𝐽𝑒𝑜𝑛 𝐽𝑜𝑘𝑒𝑟

Part 1

ප්ලීස් .. කරුණාකරලා .. මේක කරන්න එපා .. අනේ මගේ ජොබ් එක ..

අසරණ ජෙයෝන් තමාගෙ ප්‍රධානියාගෙ කකුල් දෙක ලග දණින් වැටිලා ඉල්ලුවේ එයාව රස්සාවෙන් අස් කරන්න එපා කියලයි .

මට තමුන්ව තවත් මෙතනට වැදගත් නෑ ජෙයෝන් .. තමුන් දැං හරියට කැඩුනු සෙල්ලම්බඩුවක් වගේ ..

අනේ එහෙම කියන්න එපා . කරුණාකරලා . මම මගේ උපරිමයෙන් උත්සාහ කරන්නම් කලින්ට වඩා හොදින් වැඩ කරන්න ..

දැන් මිනිස්සු ඉස්සර වගේ තමුන්ගෙ විහිලු වලට හිනා වෙන්නෙ නෑ ජෙයෝන් . අනිත් එක අපිට දැන් ඉන්නවා තමුන්ට වඩා දක්ශ කඩවසම් විහිලුකාරයෙක් (joker කෙනෙක්)

ඔව් ජෙයෝන් කියන්නේ කානිවල් වල වැඩ කරන විහිලුකාරයෙක් (joker) කෙනෙක් . මීට කලින් එයා ගොඩක් සතුටින් එයාගේ රස්සාව කරගෙන ගියත් නොහිතපු විදිහකට එයාගේ කෘව්( කන්ඩායමෙන්) එකෙන් එයාව පන්නලා දාන්න හදනවා .

අනේ මගේ රස්සාව නැති උනොත් මම කොහොමද මගේ එකම පවුල වෙච්ච මගේ නංගිව බලාගන්නෙ ?

තමාගේ පිටි පස්සෙ හැංගිලා පරණ වෙච්ච ටෙඩියෙක්වත් අතකින් අල්ලගෙන අනිත් අතින් ජෙයෝන් ගේ ශර්ට් එක අල්ලගෙන සුදුපාට පොඩි ගවුමක් ඇදගෙන බයවෙලා හිටිය වයස අවුරුදු 8 විතර වෙච්ච එයාගෙ පොඩි නංගිව ජෙයෝන් ඉස්සරහට ඇදලා අරගෙන බදාගත්‍තා .

ඒක අපේ ප්‍රශනයක් නෙමෙයි ජෙයෝන් .. දැන් මෙහෙන් යනවා ..

කානිවල් එකක කූඩාරමක් පිටි පස්සේ හිටපු ජෙයෝන් සහ එයාගේ ප්‍රධානියා ලගට ආපු අලුත් විහිලුකාරයා (Joker) සේන් ජෙයෝන් ගේ උරහිසකට පයින් ගහන ගමන් තරහින් කෑගැහුවා .

අ .. අනේ ඒත් මේ .. මේ රෑ මම කොහේ කියලා යන්නද ..? අනේ කරුණාකරලා මට අද රෑ විතරක් මෙහෙ ඉන්න දෙන්න . මම හෙට උදෙන්ම මගේ නංගිවත් අරගෙන මෙහෙන් යන්නම් ..

කලින් දවසේ රෑ වැස්ස නිසා තවමත් මඩ වෙච්ච පොලොව දිහා බලාගෙන ජෙයෝන් ඇයදුවා .

හරි එහෙනම් .. හෙට වෙනකම් ඔයාට මෙ ~~

ජෙයෝන් ගේ ප්‍රධානියා කියාගෙන ආපු ඒ වාක්‍ය කියන්න නොදීම සේන් මැද්දෙන් පැනලා ජෙයෝන් ගේ ශට් කොලර් එකෙන් අල්ලගෙන ජෙයෝන් නැගිට්ටෙව්වා .

නෑ .. තමුන්ට තවත් මෙහෙ ඉන්න බෑ .. තමුන්ට මෙහෙන් අරගන්න කියලත් බඩුවක් නෑ නෙ .. පලයන් යන්න මෙහෙන් ඔය ජරා කුණුගොඩත් අරගෙන ..

සේන් අන්තිමට කියපු ජරා කුණුගොඩ වචනේ කිව්වේ ජෙයෝන් ගේ පොඩි නංගි දිහා බලාගෙන .

ජෙයෝන්ගේ කොලර් එකෙන් අල්ලලා එයාව තල්ලු කරපු සේන් ආපහු එයාලගේ ප්‍රධානියා ~~ අහ් නෑ ජෙයෝන් හිටපු ප්‍රධානියා ලගට ගිහින් හිටගත්තා .

සේන් තල්ලු කරපු පාරට ගිහින් බිම වැටුනු ජෙයෝන් තමාගෙ නංගිව බදාගෙන අඩන්න ගත්තේ එයාගෙ නංගි කුණුගොඩක් නෙමේ කියන ගමන් .

ජෙයෝන් දිහා බලාගෙන හිටපු එයාගෙ පුංචි නංගිට තේරුනේ නෑ මෙතන සිද්ද උන කිසිම දෙයක් ~~හොදයි එයාට තේරුනේ නෑ එයාට පණ වගේ ආදරේ කරන , එයාව පණ දීලා හරි ආරක්ශා කරන එයාගේ ආදරණීය අයියට වයස 18 දීම එයාගේ රස්සාව අහිමි උනා කියලා .

නමුත් එයාට තේරුනා එයාගේ අයියා මේවෙලාවෙ ඉන්නෙ දුකින් කියලා . මොකද ජෙයෝන් ගේ කදුලු එයා හොදටම දැක්කා . ජෙයෝන් ව තදින් බදාගත්තු එයාගෙ නංගි සේන් දිහාවට තමාගේ අතේ හිටපු පොඩි ටෙඩියාව විසික් කලා . නමුත් ඒ ටෙඩියා වැඩි දුරක් නොගිහින්ම බිම වැටුනා .

තමුන්ට කොහෙන්ද එච්චර හයියක් ..

සේන් දත්මිටි කන ගමන් දෙපාරක් හිතන්නේ නැතුව පොඩි අරුවගෙ අතින් ඇදලා ලගම තිබ්බ බිත්තියක වේගෙන් හැප්පුවේ පොඩි දරුවා පරඩැලක් වගේ ඇදිලා ගිහින් වේගෙන් බිත්තියේ හැප්පෙද්දි .

ජෙයෝන් කෑගහගෙන ගිහින් සේන්ව තල්ලු කරත් ඒ වෙද්දි ජෙයෝන් ගේ නංගිගේ ඔලුවෙන් ලේ එන්න පටන් අරන් තිබ්බා ..

ජෙයෝන් පුලුවන් තරම් ඉක්මනින් තමාගෙ චූටි නංගිව අත් අතරට අරං දුවන්න ගත්තේ මොනා උනත් නංගිගේ ජීවිතේ වටින නිසා .

සිහිය නොතිබුනු පොඩි දරවාවත් වඩාගෙන රෝහලක් ඉස්සරහට දුවගෙන ආපු ජෙයෝන්ට අමතක උනා තමාගෙ අතේ අඩුම එකම එක සතවක්වත් නෑ කියලා .