وهما خارجين من باب المكتب سمعوا صوت المحامي بينادي ..
_خلاص اتفضلوا هعملكم ال تطلبوه وادفعي ال عاوزة تدفعية يا مدام.
فهمت مانجة انه وافق على طلبها وقال استفيد بالفلوس.
وبالفعل عمل ليها التوكيل بحق البيع لنفسها وللغير ومسكت التوكيل وقرأته واتاكدت انه زى ما هى عاوزة، غمزت بعينها للمحامى ودخلت دورة المياة وحطت ليه الفلوس جنب حوض المياة وخرجت، وبعدين رجعوا على البيت
مانجة معرفتش حد ببند البيع ده.
وعبدالعزيز ميعرفش يقرأ ولا يكتب وفاكر انه عمل توكيل إدارة بس علشان عياله محدش منهم يعمل حجر عليه. لكن في مشكلة وقعت فيها مانجة،وهى الحمل الكاذب، لو مرت الايام واكتشفوا ان مفيش حمل هتعمل ايه وهى مش عاوزة تكشف موضوع التوكيل ده حاليا لحد ما جوزها يموت،
مر شهر على الوضع ده وفي يوم جاء خبر لمانجة إن ابوها مات كانت صدمة كبيرة ليها. قعدت في بيت ابوها اسبوع حزينة واخدت امها معاها تقيم معاها علشان متقعدش لوحدها،
والايام بتجري وخايفة الكذبة تتكشف. وفي يوم سافرت محافظة تانية قريبة من القرية بتاعتها لناس معروفين بالشقاوة والاجرام. وسالت عن المعلم
محروس، راجل لما تشوفه تشوف الشر متمثل في وجه انسان.
اول ما دخلت مانجة عليه وسط رجالته خافت من نظراتهم واشكالهم،لكن تظاهرت بالقوة.
مانجة متظاهرة بالقوة.
_ انت المعلم محروس؟
محروس وعنيه هتأكلها
_ايوة يا عسل تحت امرك !
مانجة_عاوزاك في موضوع مهم على انفراد.
يبص لرجالته و يبتسم ويحك في دقنه
_طيب سبونا لوحدنا يا رجالة.
تخرج الرجالة وهما يتمتموا بكلمات استهجان.
_خير يا عسل بقينا لوحدنا؟
مانجة_ عاوزة حد يخلص على جوزي وعاوزة ولاده يكونوا هما المتهمين بقتله.
يحك محروس راسه مستعجب ومش فاهم كلامها.
_طيب نخلص على جوزك وفهمناها، لكن عياله يكونوا متهمين ازاي ؟!
مانجة تبص ليه مستغربة،
_انا ال هعرفك يا معلم بردو، انتوا
تخلصوا على عبدالعزيز والسلاح يتحط في بيتهم. وانا هدبر مشكلة. بينهم والناس كلها تعرف وتشوف المشكلة، علشان تكون دليل عليهم.
يبص ليها محروس مستغرب التفكير ده من واحدة زى دي.
_انت مخك ده ايه ؟! هههههه صحيح إن كيدهن عظيم، بس العملية دى هتكلفك كتير!
مانجة_ اي فلوس عاوزها هدفعها لك، بس خلصونى من الراجل ده، وهبلغكم قبلها لما اخليهم يعملوا مشكلة.
ترجع مانجة لبيتها وقعدت تفكر تعمل ايه علشان تخلي علوان وحمدان يعملوا مشكلة مع ابوهم.
واخيرا فكرت في بنت اخت عبدالعزيز،
ساكنة جنبهم اسمها فوزية، عارفة انها فتانة ومش بتحفظ السر، وهى ال هتبلغهم. راحت مانجة عند فوزية وقعدت معاها يتكلموا ويهزروا.
مانجة،_عارفة مستنية اولد بفارغ الصبر يا بت يا فوزية،ابنى ده هعلمه في احسن مدارس، هخليه يتمتع بكل فلوسه دي من خير ابوه.
فوزية تفكر شوية وتقول_ ربنا بس يبارك في عمر خالي، علشان اخواته مظنش انهم هيعملوا كدة معاه بعد ابوهم يموت.
مانجة تبص ليها بمكر_ ربنا يطول في عمره عارف اني وابنه ممكن نتبهدل. من بعده راح كتب ليا كل حاجة ، ربنا ما يحرمنى منك يا عبدالعزيز يارب.
تبص ليها فوزية وهى مستغربة اوى.
_معقولة يا بت يا مانجة خالي كتب ليكى كل حاجة😳.
مانجة_ اه يا حببتي كل حاجة امال يسبنا وسي. علوان وحمدان يطردونا ويبهدلونا؟!
فوزية تسكت وتفكر في رد فعلهم،
فوزية_ انا خايفة لما يعرفوا ..... وتسكت.
مانجة ترفع حاجبها _ ايه هيعملوا ايه يعني،كلهم تحت جزمتي يا حببتي.
يلا انا ماشية بقا سايبة امي لوحدها وهجهز الغدا علشان عبدو جاي اخر النهار.
تمشي مانجة وترجع بيتها،ويرجع عبد العزيز من شغله بعد المغرب. ويقعد يتعشى و مانجة عارفة إن فوزية هتوصل الكلام لاولاده.
وفعلاً بعد العشاء جاء علوان وحمدان والغضب على وشهم،
ودخلوا على ابوهم وهو قاعد بيشرب الشاي.
علوان _ بقا كده يابا على اخر الزمن عاوز ترمينا رمية الكلاب! وتكتب كل حاجة لمراتك دي.
يستغرب عبدالعزيز ويسأل نفسه مين عرفهم. لكن يعاند معاهم.
_ايوة كتبت كل حاجة ليها انا حر اعمل في فلوسي ال انا عاوزه.
حمدان_ واحنا ولادك يابا ...احنا ولادك
عبد العزيز يبعد وشه عنهم _ ولادي عاوزين ياكلوني. وياكلوا ابنى ال لسة مجاش للدنيا وانا عايش، يبقوا ولادي ازاي؟! انا خلاص عملت ال كان لازم اعمله من بدري. انتوا كنتوا هتخلصوا على البت الغلبانة دي.
علوان وهو منفعل اوى_ دى غلبانة دي عقربة مليانه سم وشر. وانت خلاص يابا بقيت زى الخاتم في صباعها .
هنا تصرخ فيه مانجة بصوت عالي وتسمع الناس_ اخرس يا..... انت هتغلط في ابوك تاني وتضربه بالقلم.
علوان ميقدرش يسطر على نفسه يضربها،وهنا يمسكه عبدالعزيز ويضرب فيه بالعكاز. ياخد العكاز من ابوه ويرميه بعيد ويكسر في البيت.تستغل
مانجة الموقف وتصوت بصوت عالي جدا وتقول الحقونى يا ناس،عاوزين يخلصوا عليا انا وجوزي، الحقوني.....
بسرعة تتجمع الناس وتحاول تاخد علوان وحمدان بعيد عن ابوهم ومانجة تقول قدام الناس_ عاوزين تخلصوا عليا وعلى ابوكم علشان الفلوس يا ....
جايين تتهجموا علينا،خليكم شاهدين يا ناس، عاوزين يخلصوا علينا ......
يحاول علوان يضربها لكن الناس تمنعه وياخدوهم بعيد عن بيت ابوهم.
وتقعد مانجة وهى مبسوطة من ال حصل وحست انها عملت ال هى عاوزاه وباقي دور محروس و رجالته. وفعلا تاني يوم. تروح لمحروس وتفهمه ال حصل بالظبط وتقوله
_ كدة بقا يا معلم انا عملت ال عليا،
خليت ولاده يعملوا مشكلة معايا ومع ابوهم والبلد.كلها عرفت بال حصل.
انت بقا دورك تخلص عليه وتخبي السلاح في بيتهم او في ارضهم اتصرف انت بقا.
محروس يضحك ضحكته الشريرة.
_ مكنتش اصدق إن الحلاوة دى كلها يطلع منها كل البلاوي دي هههههههه.
مانجة تبص ليه بقوة وتحدي
_ انا اعمل اي حاجة انا عاوزاها،واهم شيء مصلحتي وبس.
المهم مش عاوزة الموضوع ده يتاخر كتير.
وانا هدبر يوم نخرج انا وهو بالليل ننزل المحافظة وانتوا تخلصوا عليه. بس خلى بالك هكون معاه علشان الشكوك تبعد عني.
محروس _ فين طيب بقية المبلغ ال اتفقنا عليه ؟
مانجة تخرج فلوس من كيس اسود وتديها لمحروس. ده جزء والجزء الاخير لما تخلص الموضوع كله.
وترجع مانجة لبيتها وهى بتعد الساعات على تاخد كل فلوس عبدالعزبز وتخلص من عياله وكدة تكون ضربت عصفورين بحجر واحد.
يرجع عبدالعزيز بيته اخر اليوم وبعد ما اكل وبيشرب الشاي، تيص مانجة ليه
_ انت كويس يا عبدو طمني عليك،من وقت العركة مع ولادك وانا حاسة انك تعبان وشك اصفر ومش عاجبني!
عبدالعزيز_ ال حصل وجع قلبي قوي قوي يا مانجة، على اخر الزمن عيالي يتهجموا عليا ! يا خسارة تربيتي فيهم.
مانجة_ معلش يا عبدو متشلش هم يا حبيبي مسيرهم يهدوا، بس ..... وتسكت.
عبدالعزيز يحس انها عاوزة تقوله حاجة ومترددة.
_ بس ايه يا مانجة اتكلمي! مالك يابت؟!
مانجة_ من وقت العركة ياخويا وانا جسمي كله واجعنى اوى وحاسة كدة انى مش مظبوطة ده غير في علامات في جسمى زرقاء من الضرب ال ضربوه ليا 😭.
عبدالعزيز وهو قلقان_ انت تعبانة، طيب مقولتيش. ليه من بدري كنا روحنا للدكتورة يا بت في المركز؟!
مانجة عاوزه تبعد عن المركز علشان يكون سهل التخلص منه.
_ يا عبدو مش لازم دكتورة، يمكن اكون كويسة بعد كدة، وغير كدة الدكتورة دى بتاعت المركز بصراحة وحشة ومش بتعرف تكشف كويس،كذا حد يقولي انها مش شاطرة.
عارف فى دكتورة في البندر بتاع المحافظة بيقولوا انها شاطرة اوى اوى، بس يا خسارة. بتيجى المساء بعد المغرب كدة بشوية.
عبدالعزيز بسرعة_ وماله ننزل البندر ونكشف عندها بس هى بتيجى يوم ايه كدة؟!
مانجة تفرح اوي_ هى هى هتيجي بعد بكرة يا عبدو ان شاء الله.
وفعلا تاني يوم تروح تعرف محروس الميعاد والطريق ال هيمشوا فيه، وترجع بسرعة وتستنى يوم الخروج للبندر مع جوزها علشان تخلص منه.
تابعوني
