⛓️ملاك الصقر ✨❤

part 18

السلام عليكم ازيكم يا حلويين عاملين ايه انهاردة جايين ليكم ب بارت جامد جموده احمد حموده و صلوا علي النبي ﷺ و يلا نبدأ..........
عند جنان و سيف بيوصلوا تحت الشركة و بيطلعوا ل صقر بس قبل ما يدخلوا بيكون.......
صقر بغموض ل بنت في التليفون: لا خليه لسه اللعبة مخلصتش
البنت:........
و هنا جنان بتخبط علي الباب
صقر: طب اقفلي دلوقتي
جنان: صقوووور باشا مصر عامل ايه
صقر: المصيبة المتحركة جت
جنان: لا اخص عليك
صقر: اهلا يا سيف انت كمان جيت
سيف ببرود: اه لسه واخد بالك
صقر: مالك انت مضايق؟
سيف: آه علشان مينفعش الي جنان عملته ده
جنان بصدمة: انااا!! ده انا طيبة خالص و نسمة كده مش بتحسوا بيا
صقر: اه فعلا و احنا ظالمينك
سيف بعصبية: م هو مينفعش يبقي عندي مهمه و فيه قنبلة في المدرج ممكن لا هي اكيد كانت هتروح فيها و بس ازاي لازم تتصور معاها م اصل دي بتحصل مره في العمر صح يا استاذه جنان
جنان زعلت من جواها بس مبينتش
جنان: عادي ع لفكره مكنتش هموت انا واخده بالي كويس اوي
سيف و هو لسه متعصب: اه صح واضح جدا
صقر: كده عقابك معايا زاد يا جنان و مش اي حاجه ينفع نهزر فيها
سيف: بعد ازنك انا لازم امشي
جنان حست انها زودتها شويتين تلاته فقالت هتخرج وراه
جنان ل سيف بره المكتب: انت زعلان؟!
سيف: انت شايفه ايه
جنان: انك كويس و كمان من فرحتك بيا هتروح و تجيب ليا شوكولاتة و كيكة بالشوكولاتة و عصير شوكولاتة
سيف: ايه كل الشوكولاتة ديه و بعدين انا مش مصالحك و ملكيش دعوه بيا و ياريت منتعاملش مع بعض تاني غير بحدود او منتعاملش خالص و نتكلم ب ألقاب يا آنسة جنان
جنان ب دور يمين و شمال
سيف: انت بتعملي ايه
جنان: بشوف مين الي الي بتكلمها ب قلة الذوق ديه
سيف: مفيش غيرك يا ظريفه
جنان: بقي كده
سيف: يلا اتفضلي اتحركي علشان عايز امشي
جنان: اييهههه انت مش هتوصلني يا سيف
سيف: استاذ سيف
جنان بحزن: ماشي يا استاذ سيف اتفضل بالسلامة
و سيف مشي و فضلت جنان مع صقر لحد ما روحت معاه
            ♕•••••••••••••••♕•••••••••••••••♕
عند ميرا و ياسين....
ميرا: مش هتيجي بقي يا ياسين علشان تتجوزني
ياسين بلا مبالاة: لأ
ميرا بصوت عالي نسبيا: نعم ليه بقي مش انت وعدتني انك هتعمل كده
ياسين ببرود: آه بس ده لو كنتي عرفتي تخلي صقر يحبك و تتجوزيه و يكتب لك كل املاكه و ده الي اتفقنا عليه و وقتها قلت هبقي اتجوزك
ميرا بعصبية: بس انا عملت الي اقدر عليه و هو و لا هنا اعمل ايه يعني
ياسين: صوتك ميعلاش عليا يا ميرا و متنسيش انا مين
ميرا بدلع: بقي كده يا سوسو تنسي حبنا
ياسين في سره:  حب ايه حبك برص
ياسين: امشي يا ميرا
ميرا: انا كده كده ماشيه و سايبالك المكان
ياسين: احسن
ميرا بدموع: ليه بتعاملني كده
ياسين: عايزاني اقول لك ايه يعني و انت معرفتيش تعملي لحد دلوقتي اي حاجه
ميرا: خلاص و الله هحاول تاني بس متسبنيش
ياسين: هنشوف
          ♕•••••••••••••••♕•••••••••••••••♕
عند ملاك..........
ملاك كانت قاعده في اوضتها و بتفكر انها غابت كتير عن الجامعة و الامتحانات قربت و لازم ترجع لان بقالها اسبوعين و نص جنان بتجيب لها المحاضرات من زمايلها (لان جنان دكتورة اطفال اما ملاك طب جراحة )
فجأة بيرن تليفون ملاك
ملاك: الو
الدكتور: آنسة ملاك؟
ملاك: ايوة مين معايا؟
الدكتور: انا الدكتور الي بتابع حالة المدام نهال والدة حضرتك
ملاك بخضة : ايه الي حصل هي ماما كويسة
الدكتور بهدوء: متقلقيش هي كويسة و فاقت الحمد لله
ملاك بفرحه: بجد طب عادي الزيارة
الدكتور: آه طبعا و كلها كام ساعة نطمن علي حالتها و تقدر تروح معاكي علي طول بإذن الله
ملاك بفرح: بجد شكرا جدا جدا
و بتقفل ملاك و بتكون فرحانة جدا....
و كده خلص البارت اتمني يعجبكم و استنوا البارت الجاي علشان هيكون جامد و سلاام