بــارت 4
................................................
حميدة: ها أكرم محتاج شي
أكرم: اي ردت مي وسمعت اصواتجن تلعلع تتعاركن علا
معتصم النهار عاجبجن يمكن
شذر : غطيت بنص هدومي وهو واكف كبالي ويخوزر
ويبسمر بينه ولا مهتم
معرفت شنو احجي كمت صعدت لغرفتي ركض
واحس العرك غركني من الخجل
كعدت علا الجرباية جريت نفس اهدئ بروحي
والله شكله يرعب
عيونة سود وكبار ورموشة طوال كلش نضرتة حادة
وضخم يخلس
بس اني ليش خفت خل يولي علا شنو اهتم
مجذبت اني وهو اجة حشر نفسة بحديث ميخصة
اوو خيولي شلزكت بي اني خل احتار بدراستي
باجر عندي دوام صادف بيومهة. سبت كعدت اقرة للعصر
حته غدة ما تغديت وياهم
بحجة الدراسة ماريد اشوفة مزعج
وهو باجر ورايح لبيتهم بس اليوم احبس نفسي
نزلت العصر لان ماكو صوت هدوء
ينامون الضهر
اتمشى علا كيفي حتة ما اطلع صوت وصلت للمطبخ
حميت الاكل وصبيتلي وكعدت اكل ما حاسة بشي
فجئه انتبهت للخيال اللي صار كبالي
باوعت ليفوك شفت عنتر كبالي
عزا بعينج عبلة شيخلصج
دنكت وبقيت اكل ممهتمة لوجودة
بس سحبت حجابي لان هو موجود
فجأة حجة كال
بلا زحمة وين المي مخلي
شذر : استريح بالاستقبال هسة اني اجيبلك
أكرم: اعتبرهة طردة بنزاكة لو شنو؟
شذر: انت ردت مي ومتندل اني اجيبلك وانت خطار
مكانك الإستقبال تفضل مو بالمطبخ
أكرم : بيت عمي ويعجبني اكعد وين ما اريد
اشوفج متثاقلة من وجودي خو ما مضوج بشي
شذر: استغفرك ربي اخذت الدولكة مالت المي
ترستهة من البراد وخليتهة يمة هو البراد كبالة
بس عناد هيج يسوي يريدني احجي
حكرتة وكعدت اكل ممهتمة
وهو كعد عالطاوله كبالي
أكرم: انتي شكد عمرج؟
شذر: رفعت عيوني واني مدنكة باوعتلة وحجيت
يخصك بشي؟؟؟
أكرم: لان طفلة متردين تحجين انتي بالثاني متوسط
يعني عمرج ١٤ سنة
شذر: ميخصك لتحشر نفسك رجال شكبرك شكد حاط
عقلك وياي
أكرم: يعني لان طفلة ميصير اخلي عقلي وياج مو؟؟؟؟
شذر: بيني وبين روحي شكد غثيث
أكرم: سمعتج وربي سهله مردودة
كام من يمي يتمشة طلع للطارمة ضل يدخن جكاير كعد
كل نفس يسحبة ويا حسرة
كملت غداية وكمت اغسل المواعين
كعدن ماما وبيبي واختي بالصالة بقن يسولفن سوالفهن
المعتادة علا الزواج وعلا حياة حميدة ومئساتهة وي
زوجهة اللي متخلص يوم يدور نسوان يوم
ميشتغل يوم يتعارك وياهة
تلعب حتة نفسي من الزواج من اسمع مئساتهة
تركتهم وصعدت كعدت اراجع دروسي
وساعة الأدرس ساعة اللي اكتب إشعار
ساعة اللي اسوي اعمال فنية لحد ماخلص الوكت
وممنتبهة نمت علا وجهي جفي بدون عشة
كعدت الصبح غسلت وبدلت ملابسي ونزلت خدرت الجاي اندكت الباب
فتحت باب المطبخ وسمعت باب الاستقبال انفتح ثنينهن
يوددن علا الطارمة طلع أكرم كبالي
أكرم : صباح الخير دخلي اني افتح الباب
شذر: صباح النور هذي صديقاتي
اني افتح الباب
أكرم : كلت دخلي اني افتح الباب
اتصنمت بمكاني لان ضل يصيح عبالك عندة عركة من
الصبح راح فتح الباب طلعت زهراء صديقتي دخل هو
للاستقبال
ودخلت هية ورا اجتي يمي
زهراء : صباح الخير شلونج عيني
شذر: هلا حبيبتي اني زينة انت شلونج
تباوسنة ودخلت يمي صبيت الريوك والجاي
تعالي تريكي وياية
كعدت يمي وتريكنة سوة ضلت تسأل
وعرفت رح تسأل
زهراء: شذر هذا الصاك منين
شذر: ها هم انتي تكولين صاك منيله صاك
جنة عتوي اسود
املح وعيونة كبار يخلس
زهراء: امداج هذا عتوي اسود وجه التنكة غير يخبل بس الهيبة تسطر
يـتبـع.................
أنت تقرأ
حَحب لاَ يعرفَ
Romanceفتاة صغيرة تبلغ من العمر سبع سنوات تمر بمرحلة صعبة في هذا العمر وتختطف هي وامها لغاية ما وتروي لنا الأحداث التي مرت بها في هذه الفترة وبعدها تروي لنا قصة حياتها المشوقة
