#السر_الرابع
#اسرار_لا_تباح
#فـޢޢـرآقـޢޢــډ + هـޢޢـآلـޢޢــةّ
🕊🕊🕊🕊🕊🕊🕊🕊🕊🕊🕊🕊
زنچر گل بياض الروح ،،، بس لون الوجع يبرج
لو ما العيب الا ألزم خالاتي واكطعهن من الكتل
واطرد كل اهل سارة من المستشفى
يا عااار اليحجون عليه ،،، و يااا شماتة!!!
قابل هي بيدها لو بمزاجها صارلها كل الصار
بس ما اكدر اسوي شي لان مو من حقي ادخل
توكلنا على الله
ودكتور غسان استلم حالتها
غسان نغل وكلش زين يعرف شغل كريم صح
بس هو أناني واستقتل على حالتها
لان يريد يتفوق عليه (على كريم)
ويسجل نقطة لصالحه بتاريخه المهني
استلم الحالة و اخذ درب المماطلة بالعلاج
وصرف فقط علاج تحرزي لا اكثر
منتظرها تعدي الساعات الحرجة يلا يبدأ بخطة علاج طويلة ومتعبة ومؤذية ومؤلمة لحد ضگة النفس هاي لو عدت...!!
اني بقيت بعيد وماخذ دور المتفرج
لان اعرف شنو الي كاعد يدور
بس گلبي معصور على امها وابوها المساكين علقوا كل أمالهم على غسان ( الدكتور)
طلعني بلال من المستشفى بوجهنا لبيتنه
عمتي خالدية موجودة عدنه تباري رحمة
ما تكدر تتركها وحدها
سألت:- لعد وين وئام
رحمة:-زعلانة يم اهلها
ـ خير يااا طير على شنو زعلت هالمرة
ـ نفس كل مرة شنو الجديد
تعاركت ويه طارق تكول مصاحب موظفة وياه بالدوام
ـ اااووووو هاي ما تمل ما تتعب
مو الف مرة هو قسم الها ما عنده شي
واحنا أكلنه خررره وياها وحجينه يابه هذا الموضوع طلعي من بالج
حتى لو هو ناوي ياخذ الثانية احنا اخوانج ونمنعه وين يلگي احسن منج...
يابه انتم بس فهموني هي ليش بالكوه لو بالمروه تزرع براسه هاي سالفة !!؟؟
جاوبتني عمتي خالدية
ـ يمه المراه تحس بنقص چيف ما تضني
وشكلك اخاف لا يعرس ويجيب عليها شريچة
ـ يااا عمه من فدوة رحتلج لا تبرريلها
يعني واذا ما تخلف هذا الشي مو بيدها
وبعدين هو رزق من الله
مو المفروض تكعد تسايره وتلمه بحظنها
لو لازم يومية أدگدگ طبولهم؟!
ـ هذا هوو بعد عگلها صغير
يبعد أمك فكر النسوان ما هو سوه
هسه خلگ من وئام وكويلات طارق
بنية خالتك شلونها ؟؟
خالتك ام سيف شوضعها ؟؟
ـ يم الله عمه يم الله
رحمة يابه حضري ملابسي
وشوفيلي الحمام وياج خو ماكو نشرات ضوئية معلگة
أنت تقرأ
اسرار لا تباح
Genç Kız Edebiyatıأقدم النصح واقول:- لا تبح بالأسرار للكلاب ... ولا تؤتمن جانب الأوغاد... فالكلاب رغم ما يقال عن وفائها فعادتها النباح... والأوغاد كالثعالب يغدرون بصمت .
