⛓️ملاك الصقر ✨❤

part14

سمووو عليكوووو عاملين ايه من آخر بارت و ان شاء الله تبقوا مبسوطين برضو بعد البارت الجاامد ده و بس كده يلا نبدأ.......
في قصر الكلاني بتتدخل ملاك و يونس و هو في ايدها بس و السبب ان...........
                      ♡................... ♡
نروح عند جنان بعد ما خلصت علي الاخت ميار
جنان بتفكير : أعمل ايه يا ترا اعمل ايه انا كده خلصت المحاضرات و حضرتها ل ملاك و ضربت البت ميار اعمل ايه تان.......  قبل ماتكمل فكرت في صقر
جنان بحماس : بس كده هو مفيش غير الواد صقور اروح ليه الشركه و ربنا يستر و متولعش بينا
جنان و هي في طريقها ل شركة صقر في حد بيخبط فيها
جنان من غير متشوف : اايهه يا اخ انت مش تفتح و لا انت ماشي تتدوس علي خلق الله
الشخص بزهول : جنان
جنان و هي بترفع راسها تشوف
جنان بصدمة : سيف
سيف : انت بتعملي ايه هنا و ليه ماشية لوحدك
جنان سابت كل حاجه و ركزت علي هدوم سيف الي كانت هدوم ظابط
جنان : انت لابس كده ليه هو انت ظابط ظبوطه
سيف : ظبوطه؟! انا يتقالي ظبوطه و احد مز و جميل و رائد زيي و يتقالي ظبوطه علي آخر الزمن
جنان : ايه ده يعني انت بجد ظابط اللههه زي بتوع الروايات حليوه و ظابط و جنتل مان
و بعدين اخدت بالها من الي قالته و اتكسفت
جنان : معلش بس اصل بقرأ روايات كتير
سيف بضحك : و لا يهمك بس انت فعلا اسم علي مسمي
سيف بجدية : انت بقي ماشية لوحدك ليه و راحه فين
جنان : ايه يا عم ده انت هتعمل عليا ظابط و لا ايه
سيف : انا مش بهزر
جنان : انت قلبت مره و احده كده ليه
جنان : علي العموم كنت راحة ل صقر الشركة و انت رايح فين بقي؟
سيف : كنت رايح اجيب اكل بس تعالي اوصلك
جنان : هتوصلتي مشي ايه ده فين الجنتله
سيف في سره : انت متفرقيش حاجه عن اختي و الله العظيم
سيف : اكيد لأ بس كنت رايح اجيب اكل مشي لانه قريب بس كنت هوصلك بعربيتي
جنان : لا متشكره شكلك اصلا بتضحك عليا و مفيش عربيه
سيف و هو بيشاور لها علي آخر الشارع علي عربيه جاامدههه
سيف : دي عربيتي ياختي
جنان : اووبااا طب غيرت رأيي يلا وصلني
سيف : عادي كده موافقه و انت متعرفنيش غير من كام مره
جنان : متقلش كده خلاص احنا بقي مبينا عيش و ملح
سيف بصوت واطي : اكيد انا العيش و انت الملح
جنان : ايه بتقول ايه سمعني كده
سيف : يلا ياختي مبقلش حاجه يكش يتمر
جنان : بيتمر متخافش حتي اسأل البت ملاك و  بيروحوا هما الاتنين و بيركبوا عربية سيف
                      ♡................ ♡
في قصر الكلاني بتدخل ملاك و في ايدها يونس و هي بتعيط لان يومها كان صعب و السبب
فلاش باك........
فجأة و ملاك و مامتها و يونس قاعدين بره الاوضه و مامتها بتقرأ قرآن
قجأة بيلاقوا الممرضة بتطلع بسرعة و بتنادي علي الدكتور و بتقول : دكتووور بسرعة المريض قلبه وقف
و فجأة بيلاقوا في حركة كتير و ممرضين رايحين و دكاترة جيين و الحالة بقت صعبه
ام ملاك اول ما سمعت كده انهارت
نهال : لا لا احمد متروحش
ملاك بدموع و هي بتحاول تهدي مامتها : اهدي يا ماما ادعي بس ادعي
نهال : يااارب
و فجأة بيلاقوا الدكتور بيطلع بحزن و بيقول : البقاء لله المريض مستجبش و من تعبه الشديد عضلة القلب كانت ضعيفة و كمان لانه في غيبوبه صعبة و عملنا الي علينا و ديه حكمة ربنا
الكلام ده نزل علي نهال و ملاك زي الصاعقه و فجأه ملاك بتسمع صوت حاجه بتقع علي الارض و بتلاقي مامتها اغمي عليها
ملاك : مااماااا
و بتنادي علي دكتور بسرعة
و فعلا بيجوا و بيدخلوها العناية المركزة و بتفضل ملاك و يونس بره
ملاك بتقعد علي الارض و بتنهار
ملاك : يارب متاخدش ماما كمان انا مبقاش ليا غيرها يارب انا معيش حد يقف جنبي و مليش غيرك يارب ف قومها ليا بالسلامة
و بيطلع الدكتور و بيقول لها : للأسف زعلت جدا و ده خلاها تتعب و مش هينفع تخرج دلوقتي هنخرجها بعد ما حالتها تستقر و تهدي
ملاك : يعني انا هروح من غيرها
الدكتور : للأسف
ملاك : يعني مش هروح من غير بابا و لا ماما ههه
باك......
بتدخل ملاك للقصر الي بقت حاسه ان المكان بقي وحش اوي من غير باباها و مامتها و بتنيم يونس و بتطلع اوضتها و بتعيط جدا علي الي حصلها لان يومها مكنش سهل لان باباها توفي و بعدها علي طول مامتها تعبت
                  ♡...................... ♡
عند جنان بتنزل من عربية سيف تحت الشركة
جنان بلطف ل سيف : شكرا
سيف : يااه اول مره تتكلمي حلو و برقه كانت فين المعامله ديه
جنان : تقصد ايه
سيف : مقصدش و الله
جنان : ماشي سلام
سيف : سلام
و طبعا بتتطلع جنان ل صقر و بترخم عليه و جو جنان الي مبيخلصش من الهبل و الجنون و الضحك
بيروح صقر و جنان للقصر و بتطلع جنان علي السلم
صقر : راحه فين
جنان : هطلع اكلم البت ملاك الحيوانه الي مسألتش فيا بقالها ٣ ايام
صقر : ماشي
جنان في الوضه و هي بترن علي ملاك : اهلا يا حجه يالي نسياني
ملاك و واضح في صوتها الحزن : اهلا
جنان : مالك يا ملاك
ملاك بتنفجر في العياط و بتبدأ تحكي لها كل الي حصل
جنان بصدمه و حزن : ايه ازاي كل ده يحصل و متقوليش ليا
ملاك : اهو حصل و معلش انا هقفل علشان يونس بينادي
جنان : ماشي سلام
و بتقعد زعلانة جدا و بيدخل صقر عليها
صقر : المجنونه مقموصه ليه
جنان : مفيش
صقر بجدية : مالك
جنان بعياط : انا حاسه ان انا وحشه
صقر : ليه بتقولي كده
جنان : فاكر ملاك صاحبتي الي كانت معايا يوم موت جدو ربنا يرحمه
صقر بتركيز  : اممم فاكر
جنان : انهاردة حصل معاها...... و بدأت تحكي ليه
صقر : طيب
جنان : هي كانت معايا طول الوقت لما جدو مات حتي في المستشفي مسابتنيش و بعد ما رجعت البيت وكنت في حالة اكتئاب كانت بعد ما بتروح الشركة بتيجي تقعد معايا و هي يحصل معاها كل ده و انا مكنتش معاها
صقر في نفسه : كانت بتيجي الڤيلا كمان
صقر : طيب يا حبيبتي ده قضاء و قدر
صقر : يلا نامي بقي الوقت اتأخر
جنان : بس وعد انك بكره ه............
و ستوووب كده يكون البارت خلص اتمني انه يعجبكم و سلام 🥰+ احنا هنوقف تنزيل شوية لان العيد قرب كل سنه وانتم طيبين و كمان علشان دراستنا و ان شاء الله هنرجع نكمل تاني في اقرب وقت ❤