سجينة قلب الأبهر""
بقلمي:نبأ حسن🤍
لتنسون التصويت+التعليق بين الفقرات+متابعه الحسابي✨.
عليك أن تكون مستعداً لأن تخسر كل شيء لكي تربح نفسك
....................
طلعنة أني وسجاد أنريد نروح للمستشفى نشوف ماما لكيت خالو أمير وعمة ياسمين منتظرين بره أجرو تكسي ورحنة للمستشفى وصلنة هناك كلها موجوده منتضرين يطلعون من العمليات بقينة كاعدين توترت حيل والخوف موتني أحس كلبي رح يوكف أخاف عليها خاف يصير شي شوية وطلع دكتور كلها راحت يمة تسئل
... الحمدالله ثنينهم بصحة جيدة وهسه رح نطلعهم كل وحده بغرفة خاصة
ابو هيثم .. الحمدالله الحمدالله مشكور دكتور ماقصرت والله فرحتني ... هز راسة الدكتور وراح شوية وطلعوهم ثنينهم من غرفة العمليات بالسدية من شفت ماما طلعت رحت أركض عليها بعدهي نايمة مصاحية أخذوها للغرفة وشالوها خلوها بالسدية الثانية من قوه الركعة كعدت وهية تون بألم وتهذري وحدها تحجي
مياده .. أمم .. هي .. هيثم وي.. وينك.. لتعوفني .. لا تروح بن .. بناتيي سي .. سجاد وين.. ويينهمم أريج وينها خطية .. بب.. بتي تبجي علية ..
وكفت يمها وأمي أمسد على شعرها
أريج .. هاي هاي أني ماما شو باعيلي وهذا سجاد هم موجود
مياده .. مم .. ماما أرر .. أريج لا تبجيين أني أرجع الكم أرر .. أرجع
أريج .. لا لا والله ماابجي يلة أنتي هم لا تبجين كافي موزين عليج
مياده .. هيثمم ويينك تعا.. تعاال مشتاقتلك ... بقت تبجي وهية تكرر أسم بابا ماتحملت كعدت بالكاع أبجي من كد القهر صار بصفي خالو أمير
أمير .. هاي شنو كومي بابا كومي لا تبجين
أريج .. أريد بابا يرجعع خلي يرجعع شوف ماما تبجي عليه
أمير .. ماتدري بروحها وهية بعدهي بالبنج يله كومي
أم مياده .. كومي ماما كومي خطية ميصير تبجين يمها هسه تصحة تشوفيج هيج تضوج وتنقهر ... مسحت دموعي وكمت شوية وبدت تصحة كاعده بصفها ولازمة أيدها
أريج .. ها ماما ... حجت بتعب وهية تجر بالكلمة جر
مياده .. ها أريج
أريج .. شلون صرتي زينة ... هزت راسها ولتفتت عليهم أجت بيبي باستها
أم مياده .. مابيج شي مابيج شي سالمة إن شاء الله
مياده .. عمتي شلونها
أم مياده .. هسه رايحين عليها نشوفها
مياده .. أفنان بالبيت
أريج .. اي ماخليتها تجي وين تكدر وهية رجلها مجبسة
مياده .. اي أحسن
أنت تقرأ
سجينة قلب الأبهر
Mystery / Thrillerالسيف في الغمدِ لاتخشى مضاربهُ وسيف عينيكِ في الحالتين بتارُ"" إنَ المَفَاتنَ فَيْ عَيْنَيْك مُخْمَرَةُ مِنْ نَظرَةٍ مِنكِ يَغْدُوْ الَمرْءُ سَكرَانَا
