اصايل على طول دخلت بالفراش متفشله ومستحيه وتقول بنفسها دايم هالكريهة يشوفني وانا موب مترتبه ولا لابسه اصلاً مايهمني ليه جالسه افكر فيه
سعد دخل الحمام وتروووش
اول ماحست فية اصايل انه طلع كانت لافه عالجهه الثانيه عشان ماتشوفه وسوت نفسها ناايمه كانت حرفياً ميته خوف اكثر من يوم كانو بالشرقيه يمكن العبايه كانت معطتها الامان
طلع سعد وجلس يتمشط ويتعطرر وبكل ثقه جا وانسدح جنبها بالسرير
فزت اصايل : خيررر خيرررررر انت وعدتني ماتقرب مني لو سمحت انزل نام تحت
سعد: وهو يناظرها وخاق على حركاتها المجنونه وجمالها الطبيعي : صحيح انا وعدتك وللحين عند وعدي وانا ضامن نفسي اني ماراح اقرب منك لكن اذا تحسين انك ماتقدرين تقاوميني ولا تتحملين قربي هاذا شي ثاني
اصايل: لو تبقى اخر رجال بالعالم ماناظرت فيك ارتاح وانا الي بنزل على الكنبه خلك انت هنا
سعد: على طول مسك يدها : شوفي السرير اوسع وفيه مسافه بينا لو تروحين للكنب جيت جنبك ونمت وانتي بكفيك
اصايل: مررررررريض رسمياً وسحبت يدها منه
وكان فيك لحافين عالسرير حذفت عليه واحد واخذت واحد ونامت على طرف السرير
سعد: هههههههههههههههههههههههه قايلك منتي ضامنه نفسك
كان قلبه يرفرف فرح كان يحس بشعور غريب اول مرا يحسه كان ميت تعب بس بنفس الوقت موب قادر ينام يحس بشعور غريب شعور فرح من زمان ماذاق لذته يشبهه فرحة طفل يحاول ينام وبكرا شهادته وهو ضامن التفوق وشعور ليلة العيد الي كلن يحاول ينام لكن فرحتهم بالعيد تطير النوم
كان منسح على جنبه الايسر وبس يناظررها يناظر شعرها الي منتثور عالمخدة وحبة خالها الي على طرق رقبتها كانت معطيته ظهرها مرت اول ساعه وهو على هالوضع
اصايل: كانت تعبانه جد ونامت
عرف انها نامت ودخلت بالنومه لحفها زين وباس كتفها بشويش وجلس يناظرها لين غلبه النوم ونام
——
شيخة: كانت تفكر بنتها طول الوقت مهما كابرت ودها تتصل تاخذ اخبارها
دخل عليها انس: ليه للحين مانمتي
شيخة: احاتي اختك وبنفس الوقت مقهوره منها
انس: يمة ترا اصايل مالها ذنب انا الي كلمت سعد واتفقت معه وحتا سعد ماكان ابد يفكر بس انا ماقدر اشوف اختي تتزوج غصب عنها واسكت وانتي شفتك بعينك وش سوو بزياد كيف بلحظه قالو له روح مالك شي عندنا قوليلي زياد وش ذنبه الحين تبين بكرا اصايل باي مشكله تنحذف ولايكون لها قيمه بعدها كيف بتسامحين نفسك انك اجبرتيها
شيخة: بس موب بهالطريقه
انس: ياعيني انتي ماخليتي لنا اكيد بتوافق على راكان لانها تشوفك انتي وابوي الي ماعمرها سمعنا اصواتكم تطلع تتهاوشون يومياً عشانها
شيخة: متا كلمتها انت
انس: والله نومي منعفسسس اقوم وقت نومهم وانحرج اتصل عليها بس سعد يراسلني ويقول ان امورهم ممتازه وحنا وش نبي غير انها تكون مبسوطه
شيخة: انا تحت ضغط مايعلم فيه الا الله من جهه اخوي زعلان مني ومن جهه ابوك الي من سافر مصر مايتواصل الا معك محملني غلط اصايل ومن جهه بنتي الي مادري عنها شي والله تعبت مافيني طاقه
انس: اصايل صدقيني تعيش اجمل ايامها لاتحاتينها وانتي بعد خلاص ردي عليها لاتنغصين عليها وابوي تعرفينه مايصبر عنك تلقينه الحين متنرفز من الموضوع تلقينه مشتاقلك ووده يكلمك بس يعنني 😂😂 وخالي يايمه خليه متا مابغا يرضى يرضى هاذا الموضوع مافيه اخوه ومجاملات ذي حياة
روحي حطي راسك ولا تفكرين باي شي
شيخة:اتصل على اصايل يمكن سهرانين خاطري اسمع صوتها
انس: ابشررري بكرا نكلمها فديو بس الحين الوقت متاخر موب حلوه
شيخة: لي كم يوم مانام والله زين ماتعودت انام وابوك زعلان علي ولا حتا اختك خاصة اليوم قلبي يوجعني ودي اسمع صوتهم بس على قولتك الوقت تاخر
انس: اذا مافيك نوم وخاطرك نطلع نفررفر اشوي بالسياره
شيخة : لا لا بحاول اروح انام اشوي قبل ياذن الفجر وحتا جوالي ماني ماخذته معي هو الي يطير نومي زياده اي رنه اقوم اشيك ويروح الوقت
