حب في الحاره الشعبيه ( الروايه قيد التعديل )

الفصل الرابع

وائل :
. آه إيه ده يا ماما في واحده تستقبل النها كدا؟ ، بشبشب ف وشه، حرام عليكي.
وفاء :
. حرمت عليك عيشتك.

وخلعت الشبشب التاني وطلعت تجري وراه ولا كإنها واحده عندها 20 سنه
قالتله :
. لو ملاقتش شغل إنهارده إعتبر نفسك مطرود من البيت يا إبن وفاء.

خرج راح لماهر
ماهر قاله :
. كويس إنك جيت، أنا أصلا كنت هجيلك أنا لقيت شركه حلوه ومحترمه وقررت أشتغل فيها إيه رأيك تيجي إنت كمان تشتغل فيها.
وائل : 
. بتيجي دائما في وقتك.

وراحو وقابل المدير التنفيذي وهيروحو تاني يوم الساعه ٤ العصر علشان المقابله.
وعند البنات كانو قاعدين في بيت زينه
ومروان بيصيع بره
كانت زينه بتنقنف بحبه محشي وشويه فاكهه لان نهال كانت نظفت التلاجه وطلعت كل حاجه جواها كانت هتبوظ
دخلت وعملت لهم عصير مانجا منزلي تحفه (طبعا بالمانجا المعفن اللي كانت عندهم ). زينه أول ماشافت العصير وهي بتقول :
. إيه ده هو إحنا جبنا مانجا إمتا أصلا.
وبعد لما شربو العصير قررت زينه إن هي تسأل أمها جابت المانجا منين
زينه :
. ماما هو إنتي جبتي المانجا دي منين إحنا ما إشتريناش مانجا.
نهال :
. فاكره المانجا اللي كانت في الطبق اللي فيها حته متعفنه
زينه :
. أيوه مالها..... ماتقوليش ان..
نهال :
. يعني مش حلوه مش شربتوها شبه المفاجيع .
زينه :
. خلاص يا أمي يا حبيبتي

أما مليكه كانت بتبصلهم وهي مش فاهمه حاجه بنت ملوك بقى ملهاش في الحاجات دي

والساعه 4 العصر البنات كانوا ماشيين مأخدوش بالهم من الشخص إللي كان بيجري بسرعه كبيره وخبط ف مليكه
الشخص قال :
. إيه ترله بتخبط فيا، إنتي عاميه؟

مليكه زعلت أوي وبدأت في العياط
وقالت :
. أنا.. أنا آسفه مأخدتش بالي

جات زينه وضربته على وشه كف علمت على وشه رفع إيده علشان يردلها الكف لقا إيد بتمسك إيده بقوه إلتفت علشان يشوف مين اللي إتجرأ ومسك إيده لقاه...
------
وفي الحاره كان فيه خناقه على مين اللي هيلم الزباله بين وليتين
والناس كلهم بيتفرج من البلكونات
وبيشجعو وعند نهال
كانت قاعده على الكنبه وهي بتكلم جوزها إللي سافر من يومين وأخد معاه الإبن الصغير باسل آخر العنقود
نهال :
. أيوه يا حبيبي أهو بنتك من ساعت ما إنت مشيت وهي مش بتقعد في البيت أيوه زي ما بقولك كدا.. بمنعها والله بس هقول
إيه... مفيش معايا دلوقتي غير مروان

الأب :
. طيب مع السلامه علشان مشغول خلي بالك من نفسك و من عيالك.
نهال :
. مع السلامه
قفل الخط معاها
وعند البنات إلتفت الشخص لقى ماهر هو اللي ماسك إيده الشخص :
. ممماهر
ماهر :
. أيوه ماهر
الشخص :
. دأنا كنت بهزر
ماهر :
. لا متهزرش

ونزل فيه ضرب ولولى تدخل الناس كان الراجل مات ف إيده

وائل وهو ماشي وباين عليه التعب :
. بقالنا كتير ماشيين مكنا ركبنا توكتك أحسن.

لقى ماهر واقف مع مليكه وزينه والراجل واقع جنبهم و ومش قادر من كتر الضرب.
ماهر مإداش أي إهتمام للراجل إللي كان مرمي في الأرض.
وأخد البنات ووائل وراحو مطعم
لما راحو طلب عصير ليمون ليه والبنات طلبو عصير برتقال أما وائل طلب برجر وحواوشي وبيتزا
أيوه ما هو لو كان هيدفع حاجه مكانش طلبه
بس الحساب على ماهر
قامت زينه وقالت انا هتمشي مين هييجي معايا
بصلها وائل بعد ما إستعاد طاقته وقال : أنا هاجي معاكي وقامو
قال ماهر لمليكه :
. ممكن أعرف اسمك يا آنسه؟
ردت بخجل :
. مليكه.
ماهر :
. أسمك جميل أوي.

بصتله مليكه وخدودها حمرا وقالت :
. شكرا

ماهر :
. انتي مرتبطه يا مليكه؟
قالت مليكه وبدأ قلبها يدق بسرعه :
. لا مش مرتبطه.
وقعد يسألها شويه أسئله وبعد كدا بص جوا عينيها وقال :
. مليكه... تقبلي تكوني مراتي؟
أما مليكه كانت بتبصله وهي ساكته، بدأ هو يقلق من ان هي ترفض وقطع السكوت ده صوتها وهي بتقول برقه :
. أنا موافقه بس مش عارفه أخويا يوافق ولا لا.
ماهر :
. ممكن رقمه؟ أنا هتكلم معاه

مليكه ادتله رقم أخوها وهو كلمه ووافق واتفقوا على معاد هيروح يتقدم لها فيه
زغرطط زينه اللي كانت بتابع كل حاجه اما وائل كان بيبص لماهر باستغراب
قرب وائل من ماهر وهو بيقول بصوت هادي علشان محدش يسمع :
. هو انت عاوز تتجوز وخلاص؟ هو انت شفتها قبل النهارده اصلا؟ وبعدين هو مش انت اتقدمت لصاحبتك لينا امبارك وطلعت هتتجوز؟
تجاهله ماهر وعمل نفسه مسمعش حاجه
وبعد كدا مليكه أخوها جه وأخذها وزينه ووائل روحو مع بعض وماهر روح وحيد

وبعد ما زينه روحت

نهال وهي بتسأل زينه بحماس وبتقول :
. كنتي فين؟
وجايه مع وائل ليه؟
وشوفتيه فين؟
وكان بيعمل إيه؟
وهتكتبو الكتاب إمته ؟
زينه :
. كتب كتاب مين بس يا حجه أنا هحكيله.

وحكتلها زينه ومسابتش كلمه مقالتهاش
قالت امها :
. ياه لو وائل يعمل معاكي كدا بس انتي اللي خايبه و موكوسه وبايره

زينه بصدمه :
. بايره ايه أنا عندي عشرين سنه ولسه في الجامعه؟!

-----------

وبس كده يكون البارت بتاعنا خلص
إدعموني بتعليقاتكم الجميله وبتصويتاتكم 🌺
إزيكم؟
كيفكم؟؟
شو أخباركم؟؟؟
. أتمنى تكونو بخير وصحة وسلامة
دمتم في رعايه الله
سلااااام
هتوحشووووووووونيي ♥️
باي باي