اسرار لا تباح

حلقة_٣_

#السر_الثالث

#اسرار_لا_تباح

#فـޢޢـرآقـޢޢــډ + هـޢޢـآلـޢޢــةّ
🕊🕊🕊🕊🕊🕊🕊🕊🕊🕊🕊🕊

#هدية_للغوالي 🫶🏻

🕊🕊🕊🕊🕊🕊🕊🕊🕊🕊🕊

بس الله يدري شلون حالي بهل الأيام
گمت احسد المدفون واليگدر ينــــــام..⚜️

ثار صوت الطلقة فوك راسي
ردت فعلي من الصوت القوي بس غمضت عيوني بقوة

ورجعت اذاني انغلقت

لحظة تكطع النفس

ما بودي أفتح عيوني واشوف البنيه ماتت
و انقتلت بسلاح اهلها (تحت مسمى غسل العار) هي شنو ذنبها بهذا وضعها

فتحت عيوني أباوعلها بصدمة
ما ادري بخوف
اريد اركز وين ضربتها الطلقة

احس بعدني فاقد الشعور عن الداير مدايري
رجعت مديت ايدي على بلعومها اتاكد من النبض واردد بدون وعي :- بعدها عايشه

والله العظيم لحظاات تمر على ذاكرتي مثل الكابوس

ابوها مكابلني ويبجي بهستريا
ويجر بيدي ارجعها على بلعومها
وصوته يروح ويرجع على مسامعي

ـ بس شوفها بعدها عايشه

بس اتاكد بعدها عايشه الله يخليك

هااا اجيبلها اسعاف

لو اخذها بسيارتي

شدكول اكدر اوصلها للمستشفى

جاوبته بكلمات بدون وعي:- اي عايشه
اي ناخذها للمستشفى
ااي اااي كلبها بعده شغال

رجعت ليوره كعدت على حيلي
سبحان الله صارت عندي رجفة فضيعة
كلت كلبي راح يوكف بسببها ،،

بوقتها شصار عندي ما اعرف؟!
فجأة توقفت حركة الكون عندي
كانما فقدت الشعور
ما اتذكر شنو الصار بهذيج الدقايق

وعيت اخوية طارق يأشر بيده كبال وجهي
ويطبطب على جتفي
ـ شبببيك عمر
شنووو دايخ

وعيت اكثر على صياح الولد
والهوسة الصارت بظهري
اخوانها ولد عمها تلازموا وصارتلهم عركه

اباوع خالاتي وابو البنية يلفون بيها بغطوة

وابوها يعيط بهستريا:- يااااحي يااا قيوم ياالله

طارق:- شبيك عمررر
شو احجي ويايه

ـ دااايخ  ،،  داايخ
طلعت الكلمة من حلكي تعتعت

ـ كووم يابه ويانه ناخذ المسكينة للمستشفى
انت هناك تعرف اكثر من عدنه

غمضت عيوني وبعد ما ادري بالدنيا وين صارت...