#السر_الثاني
#اسرار_لا_تباح
#فـޢޢـرآقـޢޢــډ + هـޢޢـآلـޢޢــةّ
🕊🕊🕊🕊🕊🕊🕊🕊🕊🕊🕊🕊مؤلم أن تراقب همس احرفهم بصمت ..
ثم تساورهم الظنون ... هل هي المعنية
أم
أنثى أخرى.....!!!!وصلت للوزيرية ،، اتصلت على بلال يدليني
ما اندل مكان بيت خالتي بالمضبوطوصلنا لفرعهم .. تقريبا وكت الظهر
بعد معروفة الوزيرية منطقة راقية
البيوت البيها نفهه واسعة وتخبل من ناحية التصاميم واني متاكد كل باب من ابواب هاي البيوت تضم وراها الف قصة و قصةشارع بيت خالتي صاير كراج خاص لسيارات الاقارب
بعض الشباب واكفين بره
بين الي يسولف .. وبين الي يدخن
والي صافن .. والي يتصل .. والي يتفرجطبكت سيارتي
خالدية بس شافت الوضع نزلت الدموع
ـ هااا ترى مو فاتحةـ انت بس انجعم وهي تصفى
عوود الزم السانك جوة لا تفصعن
العالم البيهم كافيهم ما ناقصين طولت لسانكـ خلودة شووو اكلتيني بكشوري
هسه اني حاجي فاتح حلكيـ اي اني احذرك بس انجعم وهي تصفى
دخلنا ،، باب بيتهم مفتوح
والطرمة ملظومة كراسي وزلم كاعدين بفي المكاندخلت
وعمتي تمشي ورايه دخلت جوة يم النسوانواني خذت الطرمه اسلم وابوس واكو زلم ما اعرفهم (اهل ابو سيف / عمام البنية)
كعدت ،، جاني بلال كعد بصفي
ـ شنو الوجبةنحجي همس
ـ اكو حجي يكولون مهزومة ويه صاحبهاالتفت عليه مصدوم
ـ كول غيرهابلال :ـ ناس يكولون مهزومة ويه صاحبها
وناس يكولون مخطوفة
وناس يكولون معلوسة لان اكو بنيه وياها بالخط مرجعيها لاهلها
ـ ولك لا تخبلني هن كم وحده ؟
وين رايحات؟ـ الي افتهمته
هن اربع بنات من المنطقه
وبنفس المدرسه يداومن
والسنة التجي يصعدن للسادس
ومن بلشت العطله هن مشتركات بخط ياخذهن يدرسن خصوصيومن البارحه الساعة ب ٩ الصبح طالعة وياهن وبعد ما راجعات
وكل الأهالي والأقارب يدورونلليل لگو السايق مگتول ومشمور ع الشارع
وحده من البنات مرجعيها لأهلها
بس يكولون صايره زرگه مكطعيها تكطع من الكتلوسارة والبنات الاثنين الوياها ماكو الهن اثر
ـ لعد ما دام السايق مقتول
وهاي البنية المرجعيها ضاربيها
هاي سوالف عصابات وخطف
استغفر الله البنية ما مهزومة
أنت تقرأ
اسرار لا تباح
ChickLitأقدم النصح واقول:- لا تبح بالأسرار للكلاب ... ولا تؤتمن جانب الأوغاد... فالكلاب رغم ما يقال عن وفائها فعادتها النباح... والأوغاد كالثعالب يغدرون بصمت .