اسفه على التأخير قراءه ممتعه 😍
رجعت اصايل لنجد وقالت انه شوفيه صحى وعمليته نجحت باقي الحين انس
نجد: الحمد الله بروح له يالله وانتي طمنيني عن اني بعد
انس عمليته كانت تطوول ٤ ساعات تقريباً وهم جالسين ينتظرون
اصايل: بابا شفت نجد برا
شيخة :عسى ماباس وشفيها تو مسكره مني نوف ماجابت طاري
اصايل: سعد هو المتبرع الي تبرع لاانس ولا خبر احد
ابو انس: انتي متاكده وينه الحين ووش اخباره
اصايل: نجد تقول انه الحين بغرفه الافاقه صحى واموره تمام
ابو انس : جعل ربي يفرج له والله مانطلع من جزاه
انا بروح له
شيخه: اخذني معك بشوفه
——-
ابو انس: سعد كيف حالك بشرني عنك
سعد: بخير يابو انس
ابوانس: بيض الله وجهك ياسعد وجميلك هاذا مانساه طول عمري وقفت معنا وقفت ولد لابوه واخو لاخوه
شيخة: حبيب قلبي وعمري ياسعد جعل ربي يجزاك خيررر ويطوووول بعمرك ويسخرلك الارض ومن عليها
سعد: اللهم امين بشروني عن انس عساه طيب
ابو انس: للحين ماخلصت عمليته
ابو انس: فعلتك هاذي ياسعد تدل على معدنك واصلك الطيب
سعد: ماسويت الي سويته ابي الشكر يابو انس
انس اخوويي ومصابه مصابي
ابو انس : بيض الله وجهك وطيب الله حالك
—-
طبعاً نوف ومشاري درو وجو ركض للمستشفى
نوف: انت كيف تسووي كذا لو صااار لك شي وانت ماعلمتنا
سعد: عشان كذا ماعلمتكم لان اعرف ماراح ترضون
ابو محمد: الله يصلح الحال خلاص الي صار صار والله يجزاك خير على فعل الخير بس وانا ابوك هالامور ماتصير كذا تروح من كيفك وتتبرع وحنا اخر من يعلم
نوف: انا اعرف هاذا كله لييه ماقووول الا الله يخلف على عقلك بسس
طبعاً هالخبرر نزل مثل الصاعقه على ريماس وحست ان الامور ممكن انها تخرج عن سيطرتها مرا ثانيه وبدا بليسس معها يفكر
—
انسس خلص عمليته وصحى وكانت اموره تمام لكن يحتاج انه يكون بغرفه عزل لان مناعته نااازله بسبب الادويه الي يعطونه ااياها بعد العمليه
ابو انس: تدري ان الي متبرع لك سعد بن مشاري جعل ربي يسلمه ويبارك فيه
انس: الي كان تعبان ولا قادر يتكلم كثير اشررر بيده انو وشلونه
ابو انس: ابشرك طيب ياربي لك الحمد واهله عنده ويسال عنك وانا ابوك لاتنساااا جميله عليك تراه سوا الي حتى الاخو مايسويه
—
طبعاً غرفه سعد بما انو مو ممنوع من الزياره كانت عباره عن جمعة بيت الجده من كثر ماهم متجمعين عنده حتى شيخة واصايل يروحون لانس بس يسلمون عليه ويروحون لغرفه سعد لين تخلص الزياره عشان يكونون قريبين من انسس وكل شوي يمرون عليه
دخل طلال وولده راكان
السلااام عليكممم
نوف: هلا ومرحبااااا وعليكم السلام والرحمه
طلال: كيف حالك يااسعد بشرني عنك
سعد: الحمد الله بخير
راكان : حمد الله عالسلامه
سعد: يجزاك خير <طبعاً سعد مو بالعه
طلال: ولاعلموتنا ولا درينا لين قالو انسسس طلع من العمليات وبخير والي متبرع له سعد
شيخه: والله كلنا ماادرينا ياخوووي جعل ربي يسعده ماعلم احد
نوف: الله يصلحة من يوم وهو بزر وربي ان عليه اكشنات هالولد
طلال: هاذا تهور مفروض معلم اهلك لو صار شي والا شي عندهم خبررر ويتصرفون
سعد: ماحب اشغل بال الوالده والوالد والروح امرها عند الله لو بيصير شي ماحد براده لااا اهلي ولا غيرهم
نجد: انا كنت مرافقه معه ياخالي وحلفني ماعلم احد مايبيهم يحاتونه
شيخه: حبيب قلبي من يوم يومه وهو راعي فزعه والله ماانسالك هالوقفه يااااحبيب قلبي
طلال : وش اخبارك ياصااايل مااااسمعنا صووووتك
اصايل: بخير جعلك بخير ياخالي
طلال: يالله عاااااد بطلي هالدلع نجحت هالعمليه فرحووووونا فيكم دخلو الفرح علينا
شيخة: اي والله خلاااااص نبي نفرررررررح وننسى الايام الصعبه
اصااايل: عن اذنكم بروح لاانسس
طلال : اجل يالله ياراكان نروح معها نشوف انسس
