طبعا مشى يومي كالعاده وجت اكثر حصه غثيثه بالحياه و قررت اهرب منها مالي خلق لأي شي اليوم
طلعت من الفصل ولقيت سكوت طالعه من فصلها وكانت بتروح لفصل فاضي وكنت احسها مو على بعضها و قررت اني الحقها
دخلت نفس الفصل اللي هي فيه وسئلتها
"سكوت فيك شي ؟"انصدمت اني موجوده و قالت
"لا مافيني شي بس حنين ممكن تطلعين ؟ ابغى اجلس مع نفسي "
"لا مو ممكن مارح اطلع إلا لما تقولين لي وش فيك "
"حنين صدق مافيني شي "قالتها وناظرت عيوني انصدمت يوم شفتها تبكي و انتبهت اني لاحظت عيونها ونزلت راسها
قربت من عندها و مسكت ذقنها ورفعت رأسها وقلت
"ماعاش اللي يخلي ذي العيون اللي أسرتني تصيح "
سكوت انصدمت من اللي قلته و بعدت على طول وقالت
"صدق حنين خليني بحالي"
"لا مارح أخليك إلا لما تقولين لي وش فيك و مين اللي خلاك تبكين "
"حنين صدق ما اقدر "
"سكوت اسمعيني مارح أخليك لحالك الحين فقولي وش فيك ولا لا تقولين بس طلعي اللي بداخلك وانا بسمعك و أوعدك اول ما نطلع من هنا بنسى كل شي صار إذا ودك " قلت بوجه جاد وسحبتها لحضني وقلت
"طلعي كل اللي بقبلك لاتخلين شي "
وانهارت بحضني وكنت امسح على ظهرها و أبوس راسها احاول اهديها
بعد فتره كانت قصيره بالنسبه لي بعدت عن حضني و لا أخفيكم انه ماكان ودي انها تبعد عني و الهودي حقي كان مليان دموعها و عطرها ومسحت دموعها بيدي
"حتى وانتي تبكين لازلتي حلوه وش اسوي بنفسي أنا ؟"استحت من كلامي و ناظرت عيوني وعجبني الوضع وقلت من جديد بكل صدق وانا أناظر عيونها وسرحانه فيها
"صدق سكوت انتي وش مسويه فيني انا ولا مره انجذبت لشخص وانتي قدرتي تجذبيني كذا ؟ صدق انا مره مره منجذبه لك " انصدمت من كلامي و بعد صمت اكسرته هي
"صدقيني ذا الشعور متبادل حنين "
قالت و باست خدي وراحت بسرعه
انا لازلت منصدمه بحركتها و لازلت احس بشفايفها على خدي وقلت لنفسي بصوت عالي حنين ذي المره طحتي ومحد سمى عليك وضحكت وطلعت
و جاء وقت البريك و رحت عند طاولتنا المعتاده و جلست ادور اللي سارقه قلبي بعيوني وما لقيتها جاني احباط شوي كنت ابغى اشوفها
"حنين وش فيك سرحانه ؟" لينا قالت
"وش فيني مافيني شي "
"اكيد ؟"
"الصراحه لا بقولك شي بس ياويلك ان قلتي لأحد " قلت لها انصدمت هي لاني ما اتكلم عن اي مشاعر احس فيها بس صدق ذي المره لازم اقول ولا بنفجر
"من عيوني بس وش صاير ؟"
"لينا انا شكلي طحت ومحد سمى علي "
قلت بسرعه لينا اخذت لحظات عشان تستوعب وش قلت
بعد ما استوعبت ضربت يدي و وقفت وقالت بصوت عالي شوي و بسرعه
" وووووش و مييييييين ذي اللي قدرت تطيحك حنين وش ذا ومن متى ؟!"
سحبتها عشان تجلس و حطيت يدي على فمها وقلت
"بزر صوتك وصل لأخر الدنيا راح تفضحيني او فضحتيني وخلصتي بعد "
"تصدميني كذا فجأة وتقولين اهدي بس تمام تمام يلا قوليلي كل شي الااان"
"احس اني بديت اندم اني قلت لك بس بقولك " قلبت عيونها علي وقالت
"قولي كل شي و وياويلك ان ما قلتيلي اي تفصيل صغير"
"اكيد مارح اقولك مين البنت بس صدق لينا اخذت قلبي وعقلي وكل شي فيني لدرجه اني افكر فيها طول الوقت و احس اني بديت" و قبل ما اكمل كلامي
"مين ذي اللي تفكرين فيها طول الوقت ؟" هديل قالت بحاجب مرتفع و نظره جدا غريب وكانت معصبه ؟
رديت عليها و طلعت اقرب تصريفه وقلت
"امي صار لها فتره وهي مسافره وافكر فيها بس " مبين انها ماكانت مصدقتني بس سلكت لي وجلست على الكرسي اللي قدامي
"ماعلينا الحين وين حبيبتك مختفيه صار لي فتره ما اشوفها" قالت لينا و هي تغير الموضوع
"مدري عنها و الصراحه ما اهتم " انصدمت من كلام هديل بس ما اهتميت
لان في شخص دخل الكفتيريا وأخذ كل انتباهي
عيني كانت عليها طول الوقت وهي مبين كانت تدورني بعينها إلى ان التقت عيوننا و ابتسمنا البعض اهخخخخ ابتسامتها أسرت روحي وكنت سرحانه فيها الين لينا حطت يدها على فخذي وقالت بنبره لعوبه و بهمس
"شكلي عرفت مين سارق قلبك " رديت عليها وانا لازالت عيني على سكوت
"اهخخخ بس لينا اهخخخ صدق انها ماخذه قلبي " بعدين استوعبت وش قلت و لفيت على لينا بسرعه وكانت تضحك علي و قلبت عيني عليها ذي البزر
أنت تقرأ
آسيرة الروح
Teen Fictionبنظرها انا صديقتها المفضله اما في نظري هي بالنسبه لي كل العالم وحبي كانت هذه وجهة نظري إلى ان التقيت بعيون آسرتني و أسرت روحي روايه عن علاقه بين بنتين و من كتاباتي الخاصه
