميييق إلى ان سمعت صوتها يناديني وردت السعاده لي
"حنييييييييين اشتقت لككك" قالت لي كذا و حضنتني يارب ما تسمع ولا تحس بدقات قلبي
"هلا ولله حبي حتى انا اشتقت لك " فصلت الحضن بس هي لازالت بين يدي
"وش ذا نوني وينك مختفيه حتى ما تسولفين معي ولا تكمليني و لا تطلعين معي" قالت لي كذا و في وجهها عبوس اهخخ كان ودي أبوس ذا العبوس
"ههههههه هديل ما اختفيت ولا شي بس كذا كنت احتاج افكر بكم شغله بيني وبين نفسي بس " سمعت كذا وقلبت عيونها علي مبين ما عجبها كلامي ولا صدقتني بس وش تبيني اقول لها اني كنت ابعد عشان مشاعري تجاها وهي تحب احد ثاني
وعلى طاري احد ثاني جت اكثر شخص أكرهه في الحياه
"دولي وينك اختفيتي ؟ كنت ادور عنك "
"معليش حبيبي كنت ادور على حنين "
قالت هديل كذا وهي لازالت بين أيدي
"اووه اهلا حنين اخبارك " ياليل لازم اسلك لها
"اهلا تمام انتي كيفك "
"انا من يوم شفت هديل صرت بخير " قالت كذا و اخذت هديل من عندي و باست خدها وطبعا هديل عيونها صارت قلوب وانا قلبي انكسر زياده
" معليش يا طيور الحب لازم اروح الحين
هديل اشوفك بعدين" ما أعطيت هديل مجال تتكلم و مشيت عنهم و وصلت فصلي و تجاهلت نظرات البنات لي و حطيت سماعاتي وجلست اسمع أغانيي المفضله و جلست افكر
يعني الحين وش راح يصير لو هديل حبتني مع انه مستحيل بس حرفيا أعطيتها كل شي حب اهتمام و دائما اكون الكتف اللي تستند عليه متى ما تبي .

جاء وقت البريك رحت الكفتيريا حقت المدرسه طبعا شفت أصحابي جالسين بنفس طاولتنا المعتاده كنت افكر اروح لهم ولا لا الى ان سمعت
" حنيييييين ماشفتك اليوم خير ؟!"
سمعت صوتها و ابتسمت و خلاص مافيه مجال اني اسحب عليهم لازم اروح
حطيت يدي في جيب الهودي حقي ورحت لهم
"معليش لينا الصباح كنت منفسه شوي بس الحين شفتك و تعدل كل شي " قلت و غمزت بنهاية كلامي وضحكت
ضحكت لان في شخص كان ميت غيره
"جوري اخبارك ياقلبي وش فيه وجهك كذا صاير احمر بزياده ؟" قلت بنبرة لعوبه شوي و يب حققت المطلوب
"جوري وش فيك حبيبي فيك شي ؟ تعبانه؟ تبين نروح للعيادة؟"
كنت ماسكه ضحكتي لان جوري عندها مشاعر للينا وانا عرفت وما خليتها بحالها هههههههه
"لا لا ليوني مافيني شي بس يمكن لاني مانمت كويس؟"
" تمام إذا حسيت انه فيك شي وماقلتي لي ياويلك" قالت لينا بتهديد
"لا لا لاتخافين مافيني شي " قالت جوري بخوف
ضحكت عليهم و حسيت بنظرات غريبه علي بس تجاهلت الموضوع
سألتهم وقلت " بنات وين وجد ماشفتها اليوم ؟"
ردت علي لينا وقالت " مع حبيبتيها شوفيها في الطاوله هناك "
التفتت على الطاوله اللي فيها وجد ولمحت بنت كانت مثبته عينها علي وصار بينا تواصل نظري وهي توترت و على طول شالت عينها من عيني و التفت و جلست اضحكت على توترها

خلص دوامي و طبعا طول اليوم تجاهلت هديل ما كان لي نفس أشوفها ولا اتكلم معها

قبل ما ارجع البيت او القصر على كلام أصحابي رحت الجم بطلع الطاقه اللي فيني

خلصت التمرين حقي و قررت ارجع البيت وانا في الطريق تذكرت شعور الوحده اللي بحسه إذا وصلت بس الحمدلله اختي مو مسافره مع امي ذي المره
نسيت ما أقولكم أنا بنت و عندي اخت اصغر مني وعايشه مع امي و اختي بس
وامي صاحبة سلسله فنادق و أشياء زي كذا و دائما تكون مسافره
وفجأة توصل رساله لي

💬من هديل: نوني تبغين اجي انام عندك ؟ ادري انه خاله مسافره

💬انا: لا مايحتاج .

رديت عليها وقفلت جوالي

اول ما وصلت البيت شفت إيلا و جت حضنتني
" شلونك sis قولي انك ما اكلتي ؟ كنت انتظرك عشان ناكل مع بعض"قالت كلامها بسرعه ضحكت عليها وقلت
" لا ما اكلت باخذ شاور و اجي اكل معك زين ؟"
"تمام بس لا تطولين "
"تمام "
اخذت شاور على السريع و رحت اكلت مع ايلا و سئلتها
" كيف كانت المدرسه اليوم ؟"
" زي الزفت "
"ليه وش صار "
"بس استاذه الرياضيات كانت حاقده علي اليوم" قالت بعبوس على وجهها ضحكت عليها
" عادي بتتعودين و إذا اذتك مره ثانيه قوليلي اروح أتفاهم معهم زين ؟"
" الله عندي اخت كفوووو"
"ههههههههه كلمتي امي اليوم ؟"
"يب اول ما رجعت و كانت تسأل عنك"
" هممم بكلمها قبل ما انام وانتي بعد خلصي أكلك و روحي نامي وراك دوام بكره "
"لازم اداوم ؟"
"لا بس إذا مارحتي مافيه مصروف ولا فيه طلعات ولا فيه جوال،تمام ؟"
امزح امزح معك حنين وش فيك اخذتي الموضوع جد "قالت وهي كانت تضحك بتوتر
"يلا تصبحين على خير و لاتتأخرين"
"ان شاءالله ماما حنين" سمعتها وقلبت عيني عليها ورحت لغرفتي عشان انام.

—————————————————
رأيكم ب اول بارت ؟
احتاج اسمع رايكم

Take care 🫶