بدا ابو انسس باجراءت وفحوصات التبرع
انس: تكفى يابوي خل نستنى لين يجي متبرع واصلاً الدكتور يقول انا الاولوليه لي لان عمري صغير واحتاج التبرع
ابو انس: لاوالله ماراح نستنى ماندري يجي دورك والا لا
اذا ربي كتب وتطابقت فحوصاتنا الامر تراه سهل وبعدين الانسان يعيش طبيعي جداً بكليه وحده
انس: لو يصير فيك شي ماراح اسامح عمري بحس بذنب
اصايل: انا بعد ببروح اسوي بعد معك الفحص واذا تطابقنا انا الي بتبرع
شيخة: لا مستحيل انتي يكفي انسسس جالسه احاتيه وماكل قلبي وتفكيري اذا ابوك ماتطابقت انا بروح واسوي الفحوصات
ابو انس : لا باذن الله انو بتتطابق وتزين امور هالشيخ
انس: وعيونه كلها دموع : انا مدري كيف اجازيكم انا تعبتكم كثير معي
—
نوف: نجد سعد امس متى جااااء نمت وهو باقي
نجد: متاخر والله يمكن على ٣ سمعت باب غرفته
نوف:هالولد ذا بيجنني من يوم يومه عنيد
نجد: سعد والله موب عنيد بسس انتم تبون تغيرون الشخص ويصير يحب الي تحبونه ويسوي الي تبونه
نوف : انا ودي ازوجه عساه يطيح الي براسه
نجد: ومين سعيدة الحظ
نوف : ريماااس باقي لها سنه وتتخرج من الثانويه يعني وماتوقع تمانع انو تتزوج قبل الجامعه ونصير نسوي زواجهم سوا هم وزياد ونوره
نجد: ليه هو اخذ حبة والثاني مجاناً وبعدها يزعلون اذا سعد قال لا وسوا الي يبيه زياد اختار نوره وقال اخطبيها على اي اساس سعد ياخذ ريماس
نوف: وشفيها ريماس تاخذ العقل وحبوبه
نجد: طيب حبوبه لهلها ونفسها سعد وش دخله تلزقونه فيها
نوف: انتي تعرفين شي انا ماعرفه
نجد: لاياماما بس سعد من حقه يختار الشخص الي بيكمل حياته معه لو بكرا ماقدر يكمل مع ريماس مين بيكون السبب انتي ⁉️
نوف: ان دخل على ريماس بيطيح الي براسه هو الحين بسس بطيش الشباب انا متاكدة لو نخطب له ريماس بينسى كل شي
نجد: لاتظلمين سعد يمة اتركي المواضيع تاخذ مجراها ماتدرين بالاخير وش يصير
—
راكان : يبه انا ابيك تكلم ابو انس يستعجل بموضوع الملكة
ابو راكان: وش الي معجلك
راكان: يابوي انا اخاف تروح والا شي
ابو راكان : كيف تروح وكلامنا وين راح لا بينا كلام رجال وهم عطونا البنت
راكان: اي ماعليه نملك وبعدها كيفها لو تجلس ١٠ سنين ابي اصير اكلمها واطلع واجي معها
ابو راكان: ابشرر لا قابلت خالتك شيخة بقولها وهي تخبر ابو انسس عاد ان كان ماعندهم مانع ابد وانا ابوك الي خاطرك فيه يصير
—-
نوف: ززين شفناك اسسبوعين وانت تتهرب مني مادري انا وش ذنبي
سعد: يبوس راس امه ماتهربت يمة بسس انا تعرفيني اذا متضايق ماحب احتك مع احد
نوف: ياسعد انا بفاتحك بمووضوع
سعد : اسمعك يمه
نوف : وش رايك وانا امك اخطب لك ريماس بنت خالك طلال
سعد: وهو يقرب لامه ويمسك كفوفها : يمه انتي ليه ماتبين تفهميني تكفين لاتصيرين انتي والزمن علي
انا ابي اصايل يمه من وانا صغير لاقالو من تبي تتزوج قلت اصايل لا لعبنا بالحوش عند جدتي لعبه المعرس والعروسه اروح امسك اصااايل وهي كانت يادوب تحبي انا لا طريتو الزواج مايطري ببالي الا اصايل
ليه تخلين العادات والتقاليد تتحكم فينا عشان خالي بس خطبها لولده تصير محرمه علي
نوف: ياحبيبي وافقو عليه
سعد: مابي منك الا انك بسسس تخطبينها لي اذا رفضتني والله ماعاد اقولك شي ولا عاد افكر بالعرررس ابد
نوف: انا ماقدر وانا امك ان خطبتها لك ودرا طلال ان خطبتها من وراه بتسبب بينا قطيعه انت ترضاها علي وانا امك اني انا واخوي نتقاطع
سعد: خلاص اجل خليني انا الي اتصرف واي شي يصير يكون انا السبب موب انتي ابوس رجلك يايمه ادعي انها تكون من نصيبي
طبعاً نوف عرفت ان ولدها عاشق لااصايل بس مابيدها شي قبل يوم كانو صغار ولا بغو شي تبيع الي وراها ودونها عشان تجيبه لهم لكن هالمره سعد مبتغاه شي صعب ولا هو بيدها
