حَحب لاَ يعرفَ

حبَ لاَ يعَرف

بارت 29

كنتُ أريد أن أبتعد،
أن لا أعـود أبداً،
أن أختفي أن أتلاشى في الغابة،
في الغيوم،
أن تُمحى ذاكرتي ،
أن أنسى، أن أنسى .

~~~
شذر: بابا اطلكت

باوعت  علا بابا تعابير وجهة كلهة تغيرت بس ماحب يبين كدام أحمد

دخلنة للبيت واحمد دخل الغراض وراي لبيت أهلي

تلكتني ماما بالباب سلمت عليه ودخلنة كعدنة بالصالة وبدت استفساراتهة

ماما: شذر شنو صاير احجيلي

شذر: ماما حسين طلكني

ماما: شنو السبب هيج بدون سبب يطلكج ويدور وجهة ويروح لو اكو سبب

شذر: ماما جنة متفقين زواجنة يبقى علا الورق وهوة طلب مني اصير زوجتة علا أتم وجه

بس اني ماكدرت اتقبل الموضوع اكثر من مرة نعادت وماكدرت البي احتياجاتة

وبيوم اللي قررت ابدي ويا صفحة جديدة وننسى كلشي فات دار وجهة عني وطلكني غيابي وسافر

ماما: معقولة حسين تطلع منة هيج طلعة؟؟ ما اصدك
يعني هذا الرزن والعاقل هيج يتصرف شنو لعبة هية

بابا: ام كرار سكتي عن البنية كافي هية اعصابهة تلفانة وانتي دزيدين متنقصين عليهة

خلص بابا ارتاحي ولتهتمين بيت ابوج مفتوحلج مثل ما رباج زغيرة يربيج وانتي جبيرة

واللي ميريديج بنيتي لطخيلة راس خليج عايشة بزود ابوج
اعذرني ابو محمد علا هذا الحجي بس الضاهر اخوك ميستاهل بنيتي

أحمد: لاعمي  حقك شما تحجي معذور حسين هذي الطلعة ابد مو حلوة منة حتة ابوية زعلان علية

شذر: بابا اني السبب خليت علاقتنة توصل هيج مرحلة اني اللي جنت اصدة لحد ماطفش مني ماكدرت اصير زوجة صالحة ويا

بابا: حبيبتي هذا جان اتفاقكم من البداية انتي مغلطتي
ويا المفروض هو يعذرج ويعودج شوية شوية علية لحد ما تقتنعين قناعة كاملة

شذر: بابا هواي حاول واني صديتة لتخلون السبب بي اني مني الغلط

بابا: شريد اكول غير الله يصلح حالكم بنيتي كومي ارتاحي لتضلين تفكرين وتعبين نفسج

                                 

             
                   

شذر: من رخصتكم
كمت من يمهم وصعدت لغرفتي فتحتهة
باقية علا حطتهة كلشي مرتب بمكانة ونضيفة كلش

مديت روحي علا الفراش ماكدرت حتة ابدل ملابسي ما الي واهس لأي شي أخذني التفكير بعمري اللي فات
كل فرحة تمر علية لازم تجيني غصة بعدهة تطلع حلاوتها من عيني
جبتها من الطفولة خوف ورعب كضيت طفولتي واني اخاف من الناس ومبتعدة عنهم بسبب قضية الخطف