سعد: اصايل الين متى يعني هالوضع وش الي يرضيك وانا حاضر به انا فهمت من نجد كل الي صار
انتي حطي نفسك بمكاني انا ماصدقت ولا كلمه قالوها بس يوم جيت وشفتك ماتحملت اشوفه جنبك
يااصايل انا اعشقك واغار عليك حتى من نفسك
اصايل: ايي بس انا مابادلك هالشعور ياخي اتركني في حالي كم مرا لازم اعيد هالكلام ماني خابره ان ماعندك كرامه
سعد: فعلاً حس بالاهانه : دام هاذا كلامك الله يوفقك اجل
وتركها ومشى
........................
بعد ماوصلت اصايل كان بستقبالها امها وابوها
الشوق عند شيخه كان واصل حدها مشتاقه لبنتها اول مرا تجلس شهرين عن بنتها
جلست تضمها وتبكي واصايل كانت فعلا بعد محتاجه لحضن امهاا
ابو انس : ايوا متى ان شاااء الله يجي دوري
شيخه: انت بليت عروقك توك
اصايل: هههههههه باست راس ابوها وضمته لو اشوفكم كل يوم ماشبعت والله
اصايل: الحين تودوني لاانسسس قبل اي شي
شيخه : ابشري اصلا هووو مشتاقلك بعد
وفعلاً على طول راحو للمستشفى اخذت اصاااايل معها بوووكية ورد كبيرررر
ودخلت على اخوووهاااا
صحيح كانت تشوفه وبالفديو وتتكلم معاه بس منظره وهو على السرير وكان ناااااحف مرااا اوجعت قلبها بس حااااولت تخفي العبره والغصه الي حست فيها
على طووول باست راسه وضمته
انس: باس يدها والله ان شوفتك انها اجمل من الورد نفسه
اصايل: سلامة روحك يالغالي جعله فيني ولا فيك
انس: بسم الله عليك لاتقولين كذا
اصايل: بس الحمد الله ياربي الي حفظك لنا وخلانا نشووفك وانت تسترد عافيتك وين كنا ووين صرنا
انس: الحمد الله نحمد الله ونشكره
ابو انس: لا ابشركم بعد ماعاد هو مطووول بالمستشفى باذن الله يااصايل ماترجعين لديار الا وكلنا مع بعض بنفس الطياره
قابلت الصباح الدكتور وقالي انهم بس يستنون بعض الفحوصات الي ممكن تتاخر عشان يسون له العمليه ويشيلون السيخ الي في فخذه بس ماقلت لكم ابي نجتمع كلنا وتسمعون الخبر
شيخه: سجدت على طوووول الحمد وشكر لله
والفرحة موب سايعتهم كلهمممم
اصايل: شفت وجهي كيف خير عليك
انس : انتي الخير والبركة ومسكها وضمها
اصايل : انا المرافق لين تطلع وتناظر امها وانتم فرررصه نخليكم اشوووي تسترجعون الايام الخوالي😂
شيخه: لا والله انتم شمعه حياتنا الله لايخلينا منكم
عبدالعزيز : والله مايمنع فكرتن طيبه ههههههههههه
اصايل: خلااااص صدرت القرار انا المرافق مع انسسسس
انس: يازينك والله اطلق مرافق
شيخه: ايييي من شاف احبابه نسى اصحابه
انس : لاوالله انتي الخير والبركة ياريحة الجنه بس عاد ارتاحي اشوووي بما انو اصايل موجوده
انتهت الزياره وفعلا اصايل جلست عند انس ورافقت معه
وكانت مبسوطه فيه وهو بعد مبسووط فيها سووت جوو عنده كانت تهذر على رااااسه من يوم يقوم لين ينام
وتطلعه بعد وقت الزياره لحديقة المستشفى ويجلسون يتقهون كانت تشغل وقتة داااايم وماتخليه يفكر بوضعه ويجلس يحاتي
حتى دكتور العلاج الطبيعي اشاد على وضعه وقال صاااير يتجاوب معي افضل من قبل
كانت اصايل تدخل معه للعلاج وتشجعه وتحفزه يالله انوووسه اضغط على نفسك اشوووي بكرا تشوف النتيجه وترجع لحياتك الطبيعيه وكانت دااايم تشجعه وتحفزه على انو يتحمل الوجع بالتمارين بالعلاج الطبيعي
طبعاً اصايل من جت عنده خربته من ناحيه الاكل اذا امها اغصبته على اكل المستشفى قالت انتي شفتي حاله كيف ترا من اكل هالمستشفى تقول اكل قطاوه
كانت تطلب من المطاعم العربيه الي هناك كانت بوقت الزياره ولما يجون اهلها تروح مع ابوها للماركت وتقش من الخرابيط عشان بعد وقت الزياده تفتح الايباد حقها ويتفرجون على المسلسلات الرمضانيه يعني سوت له جووو
انس : تصدقين اصايل لو انو احتجت اجلس زياده وانتي ترجعين بتقفل معي تعودت عليك ياكلبه
اصايل: ايووووا بدينا بالتشاااااؤم حقك لا باذن الله كلنا بطيااااره وحده نرجع بااااذن الكريم
نجد : اتصلت على اصايل فيديو
اصايل: هلاااا نجيد غريبه صاحيه هالوقت
نجد: هلا وغلااااا تدرين انك كلبه يعني لو ماتصلت ماتتصلين
اصايل: شوفي الي مشغلني عنكم ولفت الكاميرا على انس يستاهل والا مايستاهل
نجد: ياكلبببببببببه وتبعد الكاميرا عن وجها
انس : ماني خابرك طماعه يانجد
نجد: هلا والله بشرني عنك يا انس ان شاء الله طيب
انسس : الحمد الله بخيررر : الحين اصايل جلست بالشهور عندك حاسدتني على هالاسبوعين ذي
نجد: لا شوف انا ماكنت ادري وش الي شاغلها بس دامها معك لا والله معذورين
اصايل: نجيد شوفي انا قررت قرار
انا احبك واحب اكون معك دايم وانووووس بعد اخوي ومالي غنى عنه وودي دايم اكون بجنبه
وش رايكم ازوجكم واخليكم عندي بالبيت
انس : ههههههههههههههههههههههههههههههههه
نجد: حيووووووووووووانه وقفلت السماعه
انس: سبحان الله نجد ماتغيرت
اصايل: لا مافي انسان مايتغير بس عشانا دايم مع بعض وترتبينا مع بعضض فا تحس انها ماتغيرت
انس: تصدقين ابوي كان يلمح انو ياخذ لي سارا بنت عمتي
اصايل: لاااااا تتككفففى ماتصلح لك
انس: ليه
اصايل: والله يا انسس ناس غيرنا مدري كيف يفكرون
اذا بتتهنى بحياتك لاتفكر تاخذها
وجلست تخبره بكل شي صار معها عندهم
انس: الله ياخذ هالوجيه اصلا تدرين ان امي كانت تقول انو انا احسسس اصايل مو مرتاحه
بس ابوي كان يقول لا عمتها وجدتها مو مقصرين عليها
حتى يوم قررتي تجلسين بالييت حقنا امي قالت ولا تعترض وخلها على راحتها اصايل كتومه ماراح تعلم لو يصير لها شي اكيد ماقررت تجلس بالبيت الا انهم مضايقينها عشان كذا ابوي رضى وخلاك
اصايل : انا علمتك بس عشان تنتبه ناس موب نفس عالمنا حقد وكره ومشاكل ولا ابي الموضوع يوصل لا لاابوي ولا امي ممهما صار نبقى اهل
انووس: يازينك ياصااايل والله ان عقلك يوزن بلد
