بيت ابو راكان
بالصاله:. بعد صلاه الجمعه هيا لازم طقوس القهوه جاهزه والبخور ولازم الكل يجتمع عندها
طلال وولده راكان راجعين من الصلاه
هيا هلا هلا هلا بزين الشباب هلا بالشيخ حقي
طلال :الله واكبر كل هالترحيب لولدك لنا الله
هيا:انت البركه وانت ابو الغالي
طلال:يهو رجعت تمدح بولدها صب صب قهوه بس مافيها فايده
راكان:خل الغاليه على كيفها جعل صيتها ماينقطع
سم يبه القهوه
ريماس نازله من الدرج:يابابا فكني من ذي النفسيه احد يذاكر يوم الجمعه؟
هيا : استحي على وجهك ولا تقولين نفسيه عن اختك والواحد يقول سلام مو يصايح وهو نازل
طلال: خلي ريماس على كيفها والله انها هي الصاحيه بـ هالبيت وشفيك ياعين ابوك
ريماس:يابابا تكفى خلني انقل على الغرفه الي قدام ريناد ماعاد اقدر اجلس مع نوره بنفس الغرفه جالسه اسولف انا ونجد واصايل ونتفق نتجمع عند جدتي اليوم واسحبت الجوال وقفلته تقول ازعجتني جالسه اذاكر امانه في احد يذاكر قبل الاختبار بشهر ويوم الجمعه بتذبحني هالدافور
هيا :ومن سمح لك تتفقين مع البنات انك تروحين نعم اليوم معزومين عند خالتك مافيه روحه عند البنات
ريماس :ولله ماروح معك ياماما طفش مافيه بنات كبري ماغير خالاتي وكل وحده تحش برجالها
طلال:بالله ياريماس امك تقول شي عني
هيا: هههههههههه تتوقع انت ان فيك شي بحشه فيك
طلال:ولله ما ادري عنكم تروعون ياها الحريم
عالعموم خلي البنات بالبيت واذا جاء المغرب يروحون عند جدتهم ترا بيتها قريب ويسلمون على عماتهم بيجون اليوم
هيا:طلال مو كل اسبوع على هالحاله ترا اتفشل من اهلي اذا سئلوني عن ريماس ونوره
طلال:انتهى الموضوع يالحب بنات ويبون بعض وانا ابيهم يسلمون على عماتهم بعد
عالغداء : عائلة مشاري
نجد :ماما حطي لي شوي سلطه
سعد ياي مامي مامي حطي لها سلته قومي قومي حطي لي وحطي لراعيه السلطه خلي الدلع
نجد :ياويلي الله يعينها الي بتاخذك
سعد :ياهناها وياسعدها ولله لاخليك انتي تحطين لها السلطه وانا القمها
نجد:تعقب ولله بابا شوفه
مشاري :ماعليك منه وانا ابوك ولله محد يتخدم فيك وانا حي
نوف : انشهد هالشيخه نجودي احطلك والقمك بعد يازين هالوجه
نجد : وهي تطالع بسعد نظرة الانتصار
سعد : تعالي يافريحه ياعزي عنك والله انك اعقل منها احسك انتي الكبيره خل احط لك انتي
فرح : وهي تطقطق بالجوال هاه وشش مابيي
نجد :: هههههههههه بوممممم
نوف : كم مرا وحنا نقول اتركي هالجوال يافرح ذبح عيونك حتا عالاكل
فرح : ماما خلاص خليني ماحب اكل الا لما اتفرج
نوف اسحب الجوال منها يامشاري
مشاري يهز راسه يسلك
نوف : ياويلي يابرودك بكرا والله توديها من عياده لعياده تعالج عيونها
مشاري : وهو ياكل بكل هدوء كالعاده يانوف اسحبيه انتي منها ابد موكلك انا عليها
نووف : وش متوقعه اصلاً المهم الساعه ٤ بالضبط تكونون جاهزات وتناظر نجد وفرح
نجد: افا عليك ٣:٥٥ عند الباب واقفه بس بلاك بـ وتناظر فرح
نوف : فريحة وربي ٤ لا امشي وذيك الساعه دوري احد يجيبك ترا بس خالاتك يعني ماله داعي تحطين مكياج تقول رايحة عرس
فرح :والله عاد انا زينة واحب الزين واحب ماروح الابكامل اناقتي
سعد : هههههههههههههه نجد يوم كانت كبرك امك تعطيها المصاص الي يطبع بشفايفها على اساس روج
نجد: والله ياحبيبي الزين زين وجمالي رباني مايحتاج احطط واعدل
نوف : نجد ربي حاليها ادع ان حرمتك تجي مثلها
سعد وهو يغمز لنجد صدقيني ازين منها 😂
ونجد تضحكككك امممممم اممممم مانقدر نقول شي
نوف : والله مادري وش تتناغزون بس ٤ ترا بيحرك السواق
—————————————
في بيت عبدالعزيز
الساعه ٣ العصر
شيخه : حبيبي يالله انا بمشي بروح لجمعة اهلي
عبدالعزيز :بحفظ الله ياعيوني انتبهي على نفسك وبشويش ترا مطر لاتسرعين الله لايحرمني هالوجهه
شيخه ولايحرمني منك وش دعوه ترا بكمل السنة الثانيه اسوق للحين تخاف علي
عبدالعزيز : ولين اموت انتي عمود البيت
شيخة : وهي تبتسم بخجل تلمح اصايل نازله من الدرج بسرعة
اصايل : ماما حبي ترا بروح معك
شيخه : ياويلي ورا مالبستي طيب انا طالعه
اصايل: ماما والله كنت اتابع الحلقة حقت مسلسلي والتهيت وراح الوقت تكفين انتظري والله بسس ١٠ دقايق
عبدالعزيز : لاياروحي خلي امك تروح وانا اوديك على دربي اشوووي وانا طالع
اصايل : اكيد بابا
عبدالعزيز اكيدددد ياعيون باابااا
اصايل يالله بروح اتروش واجهز بسرعه
————————————-
نوف لسواق امش ياعمران خلااااص
نجد : ماما من جدك فرح بتجي خلاص ااكيد الحين
نوف الساعه كم ?
نجد ٤:١٠
وانا كم قلت تكونون جاهزين خل تتعلم كيف تبطل هالبرود الي ذبحني بهالعايله
