عدت الايام وكل يوم تقوى علاقتي بسكوت بس كلها برا المدرسه
حرفيا المدرسه بس تبادل نظرات اشتياق بينا وكنا نقضي وقت البريك الثاني مع بعض في السطح تقريبا هو مكانا الخاص و اكثر مكان احبه
وصل وقت البريك الاول طلعت ك العاده رحت لأصحابي و مكاننا شيء حلوه بالمكان اللي اجلس فيه يمديني اتأملها على راحتي و اشوف كل حركه تسويها جلست مع البنات بس كانت عيوني تدور عليها غريبه هي مش موجوده وعدا على وقت البريك عشر دقايق واصحابها كلهم موجودين توقعتها راحت لمكاننا وقررت اروح أدورها فيه وقفت وقلت للبنات
"بنات انا بروح " ومشيت على طول ما انتظرت منهم جواب
وصلت للسطح و زي ما توقعت لقيتها موجوده رجعت لي الابتسامه كأني صار لي سنه مش شايفتها بس تحولت الابتسامه إلى غضب كبييير بسبب شوفت شخص ابدا مب مرغوب فيه كانت الاكس حقت سكوت وكانت حاشره سكوت عند الجدار و تبوسها !!!!!! دخلت بكل عصبيه وقلت ودفعتها عن سكوت
"ابعدي عنهاااااا!!!!" كنت معصبه جدا واللي زاد عصبيتي ضحكتها
"هههههههه جت منقذتك يا سكوت "
"سارا لا تستفزيني ولا ترا راح تندمين "
"اف لهدرجه تحبين سكوت اول مره حنين البارده تحب احد او ما أتوقع تحبينها بس ودك تأخذينها لعبه عندك صح زي شدن و " ما تحملت كلامها ابدا وقطعته بضربه على وجهها وكنت بكمل عليها بس يد سكوت وقفتني و مسكت وجهي ولفته عليها وقالت
"حنين اهدي عشاني " عيونها هدتني كثير و بعدت يدها عن وجهي وقلت بصوت مليان غضب
"سارا احسن لك تختفين من قدامي الآن و الأحسن اني ما أصادفك ابدا ولا بتصيرين خبر كان صدقيني " ملامحها تبين انها خافت من كلامي بس حاولت انها ما تبين مع انه كان واضح وضوح الشمس
"طيب حنين بروح الحين بس الايام بينا وراح تندمين على كل شي سويتيه لي و سكوت بترجع لي غصبا عليك "
"قلت اختفي من وجهي الااان" ناظرتني انا و سكوت و سكوت كانت ورا ظهري لوهله حسيت اني شخص تثق فيه و تثق بحمايته لها ومستحيل اخيب ظنها فيني
"الايام بينا حنين الايام بينا "
" نشوف وش راح تبين لنا الايام اعرفي انك بتبكين ندم إذا فكرتي تأذين سكوت " قلت وهي اختفت من وجهي و زين انها اختفت ولا هي بكبرها بتختفي من الحياه
صار لحظة صمت بيني وبين سكوت كنت احاول احتوي غضبي قد ما اقدر لين ما سمعتها تقول
"حنين "
"سكوت تكفين لاتقولين شي أنا أحتاج اروح ما ابي اطلع الشيطان عليك "
"حنين بس اللي شفتيه غل" قطعت كلامها وقلت بعصبيه
"قلت خلاص سكوت !! ماابي اسمع اي شي او اي تبرير " التفت عليها وكانت مصدومه من عصبيتي اللي طلعت عليها مسكت نفسي ما ابي اعصب عليها زياده
"انا لازم اروح انتبهي لنفسك " قلت وعلى طول نزلت عند الاداره
"معليش استاذه احتاج إذن عشان اطلع "
أهلين حنين ليه وش عندك ؟"
"لا بس عندي موعد ولازم اروح له وتوي أتذكره "
"تمام حنين بتطلع إيلا معك ؟ "
" لا هي بتكمل دروسها انا اللي بطلع بس "
"تمام حنين خذي ذي الورقه عشان تقدرين تطلعين " اخذت الورقه من يدها وكانت يدي ترجف بشكل واضح من العصبيه
"حنين وش ذي الرجفه فيك شي ؟ "
" لا استاذه مافيني شي بس رجفه طبيعيه و شكرا "قلت بسرعه وطلعت من مكتبها ما ابغى تحقق معي زياده
اخذت أغراضي و على طول رحت للسياره ولازالت الرجفه فيني و قررت ارجع البيت حالتي ما تستحمل اني اروح اي مكان
وانا أسوق اتذكر عيونها اللي مليانه دموع اخخ حنين انتي كسرتيها ادري مالها ذنب ابدا بس عيوني شافت شي مستحيل تنساه
وصلت البيت ورحت لغرفتي على طول احاول اهدي الشيطان اللي طالع مني و مالقيت نفسي إلا وأنا اخذ الأشياء اللي بغرفتي وأرميها بالأرض كسرت و كسرت وكسرت صارت الغرفه دمار وكنت اكسر زياده وانا مو بوعيي لين شخص دخل ومسكني
"حنين بنتي شفيك !!!" توي استوعب الدمار اللي صار و حاولت اجمع نفسي قد ما اقدر
"جولي مافيني شي بس ضغط"
"حنين بنتي دمرتي غرفتك وتقولين ضغط ؟"
"ايه بس ضغط جولي ومافيني إلا العافيه انا"
"تمام بنتي روحي اخذي لك شاور يمكن تهدين و عشان يمديني انظف غرفتك "قالت ومبين عليها انها مش مصدقتني
"لا جولي خلي العاملات ينظفون دماري انتي ارتاحي " قلت وعلى طول مشيت من عندها ما ابي أتناقش زياده
رحت للحمام وحطيت المويا ابرد شي في الحياه لعل وعسى تهدي ناري بس ما أتوقع بيفيدني شي
طلعت بعد ساعه اتوقع او اكثر؟
كانت غرفتي احسن من قبل بعد الدمار اللي صار لها قررت اني انام و إذا صحيت اشوف وش اسوي
——————————————————-
اهلا أهلا حلويني اخباركم ؟
رجعت ببارت قصير إلى حد ما بس اهم شي رجعت 😭
اتمنى انه البارت نال على إعجابكم
توقعاتكم للبارت الجاي ؟
Take care my lovers 🫶
أنت تقرأ
آسيرة الروح
Teen Fictionبنظرها انا صديقتها المفضله اما في نظري هي بالنسبه لي كل العالم وحبي كانت هذه وجهة نظري إلى ان التقيت بعيون آسرتني و أسرت روحي روايه عن علاقه بين بنتين و من كتاباتي الخاصه
