الزّبرقان "غرور الأثمد"

Part 30"الأخير"

#الزّبرقان

دنيا تكضي
ودنيا تبدي
واني ويّ كُل دنيا احبك 🤍..

لا تنسون التصويت + التعليق بين الفقـرات + مُتابعة الحسابي .
________________________

كلشيء انقلب من ضربها بالمسدس خلة جسمها يطيح بالگاع غشيانة ..

عيوني جمدت وأنا اباوعلها طايحة بالگاع جسمي نمل ايدي ترجف كلشيء گدامي مغوش ايدي علىٰ گلبي الراح يطلع من مكانة من ضربات گلبي القوية ..

نزل اللي صعد فوگ يركض سحبوا ألليّ ضرب غُرور يغلطون علي ويرزلون لان ضربها اسمعهم يحچون وعيني علىٰ غُرور

:- لك اثوووول شلون تضربهاا مو اكد علينا ما نجيسهااا

:- **** لسانها بطول النعال

:- عود احچي هيچ يمة حتىٰ ينهيك بمكانك

عافوا كلشيء وأنا حتىٰ ما ارفعت عيني واباوعلهم من الخوف تمنيت اختفي من گدامهم طلعوا من البيت يتعارگون ومتوترين قطرة دم ما بقت بيه !

خالة صوتها اختفىٰ گمت مستندة علىٰ الحايط اريد بس أوصل الوحدة منهن بچيت من الموقف ومن كلشيء صار بهالدقايق

واگفة بالنص بين غُرور الطايحة بالگاع وخالة المغمي عليها من الخُوف .. وكله بصفحة وسارة ألمالها صوت بصفحة وحد رفعت راسي للسما ابچي ومشيت ارجف اريد تلفون أي شيء اتصل علىٰ شاهين

ابچي وادور ما لگيتة من الخوف حتىٰ لو گدامي ما اشوفة عيوني مغوشة من الدموع كلشيء ما اشوف ، سمعت صوت شخص برىٰ

ركضت اسد الباب عبالي رجعوا بس لمحتة ذوالفقـار بدون وعي طلعتلة واشرت للداخل بإيدي بدون لا احچي فتح عيونة مصدوم يباوعلي

ثواني ودخل يركض للبيت اول ما وصل للصالة وشاف المنظر گدامة حط ايده علىٰ راسة منفجع وأنا صوت شهگاتي مالية المكان احتار شيسوي يدور راسة منا ومنا ساعة علىٰ غُرور وساعة علىٰ خالة .

ركض علىٰ خالة رفع راسها تفحصة وصرخ

:- جيبيلهاا ماي مااي جيبيي فاقدة الووعي

فزيت من صوتة وركضت للمطبخ اجيب ماي علىٰ ما وصلت نص الماي طايح بالگاع من الرجفة البجسمي شمرة علىٰ وجهة مثل ألليّ يرش

گعدني يمها وراح علىٰ غُرور الطايحة بالگاع لا حس ولا نفس ..

گعد بصفها محتار شيسوي يريد يلزمها ويرجع يمسح علىٰ وجهة عيونة مغلغلة دموع خلة ايدة علىٰ رقبتها يشوف اذا عدها نبض ووجهة دايرة حسيته يحس بالذنب مايريد يلزمها بس مجبور