#تلاعب_أدوار ❤
#الحلقه 24 والأخيره ✍
بــــــيــــــااآن .....
كل شي مر في لمح البصر ، الشرطه يلي جت خذت ربيعه بسبب انها هيا و امها يتعاملن بالسحر مع سحار مغربي ، عياط لينا و عياطها كلا قدام عيوني كيف ضربوها عمامي و لزوها قدام عيني ، بابا كيف انفضح و نزل راسه قدام الناس و نظرت خوته لاه كلام أمي
ركبت السياره وانا جسمي مزال يرعش مش مستوعبه شي من يلي صار ورفيف في يدي في عيطه وحده تبي ترضع ، مافطنتش الا و معتز يهز فيا من يدي
معتز : بيان وين رحتي
انا : شفتله ااه ناديتني
معتز : من بدري انادي فيك البنت تعيط شوفيها
انا : نزلت راسي ، بترضع حنرضعها فالحوش
معتز : فهم عليا وسكت
قعدت نهز فيها و نفكر فالي صار ومنظرها لما طلعت و تبكي تبي عبايه تستر بيها روحها لولا مرات عمي يلي عطتها را عمامي طلعوها هكي ماعندهمش رحمه ابدا ، كان طول عمري عزيز يقولي ساحره باتك كنت نحسابه عشان يسكتني بس لكن طلعت تعامل بالسحر جد يعني بابا كان مسحور كل الافكار هذينا في راسي ، بس اكثر شي وجعتيني لينا وبكاها ع امها و كيف ضربها عمي
تنهدت تنهديه من وسط قلبي ، شفت لمعتز شافلي و مسك يدي كأن يطمن فيا ابتسمت بشويا ورديت نشوف مع الروشن
وصلنا للحوش و نزلنا ورقيت فوق طول جسمي مزال يرعش من الفجعه وكرعيا مش قادره نصبي عليهن ، حطيت رفيف ع السرير وسلحت عبايتي و وشاحي و قمعزت انرضع فيها ، شويا و خش معتز
معتز : قمعز جنبي ولف يده عليا وباس راسي ، شنو كويسه
انا : هزيت راسي ب لالا واتكيت ع كتفه وغمضت عيوني ، عليش يديرو هكي الناس كيف يقدرو يديرو هكي اصلا
معتز : يحرك في يده ع ذراعي ، بينو انتي صغيره ومازلتي مش فاهمه دنيا كويس تشوفي فيها كلها بقلب ابيض كيف قلبك بس الناس مش هكي
انا : كيف مش هكي المسلم ربي خلقه رحيم حط في قلبه الرحمه لكن يلي داروه عمامي ليوم مايمدش للرحمه باي صله كانو بيطلعو الوليه بدبش الحوش و كيف ضربوها وغمضت عيوني زين ، المنظر مش قادر يحول من عيوني
معتز : يحرك في يدا عليا يهدي فيا ، تمام عارف خفتي اليوم بس يلي داروه عمامك مادخلش برحمه ربي ماوصش ان يرحمو السحار ، عارفه ان يلي يتعامل بالسحر يكفر بربي و يدير حاجات استغفر الله عشان يخش بينهم
انا : مسكت في كراعه ، خلاص معش تحكي اكثر مانحبش نسمعهن المواضيع هذينا
معتز : باس راسي تمام ، وابتسم شوفي الاميره رقدت
انا : شفتلها لقيتها راقده حولتها و حطيتها ع السرير ، حبيبي خليك معاها بندير دش
معتز : تعالي في حاجه قبل
انا : ابتسمت بشويا و طبست عليه بسته ، تمام
معتز : ابتسم تمام ،
خذيت دبشي و خشيت للحمام ندير دش عشان نرخي اعصابي و ننسى شويا يلي صار
_______________________________
