بنظرها انا صديقتها المفضله
اما في نظري هي بالنسبه لي كل العالم وحبي
كانت هذه وجهة نظري إلى ان التقيت بعيون آسرتني و أسرت روحي
روايه عن علاقه بين بنتين و من كتاباتي الخاصه
طبعا قمت متأخر وكان وضعي مأساوي شوي لدرجه اني نسيت ما البس عدساتي الطبيه لحظه خلوني أوصف لكم شكلي شوي (شعري كيرلي ولونه بني غامق عيوني لونها ازرق غامق بس دائما أغطيها بعدسات لونها بني بدال ما البس نظارات عشان ما احب الناس تتكلم عن لونهم مع اني ارتاح ب النظارات اكثر و تقريبا طولي 170 وجسمي متناسق وعندي ثلاث غمازات وحده بخدي اليمين و الثنتين الباقيين بخدي اليسار و وحده منهم عند شفايفي ) نرجع لسالفه تأخيري من جديد نسيت ما البس عدساتي و قررت اليوم البس نظاراتي لاني صدق بدونهم ما اشوف شي هههههههه و كنت رافعه جزء من شعري و مخليه الباقي مفتوح
وصلت وطبعا بغيت اتهزء من التأخير بس عدت ذي المره من جديد
وجاء وقت البريك وما كان في بطاولتنا المعتاده إلا انا و جوري بس انا عيوني كانت على طاوله ثانيه وما حسيت بشي إلا ان جتني ضربه على فخذي "الله ياخذك يابقره كسرتي فخذي "قلت بنرفزه جوري قلبت عيونها علي (🙄) "صار لي سنه أناديك بس مبين مخك مش معي مع الطاوله اللي فيها وجد وحبيبتها و صحباتها" "همم صح عليك و المطلوب الحين ؟" "تبين نروح لهم ؟" "ليه وش عندنا ؟" "حنين واضح انك تبينها وهي تبيك بس اخذي الخطوه الاولى و خلينا نروح " "طيب إذا رحنا وش نقول ؟" "اووه يعني صدق تبينها كلامي اللي قلت كذا صار صح اجل وسهله نروح نكلم وجد على اي شي تافه " قالت وسحبت يدي على طول حتى ما خلتني ارد عليها وصلنا لطاولتهم و جوري بدت شخصيتها الاجتماعيه تطلع بوقت غلط "اهلا اهلا وجد وينك ساحبه علينا " انا رديت على كلام جوري وقلت "اخخ يا جوري اللي لقى أحبابه نسى أصحابه " قلتها وانا حاطه عيني على بنت معينه وهي كانت عينها على عيني لين ما وجد ردت علينا "ياليل يا الكذابين ماسحبت عليكم امس كنت معكم بس غريبه وش جايبكم انتوا ؟" قالت و توترت شوي لانه صدق وش جايبنا و جوري من مدري وين جابت تصريفه وقالت "جينا عشان نقولك على المسابقه اللي حنين بتشارك فيها " ياليل ذي جابت العيد فينا ردت وجد عليها "بس انا عارفه قلت لك امس كنت معكم ؟" "شفتي قلت لك هي تدري بس انتي صايره تنسين ذي الايام "قلبت السالفه على جوري وتكلمت لجين اللي هي حبيبة وجد وقالت "الله حنين بتشاركين عاد دائما وجد تقولي عن صوتك انه حلو " "هههههه عاد وجد توصل الأشياء للسماء بالمدح بس يب يشارك ان شاءالله و تقدرون تجون انتي و"سكت و التفت على البنت اللي كل نظارتي عليها انتظر تقول اسمها "اييي نسيت ما أعرفكم هاذي سكوت صاحبتي و هاذي وريف " اجل اسمها سكوت واو حتى اسمها يجذب كانت عيوني عليها طول الوقت وقلت بأبتسامه "تشرفنا " عاد يارب اقدر اسمع صوتها على الاقل "وانا اكثر حنين " قالت بأبتسامه خلت قلبي يرقص (ذا احسن كلمه اقد اعبر فيها هههههه) بس حاولت ما ابين الفيضان اللي بداخلي قررت اني اروح عشان ما ابين شي ويارب ما تكون نظراتي فاضحتني "يلا اجل انا بروح الحين أشوفكم بعدين ان شاءالله "قلت وانا كانت عيني على سكوت بس و ابتسمت لها ورحت على طول للحمام دخلت و لازال قلبي يدق بقوه غسلت وجهي حنين اهدي وش فيك بس ابتسامه منها تسبب لك ذا الفيضان ؟؟ و فوق ذا توي انتبه انها تعرف اسمي بعد اهخخ و جاني تنبيه من ابل واتش حقتي (الساعه الذكيه ) وانصدمت من دقات قلبي اللي ارتفعت بشكل فضيع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
يا ساتر كل ذا بسبها ؟ يارب ساعدني بس خلص وقت البريك و هديت شوي او ب الاصح هدى قلبي و رجعت للفصل حقي متجاهله نظارت البنات من جديد بس ذي المره كانت بزياده لاني كنت لابسه نظاراتي و لون العيوني الطبيعي كان مبين
خلص يومي ورجعت البيت و حارشت إيلا شوي و قررت وش راح اغني ب المسابقه كنت اللي مختارتهم afterglow و shape of you By Ed Sheeran طبعا ed هو اكثر مغني أنا أحبه انا مهووسه فيه
—————————————————- بارت قصير شوي اعذروني وبحاول انزل بارت جديد بأقرب وقت ممكن
