⛓️ملاك الصقر ✨❤

part 12

السلام عليكم عاملين ايه و حشتووني و I miss you so much ❤❤ و مش عايزة اطول عليكم و يلا نبدأ قصتنا................
و في يوم جديد و كان يوم خميس بتصحي كل من جنان و ملاك و طبعا كل واحدة بحاله و حالتهم بتكون......
جنان : اووففف ليه عندي سكشن النهاردة اشمعنا مجموعتي يعني ده ايه الظلم ده ده انا مجموعتي شطورة جدا حتي بالدليل انا موجودة فيها و عمر ما حد مشتكاش مني ابدا ف ليه بقي ها
ملاك : يا سااتر علي ديه دكاتره اموت و اعرف متخرجين اونلاين دول و لا ايه بيحسسوني ان هما من دهب و واقفين معانا تواضعا منهم
و كل واحدة بتقوم و تفطر و بيلبسوا و يتقابلوا علشان يروحوا الجامعة مع بعض...
جنان : ازيك يا ملاك
ملاك بإستغراب : ايه ده ايه الهدوء ده هو انت عامله مصيبة
جنان : لا و الله بس عاوزه انام و بعدين ايه كل شوية لما تلاقوني ساكتة تقولوا عامله مصيبة و بعدين الاقيها منك و لا من صقر كل شوية عامله مصيبة عامله مصيبة
ملاك : خلاااص ايه كل الكلام ده علي الصبح و كل ده و عايزه تنامي
جنان : طب يلا مشي رجلك شوية علشان هنتأخر
و فعلا بيوصلوا للجامعة و بيكون يومهم عادي لحد اما........
ملاك و جنان و هما خارجين من المحاضرة الي قبل الأخيرة
جنان : اخيرااا اليوم قرب يخلص و هروح علي سريري انام
ملاك : اسمها الحمد لله خلصنا
جنان : ماشي يا ستنا الشيخه
و قبل ما ملاك ترد عليها تليفونها بيرن بإسم مامتها
جنان : مين بيرن عليكي
ملاك بإستغراب : ديه ماما
جنان : طب ردي
ملاك بعد ما فتحت : السلام عليكم
مامتها : و عليكم السلام
ملاك : ازيك يا ماما
مامتها بصوت حزين : انا مش كويسة يا ملاك
ملاك بخضة و قلق علي مامتها : ليه خير يا ماما فيكي حاجه
مامتها : مش انا يا بنتي
ملاك : اومال مين و ايه الي حصل
مامتها : باباكي تعب فجأة و راح المستشفي و دخلوه العناية المركزة
ملاك بخوف علي باباها : ايييه انا جايه حالا انت في مستشفي ايه
مامتها : مستشفي.......
ملاك : تمام انا جيه
جنان : ايه في ايه يا ملاك
ملاك مردتش عليها و راحت بسرعة علشان تشوف باباها و تبقي مع مامتها
جنان : مالها البت ديه اتهبلت و لا ايه لا لا ملاك عاقله اكيد فيه حاجه
و في مستشفي..... بتوصل ملاك و بتسأل علي غرفة العناية المركزة و بتلاقي مامتها و اخوها قدام الباب
ملاك ل مامتها قدام بابا العناية : ماله بابا يا ماما ايه الي حصله
نهال (الام) : مش عارفة يا ملاك الصبح كان كويس و كان خارج للشركة بس فجأة وقع مغمي عليه معرفتش اعمل ايه و نديت علي الحرس بسرعة و جابوه علي المستشفي علي طول
ملاك : طب و فين الدكتور ليه مخرجش
و فجأة بيخرج الدكتور
الدكتور : هو المريض عنده السكر
نهال : آه
ملاك اتصدمت جدا
ملاك و هي لسه مصدومة : ايه من امتي  و ازاي متتقوليليش يا ماما
نهال : هقولك بعدين يا ملاك
الدكتور : طيب المريض مهمل جدا في ادويته و مش بياخد باله من الاكل الممنوع و الكميات و ده اتسببله في انه يحصله جلطة سكر و يدخل في غيبوبة ف إدعولوا
ام ملاك مستحملتش و قعدت علي الكرسي
و ملاك لسه مصدومه و كل ده و معاهم يونس الي عنده سبع سنين و مش عارف هو ايه  الي حصل بس يعرف ان باباه تعبان و بيحسب شوية و هيخرج و يروحوا كلهم (صعبان عليه و الله🥺)
ملاك : انت ازاي يا ماما متقوليليش حاجه زي ديه و حتي لو ازاي مهتمتيش بأكل و ادوية بابا
الام و الحزن لسه مقصر عليها : و الله انا مخليه بالي من ادويته بس هو كان يقولي متقلقيش انا كويس و منتظم علي ادويتي
ملاك و هي بتطبطب علي مامتها بحنية : اهدي يا ماما ان شاء هيفوق و هيبقي كويس و كلنا جنبه بس قوليلي عنده من امتي و ازاي
نهال : من سمتين حصل خلاف بين شركة باباكي و شركة القيناوي بعد ما كانوا شركاء و اصدقاء و بيكسبوا اي ثفقات بيدخلوها مع بعض و في مره كانوا في ثفقه مهمه و حصل مشكلة و خلاف بين الشركتين و بقت الشركيتين اعداء و تضد بعض و ده تعب باباكي جدا و جاله السكر
(ملحوظة :علشان كده صقر اتصدم لما عرف اسم ملاك الكامل و اصلا في شركة تالته وقعت بين الشركتين هيظهر اسمها بعدين)
ملاك: طب مقلتوش ليا ليه
نهال: ابوكي هو الي اكد عليا و لا انت و لا اخوكي تعرفوا حاجه عن الموضوع ده
ملاك: تمام لما يفوق هشوف الموضوع ده
نهال: بس يفوق يا بنتي
ملاك: ان شاء الله
عند سيف اول لما فتح الباب لقي.....
سيف: ريم؟!
(احب اعرفكم ب ريم شخصية جديدة و هي تبقي بنت عمت سيف و بتحبه و ساكنة في الڤيلا الي جنب سيف و طبعا مش محتاجه اقول ان سيف مش بيطيقها لانها بنت دلوعة و اهم حاجه عندها جمالها يعني نقدر نقول لا تفرق شئ عن ميرا غير ان ميرا همها الفلوس و ريم همها الجمال)
ريم بدلع أوڤر: ازيك يا سيف وحشتني جدا
سيف بقرف: اهلا و الله انت موحشتنيش
ريم: اكيد بتقول كده علشان محروج
سيف: لأ علشان مش طايقك
ريم بغضب: ليه ان شاء الله
سيف: ملكيش فيه و يلا خشي ل ماما جوه
ريم:طب و انت رايح فين؟
سيف: و انت مالك سبيني في حالي
ريم: لا هفضل وراك و مش هسيبك لغيري
سيف بعد اهتمام ل كلام ريم: سلام يا زوزو انا نازل
ريم بغضب: ماشي يا سيف
عند جنان كانت خلصت آخر محاضرة و كانت هتروح و بعد نص ساعة بتوصل البيت
جنان: يا اهل البييت انتم فييين
صقر من وراها: انت يا بت مش عايز صداع بالله عليكي
جنان و هي بتمثل الزعل: بقي انا صداع يا صقور
صقر: آه
جنان: شكرا شكرا ديه شهادة اعتز بيها يا صقور و الله
صقر و هو بيدور علي حاجه يرميها عليها: غوري يا بت من هنا مش ناقص فقع مراراه علي الصبح
جنان بهزار: هسيب لك البيت و همشي و مش هتعرفلي طريق خالص مالص
صقر: امشي يا هبله من هنا
جنان: حاضر يا صقوري
بعد شوية جنان دخلت للخدم في المطبخ
جنان: انا الي هعمل الاكل انهاردة
الخدم: لا يا جنان هانم مش عايزين نتعب حضرتك
جنان: اول حاجه اسمي جنان و بس تاني حاجه عادي انا عايزة اتعب
الخدم: الي حضرتك شيفاه
و في الوقت ده بيوصل سيف عند صقر علشان صقر عاوزه في حاجه مهمه
سيف و هو بيطبل علي الباب: صقووور افتح يا صقووور
صقر بعد ما فتح: انت ياض مش عاوزين صداع ايه هو كل شوية هقول نفس الكلمة
سيف: حاضر يا صقور
و دخلوا للمكتب
جنان و هي في المطبخ بتبدع: و الله انا مفيش زيي في الاكل و مكملتش الكلام و الا تشم ريحة حاجه بتتحرق و فيه حراره جامدة حاسه بيها
جنان و هي بتجري علي مكتب صقر: صقووور الحقنييي البيت بيولع
صقر و سيف في صوت واحد: ايييه
جنان: انت لسه هتتصدم يلااا بسرعة و كل ده و جنان مأخدتش بالها ان سيف موجود (اصل البت ولعت في البيت عاوزاه ايه تاني😂😂)
صقر اول لما دخل المطبخ لقي فيه زيت بيولع و فيه نار طالعه ل فوق ف طفي النار و غطي الطاسة بسرعة
صقر بغضب: جنااان تعالي هنااا
جنان بعد ما استخبت في المكتب: مش جايه
صقر: انا قولت تعالي هنااا
جنان برعب و شوية و هتعيط: حاضر
صقر بنفس الغضب: ايه الي انت نيلتيه في المطبخ ده
جنان بخوف و عياط: آسفه
صقر مقدرش يشوفها بتعيط ف قال ليها: خلاص يا جنان متزعليش انا عملت كده علشان كنت هتولعي فينا كلنا و كان ممكن يحصلك حاجه
جنان: انت بتزعقلي علشان مليش حد يقف ليك صح
صقر: بلاش هبل انا زعقت ليكي علشان خفت عليكي و بعدين ملكيش حد ازاي م انا اخوكي و معاكي اهو
و كل ده كان بيتابع سيف الموقف بهدوء و هو بيفكر ازاي صحبه هدي مره واحدة لما شاف البنت ديه بتعيط و قال في نفسه: مين ديه انا حاسس ان انا مش اول مره اشوفها و ازاي تبقي اخت صقر اساسا
جنان بعد ما فكت و رجعت للهبل: اشطاا يا صقور يلا علشان ناكل الاكل الي انا عملاه
سيف بصدمة: انت مش كنتي زعلانة و بتعيطي دلوقتي
جنان: يا عم متركزش علشان ميحصلش ليك error مني
سيف: حاضر
جنان بإستغراب و هي بتشبه عليه: هو انت مين؟
سيف: انا سيف يوسف الشناوي صاحب صقر
جنان: آه ثانيه مش انت الي كنت معانا في المستشفي
سيف: ايوة و انت البنت الي تعبت صح
جنان: ايوة
صقر: خلصتم وصلة التعارف ديه
جنان وسيف: آه
صقر: طب يلا علشان هجيب اكل من بره و انت يا سيف هتاكل معانا
سيف: لا علشان زوزو متزعلش يا صقور
جنان: لا انا عامله اكل و هتاكلوا منه و كمان مين زوزو
سيف: زوزو تبقي امي
جنان: و اسمها زوزو ازاي يعني
سيف: لا هي اسمها زهراء بس انا بدلعها ب زوزو
صقر ل جنان: انا لو حصل ايه مش هاكل من الاكل الي انت عملاه ده
جنان: ليه ان شاء الله طب هتاكل غصب عنك انت و سيف
سيف: طب انا ماالي
صقر: جنااان
جنان: نعم يا صقوري
صقر: هطلب اكل و خلص الكلام
جنان بصوت واطي مسمعهوش غير سيف: ربنا علي المفتري و الله م انا مسمحاك يا صقر يا ابن ام صقر و يارب صباع رجلك الصغير يخبط في حرف السرير
سيف بضحك: هموت مش قادر ده انت فظييعه
صقر و جنان: فيه ايه؟
سيف: لا لا مفيش
و بعد شوية بيجي الاكل و بياكلوا و طبعا الجو مخليش من هبل جنان و ضحك سيف علي كلامها
و ستوووووب كده يكون بارت ١٢ خلص اتمني انه يعجبكم و هو اطول من كل البارتات الي فاتت و بس كده سلااام💕