#بارت 36
شذر:فتحت عيوني بتعب واحس بثكل كلش قوي بعيني
اكثر من مرة فتحتهن ورجعت سديتهن لحد ما انتبهت
علا روحي اني بالمستشفى وماما وبابا فوك راسي
انتبهت لي ماما وتقربت يمي بسرعة نزلت دمعتهة وضحكت
ماما : الحمد لله علا سلامتج بنيتي واخيرا فتحتي عينج
بابا: الحمد لله علا سلامتج يروح ابوج موتينة من الخوف عليج
شذر: الله يسلمكم بابا شوكت جبتوني هنا؟
بابا: بنتي صارلج اسبوعين بالعناية انتي
شذر: بالعناية ؟ ليش
ماما: صار عندج نزيف بالدماغ بسبب ارتفاع الضغط بس
الحمد لله جان شريان واحد وسوولج عملية سدو هذا الشريان
ماما: جنتي داخلة بغيبوبة والأطباء كالو احتمال شهر
تبقين علا هلوضع بس الحمد لله ما اتأخرتي اكثر
شذر: هذا الوقت كلة. اني كلشي ما حاسة
بابا: لعد غير جنتي داخلة بغيبوبة بنتي
ماما: اهم شي فتحتي عينج وانتبهتي جنة كلش خايفين تفقدين الذاكرة لو يصير غير شي
شذر: الحمدلله على كل حال
راح بابا صاح للأطباء واجو التمو فوك راسي
فحصوني فحص كامل
وبعد عناء طويل كالو الحمد لله العملية ناجحة وما آلهة اي سلبية عليج
بقيت يومين يمهم تحت المراقبة وراهة كالو تكدرين اطلعين
طلعت ورا يومين واتلكوني اخواني وخواتي وامل بالباب
والفرحة ما واسعتهم تحمدولي السلامة ودخلنة للبيت
كعدت بالصالة لأن احس ماعندي االقوة حتة اروح لغرفتي
التمو اهلي كلهم داير ميدورني يسولفون ويحاولون يخففون عني
امل: لج شذر والله وكعتي كلوبنة بهذي طيحتج ليش هيج تسوين بروحج حبي منو اللي يستاهل
شذر: مو بيدي امل هو ضغطي دائما يرتفع
بطة: لا انتي هيج سوين بروحج من تنقهرين
اذا مو بيدج ليش الحايط مال غرفتج متروس دم
ماما: وين اكو دم اشو ممنتبهة إلة اني
شذر : ماما هاي قبل لا اوكع واني دة امشي انركعت بالحايط وطلع من كصتي دم
بطة : لعد ليش كصتج بيهة اكثر من أثر
شذر: بطة لزمي لسانج مابية حيلج
ماما: شذر انتي متعمدة هيج تسوين بروحج؟
شذر: لا ماما هذي تحجي من وحدهة
بابا: كافي لتعبوهة بالحجي خلوهة ترتاح
أنت تقرأ
حَحب لاَ يعرفَ
Romanceفتاة صغيرة تبلغ من العمر سبع سنوات تمر بمرحلة صعبة في هذا العمر وتختطف هي وامها لغاية ما وتروي لنا الأحداث التي مرت بها في هذه الفترة وبعدها تروي لنا قصة حياتها المشوقة
