#جَحيم_ليالي_فبراير
بـِقلمي:- فرح أحمد
لا تنسون التصويت والتعليقات بين الفقرات، قراءة ممتعة 🤍.
─ׂ─ׂ─ׅ─ׂ─ׅ─ׂ─ ۰ ★
" ٢٠١٥ سليمانية "
صفنت على منظر المطر الي ما توقف من أمس أنداريت أوزع أنظاري على المكان نفخت بملل وأجاني صوت المربية من المطبخ تحچي بلطافة:- لينا حبيبتي ميصير تنفخين
(لينا):- ليش؟
(المربية):- كـ مسلمين أحنا ميصير ننفخ لأن الملائكة تطير وهاي العادة تعلمتها من بيبيتي اللّٰه يرحمها ما أعرف عن المسيح إذا يعرفون هل عادة ( كـ حوار نجبرت أضيفها لكن لا يوجد مصدر لـ هذه المعلومة) .
حطيت أيدي على عيوني أفركهن شوية وبچيت همست ببكاء:- ليش بابا عافني بـ هل بيت الي بيه كومة خشب
(المربية):- بابا عندة شغل وبعدين هذا كوخ مو بيت بيه كومة خشب ههههههههه
وخرت أيدي وأبتسمت أخذتني من أيدي للمطبخ وگعدتني على كرسي راحت جابت قالب كيكة وشوفتني بداخلة خليط فانيلا وشوكولاتة تحمست وصفگت بأيدي بكل حماس قربت خدها وبستها أبتعدت وگلت ألها بكل حُب:- عمة سيلين أنا كومة كومةة أحبچ
(سيلين):- يروح عمتچ أنتِ
گعدت أنتظر الكيكة تستوي بالفرن وهي مشغلة أغاني وتراقصني وياها ضحكت وهي تضحك وياي فجأة طفت الأغاني بسرعة أنداريت وشفت أبوية بملابس الشغل تقربت وحطيت أيدي ورا ضهري حچيت ببراءة :- بابا أحترگت وأنتَ تطفي الحريق؟؟
شالني يضحك ولاعبني باسني بخدي ونزلني گالي بأبتسامة :- روحي للغرفة شوية وأجيچ عندي كلام ويا عمة سيلين تمام؟؟
هزين رأسي ورحت للغرفة شغلت التليفزيون وماكو غير قناة وحدة ومُمللة حيل باوعت للباب وگمت تقربت أتسمع ...
(سيلين):- ماركو تشوف حل يعني تشوف حل خمس سنين حابس البنية بـ هل كوخ شتتوقع تعرف؟؟ بس أسمها وأسمك وعمة سيلين روح حطها بروضة يعني شغلك ببغداد وتجي لهنا متعذب!! شوفها أهلها أمها هاي مو طَيف عايشة بب..
قاطعها بحدة :- ما دخلچ!! بننتيي وبكييفيي
(سيلين):- صوتك!! البنية عمرها أربع سنين وهل سنة راح يصير ألها خمس سنين المفروض تسجلها بروضة لو حتى هنا
(ماركو):- غبية أنتِ غبية حرفيًا وأنا شمدررينيي بغيياابيي تجي ذيچ تقشمرها بحچايتين وتخطفهاا
(سيلين):- گارمن تخطف؟ هههههه لا لاا أبدد مستحيلل أنتَ مغسول عقلك وهل بنية تتسجل بروضة مو اليوم باچر مو باچر عگبة!!
أنت تقرأ
جَحيم ليالي فبراير
Mystery / Thrillerفي أحدى ليالي فبراير يُقتل مُحقق عن طريق عصابة تارك وراءه عائلته وبين ليلة وضحاها ليربط ملفه بين عائلة مسيحية وعائلته المسلمة يا ترى ما نهاية هذا الملف؟.. #جَحيم_ليالي_فبراير للكاتبة:- فرح أحمد .
