#السر_الرابع_والعشرون
#اسرار_لا_تباح
#فـޢޢـرآقـޢޢــډ + هـޢޢـآلـޢޢــةّ
🕊🕊🕊🕊🕊🕊🕊🕊🕊🕊🕊🕊
حبايب النشر بين يوم ويوم....🫶🏻
//يا ساكن النبض المنتظم ،،
يا ريحانة قلبي وراحة افكاري
اكتب لي ..
واعد خطوط حياتي المتعرجة لاستقامتها
انظر لي ..
ورتب بعثرتي واعد اتزاني لعقلي من عينيك
يا كل اتزاني ..
حبيبي على ارض الواقع .. فارس احلام خيالي
اريد ان اراك بين السطور .. تارة تحمل الورد
وتارة اخرى تحملني بين يديك
وبين الدقائق تهمس لي بصوتك بعض الاغاني الحزينة ..
انا اخاف على كلينا من الغرور ب بعضنا..
نعيش السراء والضراء معاً بكل ايامنا ،، هل تعتقد أنه امر نادر في عالمنا هذا ..!؟
لنبقى خارج دائرة الضوء امر مريح جدا....!!!
انا معك بكامل سلامي .. اريد الاستمرار فيك الا مالا نهاية ..
مجنونتك ،،،، بكامل الاخلاص //
🕊🕊🕊🕊🕊🕊🕊🕊🕊🕊
بعد المشقة والتعب والم القيصرية
ولعبان نفس ويه ارتفاع الضغط
طلعت من المستشفى
الف الحمد لله والشكر لله
الكاع ما مكفيتني من الفرحة بصوت أبني وارث
عمران شكد ما فرحان بولادة وارث
شكد ما مغثوث من الصار ....!!
طلعنا للبيت ويانه خالتي ام كاظم
الغالية ابددد ما قصرت
دارتني واهتمت بيه احسن من امي الي كلفت نفسها وبس اتصلت تسأل شلونها سارة وشلونه الطفل...!!
وخالتي ما قبلت عمران يدفع لو درهم
حتى البغاشيش هي ورقتهم للمعينات
وتخاف على وارث تكمط وتبدل وتسهر
وتناغي //وارث أجه و ضواني
وعن الشغل لهاني //
وحتى من طلعنا ضمته جوه عبايتها تخاف عليه لا ينحسد والنبي هو طفل عادي مابي شي مميز لحتى ينحسد عليه...!!
وصلنا للبيت
عمر طلع المفاتيح من جوة السندانة
دخلنا جوة ،،، البيت فارغ...!!
ويسمط من الحر
هو ينافخ ويستغفر شغل المراوح والمبردات
مددني على السرير بس شنو شلعت گلبه وكفرته بالكائنات المجهرية اتألم وما اريد انطعج ،، هيج لازم ابقى مسطره عدله
يلا اتمدد لو انهض من مكاني
خالتي ترزل بيه عبالها ادلع عليهم
بس هي
وغيرها
والكل حقهم لان ما يعرفون ولا يتصورون عمق اثار الالم الي نبتت بروحي من هذاك اليوم الاسود واتوقع حتنمو وتكبر وتتكاثر الي يوم يبعثون
أنت تقرأ
اسرار لا تباح
ChickLitأقدم النصح واقول:- لا تبح بالأسرار للكلاب ... ولا تؤتمن جانب الأوغاد... فالكلاب رغم ما يقال عن وفائها فعادتها النباح... والأوغاد كالثعالب يغدرون بصمت .
