⛓️ملاك الصقر ✨❤

Part 6

السلام عليكم ازيكم يا حلوين عاملين ايه ده البارت السادس ويلا نبدأ
بيفتح صقر باب المكتب وبيلاقي السكرتير جوه؛ بيتخد السكرتير وبيتوتر اول لم شاف صقر داخل عليه المكتب
صقر: بتعمل ايه هنا؟
محمود (السكرتير): م..... مفيش

صقر بغضب خفيف: انا مش بعيد كلامي مرتين بتعمل ايه هنا، وعارف لو الي في دماغي طلع صح وطلع ليك يد في موت جدي مش هسيبك انت والى بعتك

السكرتير بخوف: انا معملتش حاجه

صقر وهو بيبعدو عن الكمبيوتر بعصبيه: اطلع برااا

محمود بيخاف جداا وحس خلاص ان هيتقفش ولازم يبعد فتره
نزل يلم حاجاته من المكتب بسرعه ويمشي عشان يسافر هو وي مراته وعياله برا مصر عشان يضمن ان ميحصلش ليه حاجه

عند صقر في المكتب بيفتح الكمبيوتر وبيدخل على ملف مخفي على الكمبيوتر وبيفتح الملف ده وپيلاقي قعلا الي كان شاكك فيه حصل ومحمود السكرتير ليه يد في الي حصل لجده( اصل محمود غبي في الحته دي فكر ان الجد معندوش غير الكميرات دي بس نكمل...........)   بيدخل صقر  على ملف الكاميرات وبيلاقي ان محمود حط حاجه في الشاي وجابو للجد...........(كل الي قلناه في البارت الي فات)

بيتعصب صقر جداا وبيطلع بسرعه من المكتب لانه عرف ان محمود هو السبب في الي حصل للجد وهو الي مسح ملف الكاميرا بتاع النهارده
فا اكيد لم شك ان صقر هيعرف هيمشي واحتمال يهرب برا مصر نزل بسرعه وكلم.............

عند جنان في المستشفى بتخرج ملاك و جنان من الاوضه وجنان كانت سانده على ملاك وبيشوفها سيف

سيف ل جنان: حمد لله على السلامه يا انسه جنان

جنان: الله يسلمك يا استاذ........

سيف: اسمي سيف

جنان: الله يسلمك يا استاذ سيف

وفجأ بتيجي ميرا بدموع التماسيح طبعاا ويعني هي هتزعل بجد ازاي دي حربايه

وتقول ب مايعه: جدييي حبيبي حصل ليك ايه 😭

جنان بتعب: هه انت لسه فاكره تيجي يا اخت ميرا

ميرا بغرور وتكبر: اجي براحتي يا حبيبتي اومال انت يعني عاوزاني اسيب قاعده صحابي واجي في جو المستشفايات ده  وطبعا مش محتاجه اقول بتتكلم بقرف

ملاك بعصبيه وصوت عالي: تصدقي انك واحده معندهاش دم ولا احساس ولا مشاعر بقى جدك مات وبنت عمك تعبانه وفي حاله زفت وانت بتقولي كده ولا جايه بدموع التماسيح دي وبتعملي نفسك زعلانه

ميرا وسيف وجنان وقفين مصدومين من ملاك و كل الي قلتو ل ميرا وهي فعلا كل الي قلتو صح ومن حزنها على صحبتها اتعصبت على ميرا وقالت ليه كده

ميرا بعصبيه وغرور: انت مالك اصلا انا و ايه الي دخلك في العيله بتعتنا وكمان مين الي سمح ليكي تتكلمي معايا كده انت متعرفيش انا مين ولا ايه

ملاك ببرود شديد: لا مش عاوزه اعرف والي دخلني اني مشفش صحبتي تعبانه وي واحده حربايه جايه تمثل و انت لو اتكلمتي معايا كده تاني هنسا انك بنت عم صحبتي وهجيبك من شعرك الي فرحانه بيه ده وانا حاسه ان مقشه الي بتتكلم معايا مش بنت والله

جنان: خلاص يا ملاك سيبك منها ويلااا نمشي

ومشيو كلهم بعد ما سيف رن على صقر وقال ليه ان جنان بقت احسن شويه وهيروحهم وصقر وافق

وي وقفت ميرا تقول: مين البت دي وازاي تكلمني كده طيب والله مش هڛبها وهعلمها ازاي تتكلم معايا كده بس مش دلوقتي وتكمل كلام وتقول ازاي جدي مات! معقوله كده وبعدها افتكرت ان صقر اكبر احفاد
عيله القناوي وهياخد الفلوس كلها ف انا لازم اكسب صقر ب اي طريقه  وبترن على امها

ميرا ل ممتها: مامي الحقيني بسرعه

الام: حصل ايه؟؟

ميرا: جدي مات

الام بصدمه: ايه مات ازاي حصل

ميرا: معرفش انا لسه عارفه

الام: مش مهم دلوقتي المهم انك لازم تكسبي صقر ب اي طريقه فاهما

(اكيد  يعني الام حربايه يعني ميرا مش هتجيب الحقد والخبث من بره يعني)

ميرا: فاهمه يا مامي

ومشيت ميرا من المستشفى

عند صقر خرج بسرعه وكان بيكلم حارس الشركه انو يقفل الابواب كلها ومحدش يطلع خالص غير لم يكون موجود ومسك محمود وضربه بطريقه معينه واغمى عليه وقال ل رجالته يشلوه ويحذوه في العربيه ويوده المخزن لحد ما يجيلو ويتصرف معاه

ستوووووب وكده يكون البارت خلص وان شاء الله يعجبكم وقولو لينا ايه رايكم

سلااااام هتوحشونااا جداا