#جَحيم_ليالي_فبراير
بـِقلمي: فرح أحمد .
تنسون التصويت والتعليقات بين الفقرات لطفاً😬‼️.
ملاحظة:- في حال ما تذكرتو الأحداث الماضية راجعو البارت الثاني حتى لا تدوخون بالأحداث .
─ׂ─ׂ─ׅ─ׂ─ׅ─ׂ─ ۰ ★
" طَيف "
باوعت عليها وحچيت بصدمة:- هااي شنوو!!
(أنجي):- شنو يعني شنو نجرحت بأيدي وأريد مناديل منچ
باوعت عليها من جوة ليفوگ وأصفن عليها بيني وبين نفسي حلفت بالرب هاي خبلة وأيدها تنزف مو مال جرح عادي! على صوت نقاشنا الحاد صعدت بيبي ووياها خالي الچبير وإلياس شهگت بيبي وتقرب إلياس يشوف أيدها..
(أنجي):- مابية شي بس تعرف طَيف تخاف من الدم لذلك صرخت أريد بس مناديل علمود أروح أكمل نومتي
(إلياس):- يا مابيچ شي الجرح عميق ليش سويتي بروحچ هيچ؟
(أنجي):- ما سويت شي بروحي لا تگعد تألف منك!!
(إلياس):- خالي تعال شوف خاف أنا أعمى
تقرب خالي يشوف رفع رأسة باوع عليها وتنهد..
(كمال):- هاي شنو
(أنجي):- بالغلط..
(كمال):- أي غلط هذا؟!! واصلة للموت أنتِ تدرين لو لا!
ما حچت شي رجع أردف خالي بهدوء :- روحي لبسي جاكيت ونزلي وراي
(أنجي):- بس خالو
(جَميلة):- شنو هل عين الصلفة!! أمشي طَيف جيبي جاكيت من غرفتها
رحت فتحت كنتورها ووگعن صور دنگت أشيلهن باوعت على صورة وشهگت من الصدمة ثواني ودخلت أخذت مني الصور سحبت الجاكيت وذبت الصور بالكنتور أندارت تهمس لي بدموع :- تعاي وياي
هزيت رأسي بموافقة ولبستها الجاكيت مصدومة من الي شافتة عيوني! رحت وياها ووصلنا للمستشفى دخلنا للطوارئ وجتي ممرضة تشوفها صفنت ورفعت رأسها تباوعلها شوية وگالت بأسف وهي تتفحص أيدها :- ليش هيچ سويتي؟
(أنجي):- عفية بلا نصايح جاية تعالجيني لو تاخذيلي محاضرة الدكتورة النفسية؟
(إلياس):- أنجي!!
مع أن تصرفها غلط بس عذرتها، كملت الممرضة وراحت رادت تگوم أنجي وخالي أشر الها ترجع تگعد باوعتلي وأنا نزلت رأسي رجعت گعدت وهو أردف بعصبية مكتومة :- مرة ثانية من تشوفيني واگف أحترميني واوزني كلامچ قبل لا تحچيه!
هزت رأسها وطلع خالي گدامنا صوفر إلياس وگال ألها بأستهزاء...
(إلياس):- عاد وكت أنجي القطة الهادئة الي الكل يمدح بهدوئها تطلع القطة المشاكسة بخخ مييااوو
أنت تقرأ
جَحيم ليالي فبراير
Mystery / Thrillerفي أحدى ليالي فبراير يُقتل مُحقق عن طريق عصابة تارك وراءه عائلته وبين ليلة وضحاها ليربط ملفه بين عائلة مسيحية وعائلته المسلمة يا ترى ما نهاية هذا الملف؟.. #جَحيم_ليالي_فبراير للكاتبة:- فرح أحمد .
