آسيرة الروح

9

كنت احس بشي بارد على راسي و بديت افتح عيوني وكانت الدنيا ليل و ألمح شخص حاط كرسي جنب سريري وجالس يقرا كتاب ما كنت أميز مين ذا الشخص لين ما ركزت وطلعت
"ماما؟" توها تنتبه اني صحيت و كانت ملامحها بارده جدا يعني فيه مصيبه بتجي على راسي
"حنين كم مره اقولك لازم تنتبهين على صحتك !!!!! و تطلعين من دوامك بدون اذني ولا لي علم بشي وأختك لحالها و تجين البيت تكسرين غرفتك و تدمرينها!!!!!!!! و بالنهايه تتعبين و حرارتك توصل للأربعين !!!!!!!!!!!"
"ماما"
"ولا كلمه حنين ولا كلمه " قالت وطلعت من غرفتي و سكرت الباب بقوه يا الله وش ذا اليوم التبن لازم اهدي الوضع و افتح جوالي و القى سكوت مبلكتني كملت كملللت ذا اللي كان ناقص
لازم اعدل الوضع لانه ابد ما ينفع كذا امي و حبيبتي زعلانيين مني

قمت من السرير واخذت شاور سريع سريع بس عشان اصحصح واخذت مفتاحي و طلعت كان الوقت قريب الساعه ثمانيه الليل

و رحت لأقرب محل ورد و جبت باقتين ورد و توجهت لبيت سكوت على طول

وصلت لبيتها و رحت طقيت الباب و فتحت لي عاملتهم الحمدلله انه أهلها مسافرين
"اهلا سكوت موجوده ؟"
"ايوا مدام سكوت موجوده "
"بغرفتها هي ؟"
"ايوا اكلمها انك موجوده ؟"
"لا مايحتاج انا بروح لها شكرا "

طريق غرفتها افضل طريق بحياتي كنت ماسكه ابتسامتي غصب لاني ادري بقابل بركان قررت ما ادخل على طول و طقيت باب غرفتها وكنت انتظرها بفارغ الصبر لين ما انفتح بابها و كانت عيونها ميلانه دموع ؟

"حنين ؟" مبين من كلامها انها انصدمت من وجودي بس ما اهتميت لأي شي و اخذتها بحضني على طول
"ماعاش مين ينزل دموعك يا عيون حنين " انهارت بحضني و ندمت اشد الندم اني عصبت عليها

"حياتي وش صاير ليه كل ذا الانهيار ؟" سئلتها لانه ابد مش طبيعي دموعها لان بس صار سوء تفاهم بينا
"حنين اسفه صدق اسفه لا تتركيني" بعدتها عن حضني و جلست امسح دموعها بيدي وقلت
"حياتي كل ذي الدموع عشان بس سوء التفاهم اللي صار و عشان وحده ما تستاهل اي شي ذيك البقره، ومستحيل أكرهك حبيبي مستحيييل اتركك بحياتي سكوت كل ذي المده وما عرفتي اني مُغرمه فيك و بتفاصيلك و حتى الشامه اللي فوق طرف شفايفك مُغرمه فيها سكوت حياتي ما عرفتها إلا فيك و ادري اني عصبت عليك اليوم وانا جد اسف "

"اكيد حنين؟"
"اكيد ياعيون حنين اكيد و اول مره اشوف قمر يصيح ذي ظاهره نادره جدا و بتكون اول واخر مره وعد حياتي "قلت وشفت الخجل باين عليها ضحكت و بست راسها
"طيب تعالي ندخل كل ذي الدراما صارت عند باب غرفتي "
"صحححح عيوني انتظري بجيب شغله نسيتها بسيارتي واجيك "
"اففف حنين لا "
"حياتي بس بسرعه دقيقه و بجيب لك شي تحبينه جدا "
"الشي اللي احبه جدا معي الحين ويبي يروح مني " قالت بعبوس لطيف جدا على وجهها بست شفايفها بسرعه وقلت
"حياتي بس سريع وبرجع لو انك خليتيني من البدايه كان رحت و رجعت وخلصنا "
"طيب اسمح لك تروحين بس ذي المره بس بسرعه ولا بزعل عليك"
"ههههههههههه تمام كل شي ولا زعلك " قلت ورحت بسرعه قبل ما تغير رايها رجعت للسياره و اخذت باقة الورد اللي جبتها لها