بـارت 15
..................................................
تفاجئن من شافني كبالهن
مروة: ها شذر شنو شبيج داخلة مداهمة
شذر: واللة عاد ادخل مداهمة مو مداهمة بكيفي اللي
يعجبني اسوي بيت ابوية هذا واحب ابشرجن سمعت
حجيجن كلة وآلة اكل لخالو علا كلشي
أماني : وليش تتوقعين خالو رح يصدك حجيجج اذا
كلتيلة حبي شغلة انخصمت وانتهت روحي سوي اللي
يعجبج
شذر: مصيطرة مو فضحتي نفسج بس في سبيل تاخذين
غايتج شكد رخيصة انتي
أماني : اي مثلج بالضبط ما ادري وين جنتي تخورين
بتالي الليل
شذر: منو هذا اللي يخور لو تردين تذبين بلاج علية
أماني: شذر لاتغشمين نفسج وخليج بعيدة علية احسن
الج وألية
شذر: ماشي خل يصير الصبح ويصير خير نتفاهم باجر
أماني: يلة توكلي حبيبتي وسدي الباب وراج
شذر: طلعت من يمهن واني افور وين عرفني طالعة من
البيت الحمد لله ميعرفن ويامن طلعت جان صخمن
عيشتي بس خل اتجنبهن واتستر علة نفسي افضل
دخلت للغرفة وطلعت العلاكة اللي انطانياهة أكرم جانت
زغيرة وضميتهة ب...... حته محد يشوفهة
فتحتهة شفتهة كلادة نفس اللي وكفت يم الصايغ
علمودهة بس هذي زنجيلهة كلش ثكيل مو مثل ذيج
باوعت عليهة مختومة يعني ذهب
اتقربت يم المراية نزعت حجابي وباوعت علا ركبتي
لابسة الكلادة اللي انطانياهة همام بقيت محتارة البس
كلادتمن واعوف مالتمن
أخذني التفكير بهمام اني كلشي ما اعرف منة مجرد انو هو
شخص غريب ودخل حياتي جبر وحتى ما جمعتني بي اي علاقة
هو اللي موهم نفسة انو اني احبة أو من يجي أبالي بس لان
شخص دخل حياتي فجئة وترك مواقف متنسي وابتعد
بعد ماعرفت شي عنة
وبالنسبة لأكرم اني ما احبة بس شخصيتة تعجبني ومن
يعاملني بحب احس كلبي يفرح وما اريد اقبل بي بنفس
الوقت احس نفسي زغيرة كلش علا الزواج بس أكرم
مشتريني ورايدني اذا اقبل بي رح يسعدني
أنت تقرأ
حَحب لاَ يعرفَ
Romanceفتاة صغيرة تبلغ من العمر سبع سنوات تمر بمرحلة صعبة في هذا العمر وتختطف هي وامها لغاية ما وتروي لنا الأحداث التي مرت بها في هذه الفترة وبعدها تروي لنا قصة حياتها المشوقة
