يوم الاثنين السابع من يناير
الساعه 2:14
صحيت على صوت المطر القوي و طلعت للبلكونه حقت غرفتي وجلست اتأمل المطر شوي و قررت بعدها اني اروح لغرفة إيلا لانها تخاف من المطر بشكل كبير قبل ما اطلع من غرفتي سمعت احد يدق الباب وعرفت انها إيلا على طول وقلت
" ادخلي إيلا "
"يخوف كيف عرفتيني من قبل ما اقول شي بس عادي انام عندك ؟"قالت
ضحكت على كلامها وقلت
"اكيد ما يحتاج تسألين أصلا وكنت بجيك بس انتي سبقتيني "
"هههههههه تخاطرنا عالي "
"يب لأننا خوات"
ابتسمت على كلامي و راحت للسرير تنام وانا رحت معها بس ادري اني مارح اقدر انام من جديد ف اخذت كتاب و جلست اقراه
فجأةً اسمع صوت المنبه واكتشفت اني نمت بالغلط ههههههه قمت و قومت إيلا عشان تتجهز للدوام وقررت اني أنا أوصلها لمدرستها بدال السواق بس نقول يارب ما اتأخر
وصلتها بعدها رحت وطبعا تأخرت كالعاده بس ما يجيني تهزيء لاني من اشطر الناس اللي في المدرسه
وصلت فصلي بنفس اللحظه كان فيه إعلان عن مسابقه للموسيقى مره فرحت انها رجعت لأني مره احب الموسيقي بس سرحت في ذكريات سيئه جدا بالنسبه لي بس تجاهلتها
جا وقت البريك و دخلت الكافتيريا و كانت كل عيون البنات علي بس تجاهلتها و حطيت إيدي في الهودي حقي و رحت لطاولة صحباتي المعتاده وطبعا كانوا كلهم موجودين حتى هديل و حبيبيتها ريماس بس تجاهلت و ما ابغى اهتم فيهم زياده خلاص كفايه اللي صار قبل
و شفت نفس البنت اللي كانت حاطه عيونها علي امس و ابتسمت و غمزت لها
وهي توترت من جديد بس صدق البنت حلوه
ياليل حنين وش حركات البلاير اللي مو راضيه تخلينها
و وصلت للطاوله وقت ب ابتسامه تذوب الكل
"صباح الخير و أنا أسعد شخص اليوم "
هديل كانت تشوفني بنظره غريبه بس تجاهلت الموضوع
ردت لينا علي وقالت "صباح النور وش سالفة الروقان ذا ؟"
"لينا شكله الحب مخليها مروقه كذا ولا " جوري قالت وليتها كانت ساكته
قلبت عيوني عليها وقلت
"اعوذ بالله بس اعلنوا اليوم عن مسابقة الموسيقى واخيرا "
ردت علي الغثيثه ريماس وقالت
"عاد صدق حنين صوتك حلو "
قلت بأبتسامه تسليكيه
"اعرف بس شكرا " وصار الجو متوتر شوي بس ما اهتميت و سألتني لينا وقالت
"عاد وش ناويه تغنين ؟ السنه الماضيه فاجئتينا وغنيتي اغنيه ماكنا متوقعينها"
سرحت ب ذكريات سيئه لي في السنه الماضيه وما انتبهت إلا لما هديل حطت يدها على فخذي وسألتني بهمس و خوف و اهتمام غريب شوي
"وش فيك سرحتي فيك شي ؟صاير لك شي ؟ تعبانه؟ تبين نروح العياده؟" رديت عليها وقلت
"لا مافيني شي بس عادي سرحت بأفكاري و لينا مدري ماقررت وش اغني وذي يبغالها تفكير حبتين "
"دائما تقولين كذا و ب النهايه تكونين مقرره " جوري قالت لي وقلبت عيونها علي
رديت عليها وقلت
"ههههههههه دام انك تعرفين ليه تسألين من الأساس ؟ بس صدق ذي المره ماعندي شي براسي " ما امداني خلصت كلامي إلا خلص وقت البريك و كل وحده لازم ترجع
ودعت البنات على السريع و رجعت لفصلي
خلصت دوامي واخيرا برجع البيت بس لازم اروح اخذ إيلا من مدرستها طلعت من فصلي وشفت هديل تنتظرني رحت لها وقلت بنبره ساخره
"غريبه انتي عندي هنا مو عند الحب حقتك "
هديل ناظرتني بنظره ماقدرت أفسرها و تجاهلت اللي قلته وقالت
"ابغى ارجع معك اليوم "
"طيب يلا مشينا بس ترا باخذ إيلا من مدرستها "
همهمت كرد علي ورحنا
في السياره كان فيه صمت غريب مره وانا كنت في تفكير عميق وكنت متجاهله نظرات هديل ليإلى أن هديل حطت يدها على فخذي وقالت
"حنين وش فيك ذي الفتره مره متغيره علي حتى ما صرنا نتكلم نفس قبل تتعاملين معي كأني مو موجوده فيك شي صاير لك شي ؟" سرحت شوي بكلامها وصدق أنا كنت مبعده عنها عشان ما ابي احس بمشاعري بعد صمت رديت عليها وقلت
"اسفه إذا حسستك بذا الشي" قلت ببرود شوي و ادري اني زعلتها بس وش اسوي ردت علي وقالت
"حنين انتي من بعد سالفتك مع شدن وح " قطعت كلامها وقلت بحده
"خلاص بس ما ابغى اتكلم بذا الموضوع "
"بس حنين انتي مره تغيرتي "
"هديل قلت خلاص قفلي على الموضوع"
"كيف اقفل عليه وانتي متغيره علي ؟ ولا لا يكون السبب علاقتي مع ريماس ؟"
رديت بأستنكار
" وش دخل ريماس ب السالفه الحين و لا تفتحين ذا الموضوع من جديد و خلاص بس خلينا نوقف نقاش عشان إيلا ماتحس ب شي"
"تمام بس احنا لازم نتكلم من جديد ترا "
"يصير خير "
و إيلا جت للسياره وقالت
"اوووه هديل من زمان ماشفتك "
"هلا ولله إيلا حتى أنا صار لي فتره ما شفتك "
"كله من حنين "إيلا قالت وكانت تبي حرش مني
"ياليل كل شي صار ينحط براسي "
هديل كملت مع إيلا وكلهم صاروا علي
"يب هو انتي ساس البلا أصلا "
"ان ما سكتوا بنزلكم من السياره " قلت بتهديد
"ابشري ابشري بنسكت " هديل قالت وكانت تضحك
و صلت هديل لبيتهم بعد محاولات انها تقنعني انها تجي البيت عندي بس ابد ما كنت بمزاج حلو اني اقعد معها زياده
و وصلنا أنا و إيلا للبيت وكنت عارفه انها بتسأل وش صار بيني وبين هديل قبل ما تركب بس ابد ماكنت ابي اتكلم مع احد فقلت لها
"ادري عندك اسأله بس مو الحين مالي خلق شي بعدين بنتكلم إذا ودك ؟"
"حنين كل مره تخوفيني تجاوبيني قبل ما اسألك بس تمام "
"قلت لك لأننا خوات " قلت لها بأبتسامه وجت حضنتني و طولت بالحضن
"خلاص كفايه دراما و مشاعر زايده لليوم"قلت بضحكه و وفصلت الحضن
"حنين صدق انتي تحسسيني انك صدق اختي و ترا احبك "
"واحنا صدق خوات ترا وحتى أنا احبك اكثر من ماما حتى ، بس ياويلك تقولين لها اني قلت كذا " ضحكت على كلامي وقالت
"ههههههه تمام ذا راح يكون سر بينا وانا بروح اخذ شاور و انام تأخر الوقت "
"تمام تصبحين على خير "
"وانتي من أهل الخير "قالت وباست خدي
وانا رحت انام بعد
————————————————
علاقة حنين و شدن ؟
إيلا وحنين و علاقتهم مع بعض؟
رايكم ؟
تجاهلوا الأخطاء الاملائيه
ويمكن البارت الجاي اتأخر فيه
Take care 🫶
أنت تقرأ
آسيرة الروح
Teen Fictionبنظرها انا صديقتها المفضله اما في نظري هي بالنسبه لي كل العالم وحبي كانت هذه وجهة نظري إلى ان التقيت بعيون آسرتني و أسرت روحي روايه عن علاقه بين بنتين و من كتاباتي الخاصه
