جاء موعد الدكتورة الوهمي وخرجت مانجة مع زوجها عبدالعزيز رايحين للمحافظة علشان تكشف وفي الطريق زراعة ونخل وظلام خاصة بعد العشاء و غالبية القرية كل واحد في بيته من برد الشتاء، كانت مانجة ماشية وبتبص يمين وشمال مستنية محروس ينفذ الخطة وفجأة خرج عليهم اتنين،كان محروس و صابر من افضل رجالته،
محروس: رايح فين يا حاج بالليل كدة
ههههههه.
عبدالعزيز يبص ليه ومستغربه لانه مش من البلد.
_انت مالك رايح فين وجاي منين يا جدع انت وهو ايه قلة الادب دي؟!
محروس_ انا مالي ازاي ؟! ده انا ال هريحك من الدنيا دي.
وقتها تبص مانجة ليه وتروح تقف وراء محروس وتقول يلا يا محروس انت هترغي معاه؟!
يبص عبدالعزيز ليها مش مصدق
_مانجة ايه ال بيحصل ده محروس مين ويخلص ايه ؟!
مانجة_ يخلصوني منك ومن قرفك انا عاوزة اورث بقا فلوسك وارضك دي كلها واعيش واتمتع بيها.
عبدالعزيز_ وانت لما اموت هتاخدى كل فلوسي ازاى. عيالي هيرموك بره الدار والبلد كلها .
تضحك مانجة بسخرية.
_انا نسيت اقولك انى قلت للمحامي يكتب بند.البيع لنفسي وللغير هههههه اما المحروس حمدان وعلوان باشا هيكونوا متهمين في موتك انت ناسي الخناقة ال حصلت بينكم هههههه، يلا بقا يا محروس مفيش وقت.
هنا انهالوا على عبدالعزيز وخلصوا عليه بعد كدة قالت مانجة ليهم
_ محروس اجرحنى بالسلاح في ايدى و يلا اهربوا انتوا بسرعة وانا هتصرف.
محروس بص لصابر وقاله
_انت حريف عني في الجرح بحرفنه نفذ. وفعلا يجرحها صابر وبعدين
يهربوا بسرعة، ومانجة تبهدل هدومها وتحط تراب على رأسها وجسمها وتصرخ باعلى صوتها.
_الحقونى. يا ناس ....الحقونى يا اهل البلد علوان وحمدان موتوا جوزي ......
تخرج الناس من بيوتها على مصدر الصوت، وهى بتقول علوان وحمدان موتوه 😭😭.
الخبر يوصل للبلد كلها والناس راحت البيت ومسكوا علوان واخوه في النفس اللحظة وصلت الشرطة وتم القبض عليهم وبسؤال الشهود والتحريات قالت إن كان فيه مشكلة كبيرة بين عبدالعزيز واولاده.
وفعلا تم توجيه التهمة ليهم بقتل ابوهم والشروع في قتل مانجةوتم الحكم عليهم بالمؤبد في الوقت ده قررت مانجة تبيع كل ممتلكات عبدالعزيز ليها وبعد كدة باعتهم لناس في البلد واخدت امها وخرجت من البلد ومعاها فلوس كتير وقررت تروح محافظة وبلد تانية. تبدأ فيها من جديد بالفلوس ال معاها،
وفعلا اشترت بيت وسكنت هى وامها فيه وابتدت تفكر. تشغل فلوسها في ايه.
خصوصا ان معندهاش خبرة في اي مجال، اشترت بغالبية فلوسها دهب
لحد ما تقرر تعمل ايه لكن تأتي الرياح بما لا تشتهي السفن، وجدت محروس في وجهها😳.
محروس وهو يبتسم ابتسامة الترقب.
_ انا قلت ابارك ليك على الورث ههههه
مانجة وهى مصدومة محاولة التظاهر بالقوة.
_شكرا يا معلم انت مش وصلك بقية فلوسك وخلصنا ؟!
محروس يضحك بصوت عالي.
_و لية قطع الوصال انت وحشتينى وجيت اطمن عليك يا قمر ونوصل الود.
مانجة مستغربة من كلامه.
_هات من الاخر يا محروس عاوز ايه ؟! عاوز فلوس تاني ؟
محروس_ لا لا مش عاوز فلوس انا عاوزك انت🥰.
مانجة ترفع حاجبها.
_يعنى ايه عاوزني دي ،لا انا مش بتاعت الكلام ده يا محروس اصحى وفوق لكلامك.
محروس _ههههههه وانا قاصد خير والله وداخل الباب من بابه وعاوز اتجوزك على سُنة الله ورسوله.
مانجة _ لا مش عاوزة اتجوز انا كفاية ال حصل ليا. من الجواز عاوز اعيش حرة زى ما انا عايزة بلا جواز بلا ق.....
محروس يقرب منها ويتكلم بهدوء.
_وماله انت هتكونى على راحتك وبحريتك بدل ما تتاخد منك حريتك وانت ست ذكية وفاهمة الكلام كويس.
مانجة تتفاجأ بالكلام ده والتهديد الصريح.
_ايه ده انت بتهددني؟ احنا اتفقنا وخلصنا وانا مقصرتش معاك في فلوس او حاجة ابدا.
محروس _ انا حبيتك وعاوز اتجوزك
ومش هسيبك ابدا حطى دي في دماغك.
بعدها شاور ليها بايده ومشي.
وقفت مانجة محتارة تعمل ايه في العقبة الجديدة دي! هى مش هتتجوز مجرم وحرامي على اخر الزمن، وكمان لو قالت لا هيبلغ عنها او يعمل فيها حاجة، رجعت مانجة بيتها سرحانة بتفكر تعمل ايه وتتصرف ازاى لو بعدت عن السكن الجديد وسافرت القاهرة وتبعد بعيد طيب وبيتها ال اشترته قريب بسعر تحفة، هتعمل فيه ايه مش هتلحق تبيعه والذهب ال معاها ممكن محروس. يقتلها هى وامها وياخد كل شيء ،ده لو مبلغش البوليس.
قعدت تفكر كتير كتير. لحد ما امها لاحظت عليها وسألتها.
_في ايه يا بنتي مالك من وقت ما رجعتي من برة وانتى سرحانة .
مانجة تنتبه لامها .
_ايه ...لا.ياما مفيش حاجة بس بفكر في شغل علشان نصرف منه.
امها_ خليها على الله احنا ممكن نشتغل اي حاجة يا بنتى هى يعنى جت على اللقمة.
مانجة تنفخ _ يامه متشغليش بالك انت بس سبيني دلوقت علشان خاطري.
تخرج امها وتسيبها وتفكر هى كتير كتير علشان توصل لحل.
وفي الاخر قررت انها تعرض البيت للبيع ، لكن في نفس الوقت تجاري محروس لحد ما تلاقي الوقت المناسب
مر يومين وفي اليوم الثالث شافت محروس واقف قدام بيتها وهى نازلة كان مستنيها تنزل..
اول ما شافته مانجة ابتسمت وقابلته. بغير الوش ال قابلته بيه من يومين.
مانجة بدلال الانوثة _ ازيك يا محروس عامل ايه ؟
محروس يحس براحة من كلامها.
_اهلا يا قمر الدنيا وحشتينى اوى .
مانجة _ وانت كمان يا محروس وحشتني اوى،انا على فكرة فكرت في كلامك بالعقل، ولقيت فعلا مينفعش واحدة زي حلاتى تعيش من غير راجل ، علشان محدش يستهتر بينا انا وامي، وانت مش اي راجل بصراحة، انت راجل قوي وسيد الرجالة كمان، يعنى هنعيش في حمايتك.
محروس العرق ينزل من جبينه ويحس انه عنترة بن شداد او الأسد ملك الغابة.
_ متخافيش يا مانجة انا هكون سندك وقوتك وتحت امرك انا ورجالتي.
طيب امته بقا نتجوز ونلم شملنا ؟
مانجة تضحك
_هههههه اصبر يا معلم، انت ناسي اني لسة في شهور العدة. وقدامي حوالي شهرين ونص،ومينفعش اتجوز دلوقت.
محروس يحط وشه في الارض ويفكر وبعدين يرفع رأسه .
_مش مشكلة نصبر يا مانجتي،بس خلى بالك انت تحت عنيا على طول ،لو وفكرتي تهربي، يبقى انت كدة بيعاني، وانا ال يبعني ابيعه ببلاش ومبكيش عليه حتى لو روحي فيه.
مانجة بدلع_ اهرب اروح فين يا راجل؟
انا عاوزة استقر بقا وانا مرتاحة هنا وكنت بفكر متجوزش. بس انت بصراحة غيرت فكرتي خالص.
محروس يحب يتاكد من كلامها، يبص ليها ويقول_طيب خلاص تعالي نخرج مع بعض النهاردة ناكل لقمة حلوة ونتمشى مع بعض ايه رأيك؟
تسكت مانجة شوية تفكر في كلامه.
_الناس هتقول عليا ايه يا محروس،وانا ست ارملة لسة جديد وخارجة مع راجل؟
محروس_محدش يعرفك هنا، وغير كدة انا خطيبك وهكون جوزك قدام العالم دى كلها، قلت ايه ؟
مانجة تتنهد _ ماشي هنخرج بس سبني احدد اليوم انا واقولك علشان اجهز نفسي.
محروس بعصبية _ تجهزي ايه بس ،هو انت محتاجة تجهيز، خلاص بكرة هعدي عليك او نتقابل على. معدية البحر اتفقنا ؟
مانجة تحس انه امر عليها واقع ولازم تتعامل معاه بذكاء.
_ خلاص يا راجل متزعلش يوه، انا اقصد اشوف يوم اكون فاضية فيه مش مشغولة بحاجة لكن خلاص خليها بكرة ولا تزعل نفسك يا سيد الرجالة.
يمشي محروس وتقف مانجة تفكر في المصيبة دي تعمل فيها ايه وتخلص منه ازاي،وهى عارفة ان محروس بلوة وبلاء كبير مش زى عبدالعزيز،ده مجرم ورئيس عصابة والاجرام في دمه.
وعدى اليوم وتاني يوم ميعاد الخروجة معاه قرب يا ترى هيحصل ايه ؟
تابعوني
