𝐽𝑒𝑜𝑛 𝐽𝑜𝑘𝑒𝑟ᵒⁿʰᵒˡᵈ

Part 8

" අහ්හ්! මං- මං මේ කොහෙද ඉන්නෙ? "

සිහිය නැතුව හිටිය ජන්කුක් වගේම හැඩ රුව තිබුනු තරුණයා එකපාරටම ගැස්සිලා සිහිය ඇවිත් ඔලුව ඉස්සුවේ ඔහුගේ මූනට වැදිච්ච සීතල වතුර පාර නිසා.

දවස් දෙකක් පුරාවටම ඒ තරුණයාව සිහිය නැති කරලා හිර ගේ ඇතුලේ හංගගෙන හිටිය ජන්කුක් තමන්ගේ සැලසුම් වල අවසාන අධියර විදිහට තමන් ගෙනාව ඇම; එහෙම නැත්තම් ඔහු වගේම තරුණයාට තමාගේ ඇදුම් ඇන්දෙව්වා.

අනිවාර්යයෙන්ම හිතනවා ඇති දැන් හිර ගෙදරක කොහොමද හිරකාරයෙක් නොවෙන කෙනෙක්ව තියාගන්නෙ කියලා. ඒත් ජන්කුක් වගේ හිරගේ ඇතුලේ බලේ පතුරවං ඉන්න කෙනෙක්ට ඒවා නතින්..

" මට නොමැරී මැරෙන්න ඕනෙ.. ඒකට උබ තමයි මං ගෙනාව ඇම! "

හිර කූඩුවේ මුල්ලක ඉන්දවලා හිටිය තරුණයාගේ ඇස් වලට එබිලා හිටිය ජන්කුක්ගේ මූනේ තිබ්බ කුරිරු හිනාවට අර කොල්ලාත් බය උනේ නෑ කිව්වොත් බොරුවක්..

" ම්- මොනාද ම්- මේ කියන්නෙ?"

ජන්කුක්ගේ මූනෙ තිබ්බ කටුක බව දැක්ක තරුණයාගේ වචන පවා වෙවුලන්න ගත්තා.

" හරියටම කිව්වොත්.. මං යන්නේ උබව මරලා Jeon Joker ගේ චරිතෙට පණ දෙන්න!"

එකපාරටම හිනාව නවත්තගෙන හැගීමක් නැති විදිහට ඔහේ කියලා දාපු ජන්කුක් එයාට බය වෙලා තව තවත් ඉදගෙන ඉන්න මුල්ල අස්සට ගුලිවෙන කොල්ලාගේ නිකටෙන් අල්ලලා මූන එහාට මෙහාට හැරෙව්වා.

" ම්ම්.. උබේ මූන මට වඩා වෙනස්.. "

දත් වල රැදිලා තිබ්බ උදේ කාපු පාන් වල කොටස් දිවෙන් අයින් කරන ගමන් කියපු ජන්කුක් තරුණයාගේ නිකට වේගෙන් ගසලා අතෑරියා.

දණගහගෙන හිටිය තැනින් කෙලින් වෙච්ච ජන්කුක් කලිසමේ සාක්කුවේ දාගෙන හිටිය අතට අහුවෙන ටිකක් ප්‍රමාණයෙන් විශාල ගල් කෑල්ලක් ඇදලා ගත්තා.

ගල් කෑල්ල දිහා බලාගෙන හිටිය ජන්කුක්ගේ දත් "කිරි කිරි" ශබ්ධයක් නංවමින් එකට ගැටෙන්න මහ වෙලාවක් ගියේ නෑ.

ඒත් ඇයි ජන්කුක් මේ දත්මිටි කන්නෙ?

ජන්කුක් මේ ගලක් එක්ක මොකද්ද කරන්න යන්නෙ?