⛓️ملاك الصقر ✨❤

Part 15,16

اسفيييييين جداا ان احنا منزلناش امبارح بس بصراحه نسينا

هلوز يا حلوين عاملين ايه و حشتونا جدا انهاردة بقي جايين ليكم ب بارت توب التوب و الباقي فوتوشوب و بس كده يلا نبدأ

عند بيت القيناوي الساعة خمسة و نص بعد الفجر الكل نايم طبعا الا كائن واحد بس و اكيد كلنا عرفناه يعني ✨جنان✨ جنان كانت صاحية و بتجهز و بعد مخلصت قررت تروح ل صقر
جنان و هي بتدخل اوضة صقر: صقوووور
صقر و هو مفزوع: ايه في ايه حد مات انا مت
جنان: يا ساتر يا رب ليه كده كله مات مات لا بس يلا اصحي
صقر و هو بيشوف الساعة: و اصحي ليه يا ختي لسه بدري
جنان: علشان توديني ل ملاك
صقر بصدمه: ننعمممم ليه يا حبيبتي ليه مين بيروح لحد دلوقتي
جنان: ايه ايه متخافش اصل انا بقي ذكية جدا و انت عقبال اما تصحي و تجهز و اعملك فطار ها اعمل انا فطاار تكون جت سته
صقر: اعمل فطار؟ و ذكية و جنان؟ لا لا ازاي كل ده في جملة واحده
جنان بصوت عالي: يلااا اخلصص هنتأخر علي البت
صقر في سره:  علي قد ما بكرهك يا ملاك بس مش عارف مستحمله البت ديه ازاي
جنان و هي بتصفر: رحت فيين يلا
طبعا بسبب زن جنان قام صقر و لبس و كان تحفه كان لابس بنطلون اسود و قميص ابيض فوقيه جاكيت اسود و كوتش ابيض و سرح شعره و كان شكله حلو اوي و جنان لبست بلوزة بينك عليها فتيات القوه و بنطلون ابيض و كوتش بينك و سرحت شعرها و علي الرغم من طفولتها شوية  في اللبس بس كانت حلوه بجد
بيخلص صقر و بينزل من علي السلم و بيدخل يلاقي جنان في المطبخ
جنان: اووبااا ايه الحلاوة ديه يا واد يا صقور علشان البت ملاك و لا ليه ها ها قول متخافش
صقر: اكيد لأ متهمنيش طبعا و اصلا انا حلو كل يوم
جنان: آه طبعا مين قدك
صقر: عملتي بقا الفطار الي قلتي عليه و لا انت رجعتي في كلامك و لا ايه
جنان: لاااا اكيد كلمتي متنزلش الارض ابدا اتفضل
و كانت بتدي صقر سندوتش جبنة
صقر بصدمة: ايه ده معلش
جنان: فطار
صقر: فطار ايه ده انت لو بتأكلي قطة هتحطي لها اكل اكتر من ده
جنان: كل يلا و انت ساكت
صقر و هو بياكل: طيب ياختي اتفوووو
جنان: اييه بتفه ليه؟
صقر: ايه القرف ده حتي ساندونش الجبنه يا شيخه مش عارفه تعمليه
جنان و هي بتشوف العلبة الي حطط منها: آااامممم طلعت منتهية الصلاحية
صقر: منك لله يا بعيدة هتسمميني و انا لسه في عز شبابي
جنان: اششش اسكت بقا خليني اكلمها
عند ملاك بتلاقي تليفونها بيرن
ملاك: الو
جنان: صباح الخير يا ملوكه
ملاك: جنان؟!  بترني ليه علي الصبح عملتي مصيبة و لا ايه
جنان: لا لا انا معملتش حاجه بس قومي اجهزي علشان انا جايه
ملاك: آه ماشي تنوري بس مش هجهز من دلوقتي انت لسه هتيجي الظهر او العصر الا صحيح هتيجي امتي؟
جنان: دلوقتي
ملاك: بطلي هزار امتي بقي
جنان: و الله دلوقتي
ملاك بصدمة: نعمم ليه يا ختي جايه تجيبي عيش الصبح قبل الزحمه و لا ايه لا يا حبيبتي خليكي في بيتك
جنان: لا كمان نص ساعة لأ ربع ساعة و هتلاقيني علي الباب
ملاك: انت مجنونة؟!
جنان: لأ و يلا سلام علشان انا جايه
ملاك: استني
بس جنان كانت قفلت
جنان ل صقر: يلا بينا يا صقور
صقر: يلا ياختي
ميرا بقي تسكت لأ طبعا هي كانت نايمه بس صحيت علشان تشرب و كانت نازله و سمعت مكالمة جنان ل ملاك بس قالت هتعمل اكنها مش عارفه و لازم تتلزق فيهم و تروح معاهم
ميرا فجأه بصوت عالي: رايحين فين
جنان بخضه: بسم الله الرحمن الرحيم اعوذ بكلمات الله التامات
ميرا: ليه شفتي عفريت
جنان: لأ
ميرا: كويس انك عارفه
جنان: شفت اوحش من العفريت
ميرا: انت بتقولي ايه
جنان: بت انا مش فايقالك سيبيني بقي و روحي اتخمدي
ميرا ل صقر بدلع: قولي انت يا صقر رايحين فين
صقر  : اوف رايحين لواحدة صاحبت جنان ارتحتي
ميرا: ايه دلوقتي
جنان: آه عندك مانع
ميرا: انا جايه معاكوا
جنان: جايه معانا فين
ميرا: في المكان الي انتم رايحينوا
جنان: لا يا حبيبتي متشكرين مش عايزينك و بعدين جايه ليه ها علشان عرفتي ان صقر جاي و البت ملاك حلو و قمر
صقر بصدمة: بس انا مش هاجي
جنان : هههههه بيهزر علشان مش عايزك تيجي
ميرا في سرها : ايه حلوة و قمر؟
ميرا: لأ انا هاجي
صقر: خلصووني بقي
جنان: يلا يا صقر و انت يا بت اطلعي يلا فوق
و بتطلع جنان و صقر و بيركبوا العربية و ميرا بتطلع بس مش عشان تنام ميرا بتطلع و بتجهز
ميرا: انا مش هسيبك انا هاجي يعني هاجي انا هجهز بسرعة و اركب مع السواق و هروح و را عربيتهم
و فعلا بتخلص ميرا و بتركب و بتمشي ورا صقر
عند ملاك....
ملاك و هي محتاسه: اعمل ايه طب بتتكلم جد طب البس ايه طب يييه
و بتلبس ملاك بلوزة سوده و بنطلون اسود بحكم ان باباها لسه ميت من قريب بس مش اوي يعني و بس هي لسه زعلانه و بترفع شعرها بالمشبك بس علي الرغم من كده بتكون قمووره
جنان و هي بتخبط علي باب ڨيلة ملاك: اصحي يا ناايم و حد اداايم اصحي يا ملوووكة
ملاك و هي بتفتح: بس يا صداح يونس هيصحي
جنان بجديه و هي بتحضن ملاك: وحشتيني اوي يا ملاك بقالي كتيير مشفتكيش و مش بتيجي الجامعة
ملاك و هي بتبادلها الحضن: و انت كمان يا جنان وحشتيني اوي بجد
جنان و هي بتبعد: خلاص بقي كفاية محن وسعي كده يلا عما ادخل
ملاك ب إبتسامة: اتفضلي يا حبيبتي
جنان: استني
و فجأة جنان بتشد صقر من ايدو و بتدخلوا
جنان: اتفضل اتفضل ادخل يا صقور البيت بيتك
طبعا صقر كان عامل حسابه يوصل جنان و يمشي و ملاك كانت بتحسب جنان بس الي هتيجي
صقر و ملاك كانوا بيبصوا لبعض بصدمة
جنان: يلا انتم لسه هتبصوا لبعض يلا يا بت يا ملاك اروح اقعد فين
ملاك و هي لسه بتبص علي صقر و شاورت ليها علي الصالون: هناك
جنان و هي بتشد ايد صقر: يلا تعالي شكرا يا ملوكة
و فعلا بيدخلوا و بيقعدوا
ملاك و صقر مكانوش بيقولوا حاجه
جنان فجأة: لا لا مش عاجبني السكوت ده
ملاك: آه اسفه بجد تحبوا تشربوا ايه؟
صقر و هو مضايق لإنه اصلا مكنش عاوز كده و اتوعد لجنان بس لما يروحوا: شكرا
جنان: عصير مانجا لو سمحتي
ملاك: من عيوني
جنان: و قهوة سادة ل صقور
صقر: انا قلت مش عايز
جنان: لا عايز
ملاك بإحراج: احمم حاضر
و فعلا ملاك بتدخل و شوية و بتطلع بالصينية و بتقدمها لهم و فجأة جرس الباب بيرن
ملاك: بعد ازنكم
صقر في سره: عامله طيبة و مؤدبه اوي و انتم الي ورا كل حاجه
ملاك بتفتح الباب و بتلاقي ميرا
ملاك: مين حضرتك
ميرا بتزقها و بتدخل: وسعي كده فين جنان و صقري
ملاك بصدمة: جنان و صقري؟! و بعدين ايه قلة الادب ديه انتي ازاي تدخلي كده
(متنسوش ان ملاك عصبية )
ميرا و هي بتبص ليها من فوق ل تحت: و انت مالك يا بتاعة انت
ملاك: بتاعه؟ لاا ده انت في بيتي و بتغلطي ثانية ثانية انا افتكرتك مش انت كنت معانا يوم موت جد جنان
ميرا بتذكر: آه و انت المعفنه الي كنت مع جنان
ملاك بصوت عالي: لاا ده كده كتير قسما بالله ان ما طلعتي برااا لاكون معرفاكي مين ملاك
جنان ل صقر: ايه ده ملاك بتزعق ليه
صقر بلا مبالاه: و احنا مالنا
جنان: هو ايه احنا مالناه
جنان بصدمه : ثانية ثانية ده صوت ميرا؟!!
صقر بتركيز: كأنه كده
جنان و هي ب تشد صقر : تعالي اما نشوف فيه ايه
و بيطلع جنان و صقر و بيشوفوا ميرا فعلا
ميرا في سرها: جيت برضو يا صقر عند البت ديه مع جنان بس البت حلوه برضو لأ مش هسيبك يا صقر لزقالك لزقالك
ميرا بدلع و دموع مزيفه و هي بتجري علي صقر: صقري شفت البت ديه عملت ايه اول ما فتحت لي الباب شدتني من شعري و بتشتم فيا دلوقتي
ملاك بعصبية اكتر: انا يا كدابة يا حربايه يا معفنه يا مقشفه اكمل و لا...
جنان: بت يا ميرا انت ايه الي جابك هو انا مش قلت اتخمدي و بعدين ملاك مين الي تعمل كده طب و الله اكيد انت الي جريتي شكلها
ميرا بدلع: انا و الله معملتش حاجه هي بتتبلي عليا و كمان اهي بتشتمني قدامكم
ملاك و كانت هتروح علي ميرا بس جنان مسكتها: بتكدبي كمان لااا تبقي متعرفيش مين ملاك احمد الكيلاني و الله ان ما كنت مسحت بيكي الڨيلا كلها مبقاش انا
ميرا بدموع مزيفه ل صقر: شفت شفت بتعمل ايه
صقر بصوت عالي: بببسسسسس اسكتوا انتم الاتنين انت يا ميرا ايه الي جابك هنا انت مبتسمعيش الكلام هو مش قلنا متجيش و لا بنكلم الحيطه و انت كمان يا بت بتتكلمي معاها كده ليه هااا
جنان بصدمة: صقر انت بدافع عن ميرا الحربوقه ديه
صقر بيكمل ب عصبية: و لا بدافع ل ديه و لا ديه بس مش اي حد من عيلة القيناوي يتعامل بالطريقة ديه من ناس زي ديه
ملاك بعصبية : و الله يا خسارة عيلتكم بواحدة زي ديه و اتفضلوا اطلعوا براااا
جنان و هي بتهديها: اهدي يا ملاك ابوس ايدك
ملاك و الدموع في عنيها: لو سمحتي يا جنان سيبيني و كملت كلامها ل صقر و ميرا: و انت اطلع براا انت و السنيورة بتاعتك ديه
ميرا فرحت قوي من الي صقر عمله هي عارفه ان هو مش بيحبها و لا عمل كده ليها هو علشان اهم حاجه عنده عيلته يمعتها تكون كويسة و في حماية و الناس تتكلم عنها كويس
ميرا: يلا يا صقر بينا اصلا متستاهلش نقعد هنا دقيقة واحدة
صقر و هو بيزق ميرا و بيقول بعصبية: ابعديي انت كمان انا مااشي كتكم القرف
اول ما صقر مشي ملاك هجمت علي ميرا
ملاك: اقسم بالله ما سيباكي
ميرا: آه ابعدي يا متوحشه
جنان و هي بتتفرج بسعادة: لو كنتي سكتي كان اكرملك بس نقول ايه ابقي قابليني لو سابتك قبل ما متعرفكيش عينك من ودانك😂😂
و بس كده يكون البارت خلص اتمني انه يكون عجبكم و هتوحشوناااا جداا سلامووز ♥