خادمة ابي

الحلقة الثانيه

اقتباس الحلقه
﴿امتلك غروراً حقيراً جداً ، قد يجعلني تتخلي عن أي شخص حتي وان كنت لا تريد سواه﴾

* كان في بلجيكا وعندما اتاه الاتصال وعرف الخبر اغلق الخط والقي الهاتف بهدوء من فوق مبني حوالي ٢٠ دور عالي جدا رفع نظره إلي السماء .
.
. كنان : أقسمت اني مش هرجع بس انا هرجع بس مش علشانك ولا علشان احضر عزاك لا أنا راجع عشان اخد حقي من ورثك كفايه انك حرمتني من حقي منك كإبن ...........
.حاول أن يخفي تلك الدمعه الهاربه لكنه لم يقدر علي اخفاء حزنه نزل الي مكتبه وأخذ مفتاح سيارته وذهب الي الفندق المقيم فيه علي الرغم من امتلاكه منزل هنا لكنه فضل الفندق أكثر .
.
. جيلينا : سيدي هل حقاً سوف تعود إلي مصر اظن انك قد أقسمت علي أن لا تعود أليس كذلك وان عدت من سوف يعتني بهذا المجتمع
رفع يدها لجعلها تصمت : ليس من شأنك وبأي حق تطرحي علي كل هذه الاسئله
جيلينا احنت رأسها : اسفه لم اقصد شئ
كنان بغضب : ديفيد الذي سيتولي المسؤوليه في غيابي سامعه أنا هرجع مصر النهارده
جيلينا : حسناً سيدي
كنان : تبعتوا لي كل جديد اول باول
جيلينا : كما تريد سيدي
.
. بعد اربع ساعات في مطار القاهره بمصر والساعه 9 مساءاً وفي ذاك القصر المظلم الكبير والكل في حالة زهول وصدمه ليس من وجود كنان بل من شئ أكثر صدمه فيما عدا فارس كان فقط هادئ جدا .
.
. كنان بزهول : ايه الي بيحصل ليه الكل مصدوم أعتقد إنه مش انا سبب الصدمه دي
اسراء بصدمه : لا مش انتا ابداً دي العقربه الي هناك دي السبب ( أشرت علي الاء )
مهند : هيا ملهاش ذنب عمي الي قسم كل حاجه أظن إن بابا كان جنبه وهو بيعمل كدا
شمس بغضب : بقا كدا عامله فيها خضرة الشريفه وانتي افعي يا بت طلعتي مش سهله بردك ازاي عملتي كدا
كنان : أنا عايز افهم
ايهم بغضب وصوت مرتفع : الخدامة دي لا خدامة ايه بقا الهانم دي مكتوب في وصية بابا أنها لها 51٪ من الأملاك الي لبابا عارف يعني ايه كل ده أنها اكتر مننا والي هتتحكم فينا
خالد بسخريه : يعني فاضل 49٪ بتوعك أنتا و اخواتك الا بشروط كمان عشان تاخدوهم
كنان اخفي صدمته وعاد لبروده : و طلبتم مني ارجع ليه وانتم عارفين كل ده
فارس بهدوء : عشان مكتوب انك ليك كمان زيادة نسبة 25٪ بس بشرط
كنان جلس و وضع قدم فوق الأخري : الي هو ايه الشرط دا
مهند : هتاخد حقك عند أول مولود ليك
كنان حك ذقنه : وايه المشكله
حذيفة بسخريه : اول مولود من الخدامة بتاعة عمي يا حلو مش اي بنت
كنان نهض من مكانة وضحك بسخرية : أنا كنان الراجحي اتجوز خدامة دا اكيد هزار
شمس : وبابا سايب لي بس 10٪
ايهم : وانا كمان 10٪ والخدمة لها الباقي اتخيل كدا انك ليك 29٪ وانا واختي 20٪ والخدامة دي لها الباقي
حذيفة بضحكة سخرية : كويس أنا بابا مش عنده خدامة والا كان زماني دلوقت متجوزها
كنان بغضب : وانا رافض ومش محتاج الفلوس دي خليها لها
اسراء : مش بتنطقي ليه يا حلوه اطلعي بقا من الدور ما انكشفتي
نظر لها كنان : حسابك معايا تقيل اوي أنا هندمك وهخلي الفلوس دي تخنقك انتي اكيد السبب في موت بابا بعد ما خلتيه يكتب لك الفلوس دي كلها
ايهم بخبث : اكيد ضحكة عليه ولما خدت الي هيا عايزاه سمته
كنان بصدمه : اييييييه؟؟!!!
اسراء بسخرية : هو محدش قالك إن والدك مات مسموم
شمس : اه اكيد هيا الي عملت كدا
. واقتربت منها شمس وكانت سوف تضربه لكن خالد امسك يدها .
خالد بغضب : أنا بقول تلمي ايدك ونفسك عنها علشان متزعليش مني لأني مش بحب امد إيدي علي بنات
كنان بغضب لكمه في وجهه : وانتا هتضرب اختي وانا موجود
مهند مد يده لتحول بينهما : كنان اقف عند حدودك مهما كان دا اخويا الصغير
فارس بصوت عالي : اضربوا بعض وانا موجود
مهند عاد للوراء : اتفضل كمل يا بابا
فارس بهدوء : هو انا مقولتش انك لو متجوزتش البت دي وخلفت منها أول مولود بشرط أنه يكون ولد لا انتا ولا اخواتك هتاخدو ورث خالص
ايهم ، شمس بصوت واحد : نعمممم؟!
اسراء اتسعت حدقة عيناها من الصدمه : اه يا شيطانه يا واطيه
خالد : طاب ولو هيا رافضه يا بابا
كنان بسخريه : لا عظيم اوي خدامة وكمان ترفض معدش غير خدامة الي ترفضني
الاء استجمعت قوتها : بس انا رافضة مش عايزه اتجوزه يا عم فارس
اسراء بشهقه عاليه : انتي ترفضي كنان الراجحي بردك حلو والله
ايهم امسكها من شعرها أمام الجميع : بقولك من الاخر كدا أن كان عاجبك بقا هتتجوزي كنان وتخلفي كمان
فارس ضرب ايهم بالقلم : ازاي تمد ايدك علي بنت وقدامي كمان
-شمس غادرت المكان وذهبت الي الخارج
_ غادر حذيفة خلف شمس
_اسراء ظلت ترمقها بنظرات تتواعد لها بالموت
_ايهم كان حائراً ماذا سوف يفعل
_ مهند كان يوزع نظراته بين كنان و خالد
.
. الكل مشغول بنفسه لا احد يهتم لرأي هذه الفتاه الكل ينتظر فقط راي كنان وكأنها ليست انسانه يعاملونها كما لو خلقت فقط لترضي غرورهم وتنفذ ماذا يريدون منها بعد صمت دام نصف ساعه نطق كنان وأخيراً .
.
. كنان نهض من مكانه وعدل بدلته : أنا موافق شوف بابا كان كاتب يبقا الفرح بعد كام يوم
فارس القي نظره في الأوراق : بعد الاربعين علطول
خالد : بسرعه اوي
فارس : لا دا يدوبك يلا يا ابني ربنا يرزقك بالذرية الصالحه يا كنان
الاء وزعت نظرها علي هذا المتعجرف الواقف ينظر لها بقرف كما لو كانت جارية عنده وأخيراً نطقت : لا يا عم فارس أنا مش موافقه
امسكها كنان بقوه من زراعها : أنا فاهم انتي عايزه توصلي لإيه عايزه تاخدي كل الأملاك لنفسك بس لا يا حلوه
الاء : طاب ... طاب ... أنا هتجوز خالد
خالد ببسمة خبث : بسسسس البنت اختارت
فارس بتحذير : خالد ؟!
كنان اقترب من خالد : أنا من وقت طويل وانا غايب والظاهر انك نسيت مين هو كنان والبيت كله نسي بس الي ينسي أنا افكره
اسراء : بس يا خالد كفايه
رغد أخيراً خرج صوتها : نفذ وصية والدك يا ابني واحنا معاك
كنان نظر لها بإستحقار : ومين قال إني منتظرك تكوني معايا اصلاً
الاء مسحت دموعها : اسمع لا أنا ولا انتا عايزين بعض لو سمحت ابعد عني وانا هديكم الي عايزينه
كنان ضحك بسخرية واخرج يده من جيبه وبها محفظته : طلعي المبلغ الي انتي عايزاه واعتبريه سعرك
اسراء بسخرية : استنا يا كنان أنا معايا حلق دهب يمكن تكون محتاجه كمان أصلها لازم تشوف نفسها غاليه بعد ما والدك كتب لها أملاكه كتير زي دي
رغد : كفايه كدا دي بني ادمه زيكم
كنان نظر لرغد : اه صح ما انتم الاتنين نفس الطبع تضحكوا علي الرجاله وتاخدو كل الي حليتهم اكيد رغد الاستاذه الكبيره بتاعتك
ايهم بغضب : انتا زودتها اوي بكلامك ده دي امي احترم نفسك
فارس بتحذير : كنان دي في مقام والدتك وكمان الاء دي هتكون مراتك
خالد : بابا انا شايف إنه ميستحقش اي حاجه من دي ابداً ولا حتي الخدامه
مهند بنبرة حادة وجه نظره لكنان : انشاء الله يمر الفرح دا علي خير وكل واحد ياخد حقه ويرجع مكانه
.
. كان الجميع سوف يغادر لكنهم وقفو علي صوت عالي وعبارات تقطع القلب وبخاصة فارس البعض التفت والبعض الآخر لا . ماذا قالت هذه الفتاه لكي تجعلهم يقفوا لها وهل سوف تقدر علي هذا المغرور الذي لا يريد سوي  نفسه وكبريائه فقط .