#تلاعب_أدوار ❤
#الحلقه 21
بـــــــــيــــــاااآن ......
وصلنا لحوش المزرعه ، قعدت نشوف للحوش ونزمط في ريقي و عيوني دموع وماسكه رفيف في يدي ، جا لعندي و فتح الباب و خذا رفيف من يدي
معتز : بدون مايشوفلي انزلي
انا : خنقتني العبره و بخوف ، ممعتز
معتز : مشى قدامي ، الحقيني
مسحت دموعي و نزلت وراه ، فتح الباب وخشينا جوا ، شيرلي ع دار يلي جوا نخش فيها ماقدرتش نحكي حرف خشيت للدار وقعدت مشبكه يديا في بعضهن و قلبي يدق بقوه من الخوف
معتز : خش للدار وسكر الباب ، متعمده ديري فيا هكي
انا : شفتله ودموعي بدن ينزلن ، ليش انا شن درت ليش ماتشوف ..
معتز : قاطع عليها بصوت عالي ، مش حترييحي الاا لتخليني قاااتل تبيني نمشييي نقتله عشاان ترحيني من مشاااكلك ، انقوول ياامعتز مااتقسش عليهاا صغييره وماتفهمش تحملها لاااكن خلااص وصلت معايااا لهناا وصللت لهناا
وخرت من صوته و جسمي كلا يرعش من عيااطه ، جيت بنحكي دارلي اسكتي
معتز : ولاا حررف ماانبش نسمع منك ولا كللممه مااسك روحي عليك مااازلت ، وهذااا كله و طااالعه بدوون عللميي مشش راااجل تششووفي فيااا قدااامك ، اااه مش ماالي عييينك ، لكن حتشووفي المعاامله من يوم ورايح ، طلع وسكر الباب وراه بالمفتاح لان لو قعد شويا اخرى حيدير حاجه يندم عليها
طحت تحت و لميت يديا لصدري وقعدت نبكي بصوت عالي ، ماعطانيش حتى فرصه نحكي فيها ولا انا قدرت نحكي كرهت روحي و كرهت ضعفي يلي مخليني مانقدرش ناخذ حقي
_____________________________
مــــــاريــــــااآ ......
وصلنا للحوش و حاسه ان كل طاقتي بذلتها ف البكاء خشيت متكيه ع جواد و خشينا للجناح جتنا آيه تجري
آيه : بابا وين عديت ان و ميا
جواد : عيدنا للمستشفى
آيه : حطت يديها ع فمها ، هيي بزولك ابره
ماريا : ابتسمت بشويا و هزت راسها ب اها ، وفي خاطري لو تعلمي ان عدينا لامك
حطني جواد ع السرير و حول الجاكه و الوشاح و انا مازلت مصدومه فيه و في انفصام شخصيته
جواد : رقدها ع السرير ، ويه خلي ميا تريح
آيه : هزت راسها حاضر بابا و مشت تلعب ب ألعابها
ماريا : شفتله و شنو المقابل
جواد : حوللها الكندره متاعها ورد شافلها ، و ابتسم لما تصحي حتعرفي
ماريا : ضحكت بهزوه ، ماتفوتش شي
جواد : طبس عليها وقرب واجد منها ، وانا هذا طبعي ماحفظتينش
ماريا : توترت و زمطت ريقها ، ببااهي ببعد
جواد : باس خدها و صبى ، ماتخافيش ماعنديش فيك نيه وبرم انا ف المكتب كان تبي حاجه و مشى
ضروري يقول كلمته و يكسر قلبي في كل مره ، مستحيل يكمل الخير يلي يدير فيه وقتها ماكنش عندي جهد اناقشه غمضت عيوني وانا نحاول نرقد و نريح عيوني ولو طشه لان يحرقو فيا من البكاء
أنت تقرأ
تلاعب ادوار(ليبية_منقولة)
Любовные романыتلاعب ادوار 🔄. للكاتبة: ثريا حسين ال حمو🫀. 24حلقة🫀.
