بارت٢٣
........................................................................
مر يومين علا وجودي أبيت أهلي وأكرم لادز رسالة ولا اجة ولا حتة اتصل واني هم ما سئلت عنة أو جبرت كلبي ميحن علية
حميدة اتصلت علا ماما وحاولت تبرر لأمي علا موقف أكرم بس ماما مسمعت منهة وكلتلهة اذا عندة حجي يريد يحجي خل يجي هنا ويحجي لتبررين الة
خلال يومين بس حسيت نفسيتي صارت زفت اوضاعي كلهة متخربطة اكلي قل وانام بالنهار وبالليل سهرانة
اهلي ما اكعد يمهم وما الي قابلية لأي شي حسيت كلبي انكسر بسببة اني حبيتة كلش وروحي تعلقت بي كمت ما اكدر افاركة
أسلوبة حجية اهتمامة مامقصر وياي بأي شي ابد مجنت اتوقعهة منة وحتة اني بقيت ادور علا فد تقصير مني ويا مالكيت
ما قبلت انطي اي عذر علا تصرفة هذا وبيني وبين نفسي حته لو يجي ويتوسل ما أقبل ما جنت اعرف القدر شنو ضاملي
ثالث يوم الساعة ب٧ تقريباً كعدنة علا صوت دكة الباب
من كد الدك راد ينشلع كلنة طفرنة بالصالة نزلت اسمع اهلي يحجون
بابا: يافتاح ياكريم يارزاق ياعليم منو هذا من الصبح جاينة وهيج يدك بالباب
ماما: ابو كرار روح شوف منو بالباب اخاف أحد.محتاج شي
بابا: اي رايح رايح
طلع بابا وصاح منو من بعيد
أكرم: اني عمي اني أكرم
طلع بابا فتحلة الباب واني من سمعت صوتة ابيتنة صعدت ركض للغرفة ما اريد اشوفة كبالي
دخل للصالة وصوتة يسمع سابع جار
أكرم: عمي بأي حق تاخذ مرتي من بيتي بشنو مقصر وياهة اني
بابا: اني ما اخذتهة بدون علمكم برضاة اهلك طلعت وانتضرتك يوم كامل وانت ما جاي
وهاي اليوم ثالث حتة اتصال ما أتصلت بعد علا شنو تعتب
أكرم: عمي جنت وي حسين وضعة صعب وما كدرت اترك أخوي اللي صار ويا مو هين
بابا: يا ابني هو شنو اللي صار غير نفتهم اني سمعت من اهلك بس ماسمعت منك ولا من بنتي اريدك تفهمني بالسالفة وان شاء الله يصير خير
أكرم: عمي شذر فهمت الموضوع غلط اني البنية ماعندي شي وياهة وجنت نايم بالبيت وهي شافتنة وفهمت الموضوع غلط
احترك دمي من سمعت حجية وما كدرت اتحمل أكثر
نزلت يمهم واني علا الدرج ضليت أصيح
شذر: فهمت غلط موووووو انت اكبر جذاب بهلدنية لك
شفتك بعيني بعيني هذي نايم وياهة شنو اللي فهمتة غلط
بأي وجه جاي وتبرر انت
أنت تقرأ
حَحب لاَ يعرفَ
Romanceفتاة صغيرة تبلغ من العمر سبع سنوات تمر بمرحلة صعبة في هذا العمر وتختطف هي وامها لغاية ما وتروي لنا الأحداث التي مرت بها في هذه الفترة وبعدها تروي لنا قصة حياتها المشوقة
