#تلاعب_ادوار ♥️♥️
#الحلقه 2 ✍
في مكان اخرى
دالياا : حرااام عليك واافق يامكاار
عصام : يلبس في كندرته قلت لا يعني لااا
داليا : توااا تعامل في دنيا كلها كويس الا انااا
عصام : رفع عيونه فيها
داليا : 🥺🥺🥺🥺🥺
عصام : ضحك ديري وجه القطوسه تواا مش خايل معاك
داليا : قربت منه و قعدت تنغز فيه من كتفه عصومي عصمصم يادكتور انت ياكبيرررهم
عصام : ماسك ضحكته و يسقم في شعره ع المرايا خلاص عمي و عمتي قالو لا يعني لااا
داليا : مالما تكلمهم انت يوافقو عشاااني 🥺🥺
عصام : ضحك امم انفكر قبل
داليا : تؤ تؤ مع دنياا كلها كويس و تضحك وتجي عندي تمكر باهي خلاص يمكاار معش نبي منك شي و جت بتمشي
عصام : مسكها من يدها و برمها لاه و ابتسم وطبط ع خدها انتي غير يامشفشفه و شفشف شعرها
داليا : ضحكت يعني حتكلمهم
عصام : امم بس بشروطي المشيه
داليا : ضحكت وووه احسن واحد ف عااالم يااحضها بيك يلي تبي تااخذك نعليااا منننك
عصام : ضحك باهي اقلبي وجك من عليااا وانتي ديما لاصقه فياا زي البرغوثه
داليااا : ضحكت المهم خذيت يلي نبيها امشي امشي
عصام : نغير رايي
دالياا : طلعت تجري قداامه لااااا لاه سكتت
عصام ضحك عليها وطلع وراها من الداار
________________________________
صبيت وفتحت الروشن و قعدت امصبيه عليه
ليش حياااتي هكي ليش مانستحقش ربع يلي يديرو فيه ل لينا ليش مع اني اناا بنتهم الحقيقيه مع اني انااا يلي مكتوبه ع اسمهم لييش
ليش عيت جدي كلهم و ضنى عمي يدورو في رضاها هيااا تذكرت يوم عيد الميلاد كيف كنت مصبيه ع التورته وحدي و هيا مصبيين معاها كلهم و يضحكولها و يمدولها ف الهداايه لييش مع اني انااا كنت بنتهم مش هيااا
انا مش حاسدتها ع شي و لما نفكر هيا يتيمه و معندهااش اب بس انا شن نفرق عليها و انا حالي اصعب منها انا عندي اب بس مش معبرني و غير ياريته وقف ع هكي لالاه ديما يضرب فيا و يعذب فياا و كانه يحااسب فياا ع غلط انا مش دايرته
عزيز ااه من عزيز ماكنتش انتوقع في يوم ان يتخلاا عليااا هكي رغم الكلام يلي سمعته منه ماقدرتش نكرها حطيتله الف عذر قلت ممكن هوا مايحبنيش ك حبيبه ممكن هوا يحبني ك اخت و بس
لاكن ليش يوهمني بالحب ليش يخلني نحبه لدرجه هذي و نبني معااه احلاامي كان قالي انتي كيف اختي كنت حبيته و تعلقت فيه بس اكيد بطريقه اخرى و حطيت لروحي حدود
اكيد تقولو كيف مازاالت تحبه بعد ماخذلها ، اكيد تقولو اني باارده و بلا كراامه بس حب عزيز غيرر ماحبيتش ك حبيب و بس حبيته ك اب و اخ و سند يعني لو دفنت مشاعري اتجااه ك حبيب مش حندفن مشااعر الاخ و الاب لان يلي بيني و بينه شي مش سااهل
تنهدت و اناا نذكر في موقف لما كنت صغيره كان عمري خمس سنين بس و هوا 15 سنه الفرق بيني و بين عزيز عشر سنين بس من اول مانضت ع دنيااا و عزيز هوا الوحيد يلي يهتم بياا من عيلتي بعد امي
