"අයියේ....... මේ ඕයි අයියේ.....
මේ ගවුමද හොඳ නැත්තම් මේකද"
පටි පටි පටි පටි තියෙන
රතු පාට ගවොමකුයි
රැලි රැලි රැලි රැලි තියෙන
සුදු පාට ගවොමකුයි
නැන්දා අහනකොට
අත් දෙකෙන් උස්සගෙන
පත්තරෙකින් මූණ වහගෙනයි
අප්පච්චි උන්නෙ
තඹේකට ගනන් ගන්නැති ගානට
"එන්නෙපා ඤං පචං ගාගෙන නම්
හරිද පේරොලගෙ අප්පච්චි
බෙල් ඩෙනිමකට ක්‍රොප් ටොප් එකක්
මම නම් අඳින්නෙ ඔන්න"
මගේ දයාබර මෑණියන්
දිලිසෙන මොකද්දෝ සරුවාලයක්
උස්සනෙ ආවා අප්පච්චි ඉස්සරහට
උගුර පාදගෙන ඇතුලට ගියා
මේ විගඩම් බලාගෙන
දොර ලඟ උන්නු මම
"ආහ් පේරෝ....
එන්න මයෙ අම්මෙ එන්න
මෙන්න මේ අහන එව්වට
උත්තර බැඳපන්කො මං වෙනුවට"
මදැයි කොලා
අප්පච්චි මාව බිල්ලට දුන්නා
ක්‍රිකට් , වොලිබෝල් , රගර් වගේ
ඇන්ඩ්‍රාසියාවෙ අපිට තියෙන්නෙ ක්විඩිච්
පාවෙන කොසු උඩ නැගගෙන
පිල් දෙක්කට බෙදීගෙන
වලලු තුනක් අස්සෙන්
බෝලයක් දාන්නයි තියෙන්නෙ
අම්මෝ අම්මෝ එක හෙන ආතල්
අවසන් මහ තරඟෙ තියෙනවා
අපි සේරම ඒකට යනවා
ගෑණු පාර්ශවය ඇඳුම් තෝරනවා
