وقف سعد عند محطه كان فيها كذا مطعم
سعد: اسمحيلنا ياعروسه اول عشا بيكون لنا من دومينوز بيتزا هي الي على طريقنا
طبعاً نزل وفكرت تنزل هي فتح الباب حقها يالله ياعروسه
اصايل: وربي ان عدت هالكلمة مرا ثانيه لا اكسر فمك
سعد: منتي بعاقله يالعنيفه ههههههههههههههههه بتنزلين والا انزلك بطريقتي كيفك
اصايل: ياخي روح تعش وتعال بنتظرك
سعد: قدددددامي ماراح اتعشى وانتي ماكلتي ترا من امس وحنا على لحم بطنا بنموت جوع
اصايل: تفطس وارتاح منك
سعد: هههههههههههههههههههههه مقبوله بس يالله قدامي لا اشيلك شيل
انزلت وجلست باقرب طاوله فاضيه وسعد طلب وجا جلس قدامها
سعد: كان جلستي بالجلسات الداخليه عشان تكشفين وتاخذين راحتك
اصايل: ياخي انت تضحك لايخطر ببالك انو تملكت بالغصب خلاص بنعيش مع بعضضض عادي ولا كان صار شي حتا عبايتي ترا ماراح تنشال وانا ابي جوالي بكلم اميي واتطمن على اهلي
سعد: ابشرررري ان تعشيتي بعطيك اياه
وصل الاكل
ومد لها قطعه
اصايل: قلت مابي اكل انت وخلصنا ونمشي
سعد: كيفك اذا تبين الجوال اكلي
اصايل: اخذت قطعه من الي بالصحن واكلت اشوي عشان يعطيها جوالها
ابتسمم سعد: عنيددددده
خزته اصايل وكملت تاكل القطعه حقتها
——-
بيت نوف كان متكهرب بشكل
زياد: يعني هو بفعلته هاذي وشش يظن يفكر بس بنفسه وربي لو اشوووفه اني لا ادوس وجهه دوسس
محمد: والله الرجال تزوج على سنه الله ورسوووله لا جاا يم نوره ولا تدخل فيكم اذا فيه غلط فهو بتفكيرر زوجتك واهلها وش دخل زواجكم الحين بسعد واصايل والا هي لوية ذراع وبسس
زياد: وهو معصب والشياطين تتناقز قدامه انا قايل من زمان يفكنا من هالمووضوع الي بيسبب لنا مشاكل
انت لو الموضوع مع اهل غيدا كان قومت الدنيا ولا جلستها
محمد: والله غيدا عقلها براسها ولا عمر اهلها تدخلو بقرارات اهلي وشؤن غيرهم ياخي ترا سعد اخوووك مايبونك عشان اخوك تزوج خلهم يولون ياخي خل عندك كرامه اذا من الحين تحكمو افتك دامك عالبر
نوف: خلاااص انت ويااااه وانت يامحمد لاتجلس تشيش الولد على حرمته خلاص بكرا تهدا النفووووس الحين عشاان بس من زعلهم مايدرون وش يسون وانت يازيااد هالفتره ابتعد لين تهدا الامور
زياد: اي انا الي ابتعد وانا الي اتناززززل وانا الي تدمر حياتي لاااا بكرا تروحين معي لبيت خالي طلال وتقولين ان حنا مالنا شغل بسعد ولا احنا رااااضين عليه وعلى فعلته
محمد: تخسى وتعقب ماهيب متعذره امي عن شي ماسوته ولا لها ذنب فيه ولا يحق لهم اننا نبرر لهم
نوف: انت ماتتكلم وتسكتهم يامشاري برودك ذا بيجنني
مشاري : موب انتي من البدايه مخبيه عني ولا علمتيني بموضوع سعد الحين يالله شيليها بالحالك وبعدين رجال تزوج بسنة الله ورسووله وبنت ونعم فيها ويبون بعض وانتم وقفتو بطريقهم وتصرفو بطريقتهم وش يعني نروح نطلقهم من بعض ادعو لهم بالتوفيق
زياد: وانا بالطقاق وحياتي تندمر عادي
مشاري: يارجال موب مسوين شي بس يبون يردون على الحركة زي ماقالت امك اقطع عنهم ههالفتره وهي الي بتتصل عليك
نوف : بعد اسبوع اروح انا وياك خل الامور تهدا اخوي واعرفه الحين لو بنتكلم معه بنزيد الطين بله
—-
خلصو اكل وكملو طريقهم للشرقيه
اصايل: الجوال
سعد : فتح الدرج وعطاها جوالها
اول مافتحته اصايل لقت ٢٠٠ مس كول من امها ورسائل من الناس الي يبارك والي يعاتب له ماعزمتهم وعطتهم خبر
ولقيت رسااائل من ريماس ماخلت كلمه قذره ماقالتها بحق اصايل كانت اصايل تقراا وعيونها كلها دموع
كانت الساعه ٢ بالليل ارسلت على امها
ماما نايمه ؟
شافت امها افتحت الرساله وعلى طول اتصلت عليها
