#تلاعب_أدوار ❤
#الحلقه 15 ✍
مـــــاريـــــــااآ .......
فتحت عيوني الصبح لقيت جواد معطيني بظهره و يلبس في سوريته سرحت فيه فجأه و امتلكني مشاعر غريبه اتجاهه حسيت ان امس صار شي بس مش مذكره شن هوا ، حسيت ان هوا يخفي ورا قسوته هذي طيبه كبيره لكن نفيت الافكار من راسي طول بعد ذكرت شن دار فيا و كلامه اول يوم زواجي منه
شافلها من المرايا تشوفله ابتسم ع جنب و اخفى ابتسامته بسرعه برم عليها و قرب منه
ماريا : قعد انشوفله ببلاها و هوا يقرب مني حط يده ع جبهتي و قال ب برود
جواد : بدون مايشوفلها ، تمام شفيتي تقدري تصبي تشوفي شغلك
ماريا : ماقدرتش نمنع عيوني من انهن يعلقن رواحهن في عيونه كانن عيونه بدون مشاعر و كانه ميت ، شن مر عشان هكي قعد
جواد : رفع حاجبه فيها وبصوت حاد ، تقدري تصبي تشوفي البنت من الصبح نايضه
ماريا : شفتله برم و سيبني صبيت بسرعه ماعنديش نيه نحصل طريحه و انا بالحاله هذي ، فطنت لروحي اني مش لابسه دبشي وكان غريب عليا بمت ع مرايت الدولا و كانت ماليه جواد ووصاله لنص فخذي شهقت و حطيت يدي ع فمي امتى لبستها شفتله بسرعه ضحك بهزوه و هز راسه و طلع بدون مايقول كلمه
حكيت راسي ونحاول نعصره و نذكر شن صار امس و كيف لبست دبشه تنهدت و انا قريب نهلك روحي من التفكير ، مشيت لدار آيه و لقيتها واعيه جتني تجري حضنتني
آيه : ميا انتي كويسه
ماريا : ابتسمت و بست خدها كويسه ياروح ميا
آيه : بابا قالي ان كويسه بس ننا هيا وماخلنيش نجيك
ماريا : بست خدها اخرى امم توا خلينا من بابا شن رايك في حمام سمح هكي لبنتي السمحه
آيه : نبي بسرعه ماما بنحول الدبش
ماريا : ضحكت و مسكت فمها عارفتك عشان تطلعي وشلتها هيا للحمام وقعدت تضحك هيا وياها
اما عند جواد يلي قعد مصبي و يسمع عليهن ابتسم بشويا عليهن و فتحت الباب واختفت ابتسامته بملامحه الحاده و طلع
#wiush_hamo ' للكاتبه
_______________________________
ركبت السياره بعد الغداء و انا منزله راسي ونذكر شن صار امس ، متاكده ان حيكشفني من عيوني لان فاضحيني وخايفه منه للموت مسك يدي رفعت راسي والخوف ع وجي
معتز : ابتسم و الارهاق واكل ملامحه ، رايفتلك
انا : تنهدت و حطيت يدي ع لحيته و بصوت هادي انا اكثر
معتز : عقد حواجبه اول ماشاف الضربه فوق حاجبي و كانت لونها موف في جبهتي ، حط يده عليها من شنو هذي
انا : زمطت ريقي وشفتله ، ااامس ددخت و و ضرب راسي ع الارض
معتز : نعقدن حواجبه اكثر وليش ماكلمتيني
انا : خذيت نفس و نحاول نهدي روحي عشان مايكشفنيش ، ححاجه بسيطه .. وقبل مانكمل كلمتي رفع صوته عليا غمضت عيوني
معتز : بعصبيه ساهله شنو و انت دايخه و محصله ضربه كنك انتي تصرفي من رااسك
انا : خخفت ننشغلك ووان..
معتز : وانا نبي ننشغل مسح ع وجه و تنهد ، بيان
انا : فتحت عيوني من نبره الهاديه و عيوني امتلو دموع
معتز : مسك يدي ومد يده لخرى مسح عيوني ، عليش لدموع توا وتنهد اسف مش قصدي نبكيك لكن خفت عليك افهمي ان اي شي يخصك يهمني سوا كبير او صغير اي شي تقوليه في وقته
انا : هزيت راسي و طبسته
معتز : حط يده تحت حنكي و رفعه ، مانبيكش تبكي من ابسط حاجه دموعك غاليات
انا : مسك يده بيديا لثنين ، وبصوت واطي مانعرفش هكي انا من انا وصغيره ، وتوا زيد عليها مضايقه على يلي صاير ومخنوقه بكل
معتز : باس يدي ، تمام فاهم نعدو للمستشفى و بعدين عندي لكي مشوار
انا : عليش مستشفى
معتز : رد يسوق بنطمن عليك اكيد
انا : سكتت ومعش رديت عليه لاني عارفته سكر راسه
